كابوس الوله

-الكابـوس الخـامس-

#كابوس_الوله
#5

بقلمي انا : نورمين

لا تنسون التصويت والتعليق على الفقرات + اضافة لحسابي 🤍🦋.

.....

امير: ااااههه ولككك سليم رججججليييييييي راااااحت

طلعوني المسعفين وسط حالة صمت عمت الملعب كله، اللاعبين الجمهور المصورين والكل الكل بشكل حرفي مصدوم وساكت

لحظة اصابتي جانت دتنعاد بالمدرجات ومحد مستوعب شصار، الكل جان خايف وقلقان على وضعي بس اني جنت رايح بغير عالم

الجمهور الي جان يصرخ بحماس خيّـم عليه الحزن والصمت، وتبدلت الافراح لنظرات وملامح خائبة

ماعرف ليش لكيت نفسي مقهور زيادة، مادري لان مكدرت اساعد فريقي واسعد جمهورنا مدري لان دا اتألم وممعروف وضعي الصحي!

انطوني مسكنات لان اصريت ابقى لحد متنتهي اللعبة، كلبي وغيرتي عالفريق مينطني اروح افحص بدون ما اتطمن

وللاسف، بقائي ما فاد بشي، لان الخصم نجحوا بتسجيل هدف ضدنا بفرصة تافهة جداً كان سببها هفوة لمدافعنا باخر انفاس المباراة

وبهيج انتهت المباراة وفريقنا خسران اللقب لصالح الفريق الخصم، الحسرة والخيبة جانت لا توصف ..

من جهة اصابتي ومن جهة ثانية تعب موسم كامل راح بالشط..
اخخ يا كرة القدم شكد غدارة!!

بعدما انتهت المباراة، اخذوني للفحوصات وتلقي العلاج اللازم، وجانو سانديني واتحرك لان رجلي حرفياً ماكدر احركها والالم مو طبيعي

خضعت للرنين المغناطيسي الي شخصني بـاصابة خطرة وقوية جداً وهي " قطع في الرباط الصليبـي " ولازم اسوي عمليـة بأسرع وقت ممكن

وهنـا بس جانت الصدمة!

شكد اني متألم هسه، بس خبر اصابتي القوية هاي آلمني اضعاف مضاعفة

رباط صليبي؟ ليش بهل وكت بالتحديد؟
ليش بأوج تألقي وبقمة ادائي ونجوميتي اجت هالاصابة؟
ليش اجت هسه من تحققت احلامي وصارت واقع؟
ليش يـا رب؟!

.........

وله

بالكلية، خلصنا محاضرة طلع الدكتور رجعت نفسي عالكرسي منتچية وغمضت عيـوني

بينما صديقتي بـاران جانت دتلملم غراضها حتى نطلع، لان القاعة فرغت بقينا بس اني وياها.

انتبهتلي مغمضة همستلي: لولو نمتي؟

لا رد

دغتنـي بايدها: الو يمعوده وله تسمعين انتِ؟

ببرود هزيت راسي رادة بخفوت: اي

باران: ليش متجاوبين لعد؟

وله: راح من ايدي خلص