كابوس الوله

- الكـابوس الســادس-

#كابوس_الوله
#6

بقلمي انا : نورمين

لا تنسون التصويت والتعليق على الفقرات + اضافة لحسابي 🤍🦋.

.....

دقايق وما حسيت الا صوت تكسير ملى البيت وامير يصرخ وخاله صوت بچيها يصدح ركضت اشوف شبيهم وجان انصدم بالشفته..

امير منتچي عالميز مال غرفته يلهث انفاسه بصعوبة، وجهه احمر دماراته بارزة بسبب حالته العصبية الهستيرية الداخل بيها

الغرفة مكلوبة كلاب ماكو شي باقي بمكانه، كلشي متكسر وواكع والارضية صايرة خريطة من الفوضى والتكسير.

خالة حالتها حالة لا بيها تحجي ولا بيها تسكت، تباوعله بصمت وعيونها تبجي

بصعوبة همست بترجي: ولك يمه فدوة لخاطري اهدى مو زين عليك هشكل ورجلك دتأذيك

اندار وبنفس اللحظة صرخ بـ "كتلجججج كافي" وشمر مزهرية عالمراية خلاها طشار، خالة رجعت لورا واني رجليه بعد متعينني اوكف

اجة يغمه عليه من الخوف والصدمة، امير من شوكت هيج متوحش وليش هيج ديصيح ع خالة؟

التفتلها كايل بتحذير وعيونه تجدح نار جدح
امير: كتلج بدون هالنبرة الكلها شفقة، كللللللت لوووووو ماااااا كلتتتتتتتتت احججججججيييييي كللللت لووو لااااااااا؟

زادت خاله باالبجي وهي تحجي بمنتهى العناية والاهتمام حتى لتجرحه: غير انت وليدي ولك اني شعدي غيرك شلون تريد اباوعلك متكلي

ارتخت نظراته وفرك وجهه بايده حيل وكأن رجعتله نفسه الحقيقية الي فقدها لدقايق مضت..

جان مستند عالميز وشامر عكازته، ذب روحه بالكاع ضام رجليه لصدره ودنك راسه لجوة بحيث مينشاف بعد اي شي من تعابير وجهه وبنبرة مليئة بالجفاء كال: اطلعي برا امي

لمياء: بس خ انظف الغرفـ.....

حجة باصرار مشدد ع الحروف، مقاطعها: كللللت برا

مكمل بنبرة مُـراعية نوعاً ما:  لتعصبيني اكثر فدوة اروحلج اني

هزت راسها ببكاء والتفتتلي، ملامحي تعلن الاستنفار التام ازاء الموقف الشهدته، نظرتلي بنظرة تعبانة محتارة شتسويله متدري، رمشت بعيوني بنظرة معناها ميخالف، تقدمت مني ببطء وصلت لحد باب الغرفة، المكان الواكفة بي اني تماماً

خليت ايدي ع جتفها، دنكت راسها مكسورة خاطر وراحت، متت قهر عليها

اما امير ماعرف شنو نوع المشاعر الاحس بيها تجاهه بهل لحظة، بس اكيد مراح تكون مشاعر عادية

رفع راسه بعدما راحت خاله عباله ماكو احد، الظاهر مجان منتبهلي من الاساس، باوعتله بنظرة معصبة معاتبة لطريقة تعامله السيئة وياها، خزرني وكام يسحل بروحه ويعرج كوة وصل، ركع الباب بوجهي وقفلها مرة اللخ