كابوس الوله

- الكـابوس السابـــع -

#كابوس_الوله
#7

بقلمي انا : نورمين

لا تنسون التصويت والتعليق على الفقرات + اضافة لحسابي 🤍🦋.

.....

باءت محاولاتي وياها كلها بالفشل ومكدرت افلت منها، كمت وياها بعدما بدلت ملابسي ولميت شعري

طبيت اباوع ادور ع امير ، تفاجئت من شفته مموجود عالسفرة، حتى من اجت اخته المشايفها صار زمااااان هم مكعد وياها؟
اوي شعليه، يلا بعد احسن حتى لنتصادم اني وياه

وكأن بسملة قرت افكاري فرئسن سألت خالة

بسملة: ماما امير وين لعد؟

لمياء: بغرفته ميشتهي كال ماريد

بسملة: شون بيهم ذوله بتواسيللل يلا يجون ياكلون، افف خلشوفه واجيكم

دتكوم تروحله لزمت ايدها خاله وكالتلها بهدوء ينم عن جدية.

لمياء: خلي براحته لتضغطين عليه

خضعت بسملة لان حست بجدية الوضع، وبشكل غريب عم الاجواء التبلد فمحد اكل مثلما صبينا شلنا الاكل ، محد اله نفس ياكل او يسأل احد ليش مدتاكل

احس البيت مليان طاقة سلبية وياهوه ليفوتله غصب عنه يتأثر، حتى بسملة جانت كلها طاقة بس خفتت..

العصريات بسملة وخالة جانو بغرفة امير، بس اني ما رحت وياهم لان كلامه لسه مديطلع من بالي

ومدا اتخطى تعبيره الصريح عن كوني شخص غريب عنه ومو من عائلته، وما اظن رح اتخطى هالشي بسهولة

لان بالنسبة الي هو اكثر من مجرد انسان احبه، لا هو بمنزلة كلش رفيعة بداخلي، بحيث حجايته انطت شعور اليم كلش باعماقي مناصفة وية حجم حبي اله

خابرتني صديقتي باران قطعت سلسلة افكاري وصفناتي، رفعت التلفون حرت ارد لو لا؟

صفنت، اي خ ارد خاف اكو شي مهم واني ممداومة مادري

فتحت خط كايلة: الوو هلاو حبيبي

باران: هلا بلولو عاش من سمع صوتج شلونج ولج

وله: ليش شكو شبيه واني مادري

باران: لا عيني سلامتج بس الج من يوم الي انصاب اميرچ وانتِ لا حس ولا نفس حتى للدوام متجين

وله: مالي خلك صدكيني

سكتت شوية مستشعرة نبرة صوتي المليئة بالجزع

باران: الصار بأمير اله علاقة؟

وله: برو حبيبي عادي بعدين نحجي مالي خلك هسه حبابه

باران: صح خوفتيني، بس ماشي على راحتج

سديته منها وصفنت بالسكف اففف شلون حالة هاي، لا اني المتقبلة كلامه وساكتة ولا اني المغلسة والمسوية روحي ممهتمة