____________
عند اوس
راح يجري للدار مور معيطتلو سلسبيل تقولو على يماه لي طاحت من طولها ..... وصل يطبطب حلتلو ختو
اوس : واش بيها يما وين راهي
سلسبيل : منعرف اوس عيطولها في للتيلفون ومعلاباليش واش قالوللها حتى طاحت . .... ضك راهي تستعفا في شمبرتها
راح اوس لعند اسمهان موراه سلسبيل دخل لقاها نايضة راح باسلها راسها و شدلها يدها
اوس : غير الخير يما
عصام : لقينا السكر هبط و لاطونسيو طالعة عيطت لطبيب اعطالي شوي دواوي
اوس : كيفاه حتى صرالك هكا صبح خليتك لاباس بيك
اسمهان : اوس وليدي تعيش هذي الخطرة دير بخاطري ياك
اوس : ..... قوليلي ونخمم
اسمهان : مكاش الوقت باه تخمم ...... عيطولي ضك قالولي خالتك حياة ضربوها بموس اليوم صبح .... تعيش اديني لعندها
سلسبيل حطت يدها في فمها اوس معرفش واش يقوللها
عصام : متقوليهاش كيفاه قدرو مشي قلتيلنا البلاصة وين تسكن بلاصة كالم و فيها sécurité
اوس : .... وين تسكن
اسمهان : مزالها في ALG .... اوس ياك تدي يماك
سلسبيل : خويا ياك نروحو لعندها عيب المراة معندهاش حتى واحد ثما
اسمهان : متنساش الخير اوس ..... كون مشي هي مكنتش راح توصل لوين راك واصل ضك وانا ختي بيك ولا بلا بيك نروح لعندها لقيتها في وقت الشدة ..... تشفا قريب تمرمدنا في الشوارع .. . .. متخلينيش نزعف عليك
اوس : خلاص يما نديك متخميش مرانيش بلا قلب ديجا عندي خدمة ثما
عصام : هذي هدرة مليحة .... راكي تسمعي اسمهان ضك حطي راسك و استعفاي ايه
حركت راسها امبعد شوي و خرجو من الشومبرة خلاوها ترقد
سلسبيل : خويا اقعد ضك نحط الفطور صحا
اوس : ايه روحي
راحت وخلات اوس مع خوه قاعد حاط يديه على راسو و عينيه مغمضين حتى وين عاود فتحهم يشوف في عصام مقطب حواجبو ..... ناض عندو وشد فكو بيديه دورو لعندو .... شاف وجه خوه كامل زرق و خضر مخلط
اوس عوج راسو امبعد طلقو زعنا فور حتى وجعو
اوس : ايه ياخويا نتا ثاني فهمني واش راه صاري هنا
عصام بلق ريقو مخممش في كذبة يقولهالو
عصام : اوس .. انا .... انا في الحق ....
اوس : ضربوك ياك ..... راني نهدر معاك
عصام قعد ساكت مهبط راسو اوس طلعلو راسو يزير فيه
اوس : كي نهدر معاك تشوف فيا و تجاوبني راك تسمع
أنت تقرأ
بحر عينيك __ بالهجة الجزائرية
Romanceكونيك كلها على زوج عيباد تلاقاو بالصدفة حكايتهم غريبة حتى واحد فيهم قانع انو يحب لوخر بصح غاع الناس تحس بهذيك الكيمياء بيناتهم ومام نتوما كي راح تقراو الحكاية تحسو بالفراشات
