كابوس الوله

- الكــابوس التـاســع -

#كابوس_الوله

#9

البارت التاسع

بقلمي انا : نورمين

لا تنسون التصويت والتعليق على الفقرات + اضافة لحسابي 🤍🦋.

noormin35 🦋🤍

.....
اما اني فجنت بين فزعي من الكابوس وصدمتي بكونه داخل غرفتي وقريب مني لهدرجه!!

لميت نفسي ساحبة ايدي من ايده متغطية بالغطوة ساترة نفسي وما كدرت اكول غير هالجملة بصوت مهزوز مليئ بالخوف

وله: انت شدتسوي بغرفتي؟!

باوع لتصرفاتي رافع حاجبه وكأنه ديحلل الموقف بكل جوانبه وكال بثبات.
امير: سمعتج تصيحين وخايفة اجيت لكيتج نايمة دتكوبسين 

رمشت بعيوني ببطء..
لوهلة رجفت خلايا جسمي من التعب، وعيوني انسدلت اجفانها بخفوت..

هذا اميري الي جان دائماً ملجأي الامن، مو كابوسي الحقير فما لازم اخاف منه.

ريحت جسمي المتشنج وسحبت نفس منعشة اوصالي المتعبة

امير : وله بيج شي؟ شنو جان هالكابوس؟ ليش جنتي تصيحين عوفني منو هذا لتريدي يعوفج ؟

اسألته خلتني بموضع ارتباك، بالاضافة لقربه مني.

وله: محد مجرد كابوس مو حلو

امير: متأكدة ؟

هزيت راسي بثبات مصطنع راسمة ملامح جادة، اردف : خير ان شاء الله

وكام مستند ع عكازته وطلع

تمددت مغطية راسي بالغطوة وعيوني تدمع ، ماعرف ليش دا ابجي مشاعري مختلطة بشكل غريب

من جهة خايفه واجهل الوقت الي رح اتخطى بي هالكوابيس البشعة، ومن جهة ثانية خوف امير عليه وشلون طب لغرفتي وكعدني وجان واضح انه قلق عليه وهالتصرف يعاكس تصرفاته السابقة القاسية وياي

اندكت باب غرفتي، مسحت دموعي عالسريع منو هذا معقولة امير رجع؟

امير: اني.. وله لتخافين

بعز تعاستي لحظتها ابتسمت وحسيت خاطري انجبر بهل حجايه " اني.. وله لتخافين"

ابتسمت ابتسامة بسيطة عاكست ملامح وجهي المتجهمة وكلت بصوت مسموع : تفضل

طب بايده كلاص مي ، تقرب انطانياه اخذته منه شربت شوية وخليته عالميز يمي، رفعت راسي باوعتله واكف كبالي يباوعلي بتركيز

تحمحمت كايله بتلعثم: ش..شكرا تعبتك

امير: ما سويت شي

التفت طلع وسد الباب بهدوء، انتجيت ورفعت راسي لفوك صافنة ..

خليت ايدي ع گلبي، طبل صاير..
بس مو من الخوف، لا من الحب!
بسبب وجود امير يمي واهتمامه بيه، طغى شعور الحب والسعادة على شعور الخوف والبكاء الي جان مراودني