صباح جديد احداث جدد يستناو :
مور هذيك الليلة لي جازت على ملك صعيبة بزااااف قعدت تبكي و ناضت تاني تبكي على حجر خديجة كل ميتعاودو هاذوك اللقطات في راسها يحكمها الشوك و لحمها تحكمو الرعشة
خديجة : ملك بنتي . . . تعيشي متقعديش ساكتة هاك
مردتلهاش بكلمة قعدت غير ساكتة تشوف مع الحيط
خديجة : عمبالي تحبيها بصح الله غالب ربي هذا واش كتب
فتحت شفافها تبلع امبعد شافت في يماها عينيها مذبالين و منفخين من كثرة البكاء
ملك : معندهمش قلب . . . قتلوها . . ماما كيفاه قدرو يديرو جريمة كيما هاذي
جريمة : يحاسبهم ربي يابنتي نتي متقعديش ضك تندبي
ملك : مراهيش حاجة نورمال لي راحتلي . . ماما قلبي تكسر مرحموهاش يكونو عذبوها بزاف قبل متموت
قاعدة تهدر وعينيها يدمعو حتى وين تفتحت باب تاع شومبرتها كانت مانها حطت يدها على وجها تحرك في راسها
زهور : متقوليليش مزالك تبكي على قطة
ملك : ماااني هذيك ميشا مراهيش قطة نورمال
زهور : ياوخذتي على بنتك خديجة على كبرها دارت مندبة على قطة
خديجة : هذي هي ملك يما كون مدارتش هذا السمير متكونش ملك
زهور : ايه خلاص الحمدالله برك جا البكاء باطل . . . نسيتوني جيت نقوللكم ارواحو تستقهوا
ناضو رايحين للكوزينة وملك مزالها تهدر كلات كاسيطة
ملك : كيما قلتلك . . ميشا مشي برك قطة . . .ميشا انا سميتها كنت ندوشلها و نوكلها و بزاف صوالح اهم عفسة كانت الفاكسة تاعها في الوقت نهارنا دايمن كيف كيف . . كانت كثر من ختي . . . ماما ياك راكي فاهمتني
خديجة : ايه بنتي فهمتك . . ضك اقعدي تشربي
قعدت تشوف مع طابلة و تهدر
ملك : راكي تسمعي ماني وديجا مفهمتش كيفاه قدرو يقتلوهالي واش دارتلهم مسكينة . .. ايه ماما جبت البارح وحد الفراز حلو ديريلي confiture . . . وين كنت ايه رحت نقوللكم راح نروح عند لابوليس نديكلاري على لي قتلها يدبرو ريسانهم وين يلقاوه
زهور : بنتي جبلي ربي اذا معنديش الزهايمر مزال مختارعوش لابوليس تخدملك هذي الخدمة كاين لابوليس لي تحكم بنادم قتل بنادم كيما هو مشي قط
ملك : علاه القط مفيش روح كيما حنا وقيل
خديجة : امم ملك كولي مشي كنتي خارجة مع البنات اليوم
ملك : اييييه صح مزال موجدتش روحي راني رايحة نلبس . . . ماما راني مخبية كرواصون ثما اجبديه هذا اذا مزال مكلاوهش صحا الحب
أنت تقرأ
بحر عينيك __ بالهجة الجزائرية
Romanceكونيك كلها على زوج عيباد تلاقاو بالصدفة حكايتهم غريبة حتى واحد فيهم قانع انو يحب لوخر بصح غاع الناس تحس بهذيك الكيمياء بيناتهم ومام نتوما كي راح تقراو الحكاية تحسو بالفراشات
