كابوس الوله

-الكــابوس الاول-

#كابوس_الوله

بقلمي انا : نورمين

لا تنسون التصويت والتعليق على الفقرات + اضافة لحسابي 🤍🦋.

.....

في خضـم أوّج فترات مسيـرتي الكروية وفي قمـة عطائي وتوهج أسمي..تعثـرت!

خُـذلت، تعرضتُ لصدمة كبيرة، تركنـي الجميع، تخلى عني العالم بأسـره..
ومن ثم بقيت وحدي، سقطت للهاوية لأتحطـم وآمالي سوياً بقسوة.

لكن، القدر؟!
آآآه له وألف آه..

ثمـة أمر غريب في ما يسمى بـ " القدر "
والا فـكيف يمكن لكابوس بشع أن يتحول لحلم سعيد؟

**

-بلـى يمكن!

أنها الحياة يا سادة..
ساحة المفاجئات والمباغتات الصادمة الغير متوقعة. حيث بأمكان المستحيل ان يغدو سهلاً وممكناً!

كيف لا؟
وهنالك رب مدبر يمكنه صنع المعجزات وتذليل العقبات جميعاً، بقـوله " كُـن فيـكون " ؟!

………

فـي الماضـــي~

بنص الشارع تحديداً، ملتمين جهال المنطقة دنلعب طوبـة، مسوين الطابوكات هدف وصايرين فريقين وناس تركض منا وناس تركض مناك بحيث متشوف بس العجاجة تگب.

صفاء: لك امييييير هيوووو شووووت عدل شبيك

صحت بأمير لان لزك الا يشوت عالكول، ميمررلي وشوتاته اليوم كلهن عوج ولا وحدة اجت بالكول ابببد، خبلني!

امير: صفاء هو اني لو هووو متشوفه ميعرف يصد الطوبة، لككككك مهدي الاثول حارس جيس حب انت، هم حاسب روحك حارس عود بطليان ما اسرحك ولله

مهدي: امير احترم نفسك اصلا شعليها هاي بهاي

امير: واذا ما احترمتها شتسوي

امير خلا الطوبة جوة ايده وتقدم على مهدي بحركة عنوانها التحدي وذاك ما چذب خبر، بادله بنفس العناد.

بقية الولد بالفريق عافوا اللعب وراحوا على مهدي وامير يفاككون بيهم

صفاء: مهدي كافي فدوة لعينك، امييييير شبيك اوكف صدك جذب هاي عود احنه فريق واحد

امير: متكله الهههههه لعد؟؟

مهدي: ليش هو منو البددددة؟؟؟

امير: غير انت مطفي مو بس طوبة تعبر من جواك حتى ثلاجات ومبردات

مهدي: كهكهكه ظريف وعلساس انت كوالتك مشككة الشباك تشكك

امير: لتجيب روحك عليه اني مهاجم وانت حارس مرمى، واذا طفيت مرة تعم علينا كلنااا بالفريق

مهدي: ليش انت كم مرة ضيعت اهداف بحلك الكول، وتعم علينا ونخسررر من وراك ومن ورا انانيتك متشوت للولد تريد بس انت تكوّل، هااا اذكرك لو نسيتتت؟