فـي عشق الـ بكَـر متـاَهــاَت

المتاههَ الراَبعـهَ

﷽

تهمُوني بمحبتِك والله لويدرُون
على إلضيم إلعليَة يضل يواسوُني
مِا يدروّن عأيڤني بمهَب ألريحٓ
وآنة وياك عِفت الما يُعوفونيِ
لـ چبَار رشيّد .
"
شـعر خفيِف قريِب على قلـب احداَهــن قد علقـت بـهَ
من دوٌن خروُج ..
"
بيِن ضـرباَت القلب القاسيـهَ ومـاَضيِ لا ينتهـيِ واحَداَث
لم تذكَــر علقـَت بهـااَ إنـاَ .
"
روايـةَ : فـيِ عشـق الـ بكَــر متاَهـاَت
بقلــم الكَاتبـهَ : حـوراَء الأحمـديِ
حسـاًب الانسـتاَ : written_hawra15
حسـاًب التيِك توكَ : h_00r_2
"
لاَ تنسـوُن التصوُيِت + لاَ تنسـوُن ماَ تعلقووُن لأن تعليقاَتـكم تفرحنــيِ
+ اييِ مصممـاَت يقرن الروُايـهَ لاَ تقصرن حبيِباتــيِ ✨🤍
#فيِ_عشق_الـ بكَـر _ متـاَهـاَت
"
م/ ابـو كاظـم هوً نفسـهَ الملقـب بالــ بكَـر

ضـيِاع
———————————

گعـدت وإنـيِ فوراً باوُعت باتـجاَه الموُبايِـل ماَدريِ شـنو الخلاَنـيِ اسحبـهَ وإشـوُف منوٌ المتصل عليِهَ وإول مافتحتـهَ شفـت
مكالمـاَت مـن الــ بكَـر شمـرت الموُبايِل مغلسـهَ علىِ إتصالاتـهَ إليِ مالهـااَ داعــيِ .. وإنيِ نفسيِتيِ مزفتـهَ من الأمتحاناَت وخصوصاً إمتحان الانكليزيِ اليِ راَح يجـيِ .. بودي ابچـيِ من القهـر والخووُف بس مع ذلـكَ فتحت كتابيِ وبلشـت اقرهَ بواهس وكل ماَ إذكـر كلام الاستاَذ اليِ نرسـخ باليِ إگول :
" إن شـاء لله ميضيِع تعبيِ ..
ضليِت إقرهَ منـااَ لليِل وحتلووُ تعبانهَ ما اتوقف ضليِت إقرهَ علموُد بس انجـح من الأنكليزيِ ومن الدوُر الأول .. تعبِت بيهَ
كلش هوواَيِ لدرجـهَ من صاَر المغرب رحـت صليِت وسويِت عشـهَ وإنيِ إفكـر :
"يربيِ شلووُن بيهَ باچـر وإنيِ باقيِليِ مادهَ هووايِ ..
سويِت العشـهَ شلون مچاَن من الخووُف والتوُتـر .. إول ماگعدنهَ على السفرهَ وتجمعنـهَ بديِت إكل وبسـرعهَ لمن گمت من السفرهَ
وقبل لا إروح باوعت على مـرت اخووُي حناَن وإنيِ اگول :
" الماعيِن عليِچ فدوهَ إريد اقرهَ والله مالحگ ..
باوعتليِ وگالت بهدوء :
" ميخالف بس إذا گعدت نورهَ إنتيِ تشيليـهااَ ..
" عاديِ ..
إول ماكملت كلاميِ رحـت صعدت لغرفتيِ بس إريد اكمل قرايِهَ ضليِت اقرهَ تقريباً سـاعهَ لمن إستوقفنيِ صـوت الباَب وهوً يندگ
دقايِق وچـان اسمع إصواَت ناس هووايِ ثوانيِ ونزلت من الدرج علكيِف بدون مايحسوُن وچـاَن اشوفهـم اهل حنـاَن إول ماشفتهـم گلت و إنيِ منزعجـهَ :
" يبووو چا هيـهَ وكتـهااَ هسـهَ ويِن اروح اقرهَ من ورهَ اصواتهـم العاليِهَ .. دقايِق ودخلووَ سلمو وگعدوا أنيِ فوراً نزلـت سلمت
عليِهم وقدمتلـهمَ المايِ وجبت مجموعة مخدات وخليتهـم ورهَ ضهرهـم وصعدت مرهَ ثانيـهَ لفووُگ مامتحملهَ سوالفهـن لكن استوقفنيِ صوتهـن وهنـهَ يحچـن عليهَ گدام اميِ ويگولن :
" واللهَ متغيرهَ بتـچ !
" من القرايِهَ تبقـهَ للصبح گاعدهَ ..
صعدت متجاهلهَ كلامهـن بس علموُد اكمل قرايـهَ لمـن سمعـت إبويِ جايِب عصايِر وموطـاَت إنيِ فوراً نزلت هـم إكل وهـم شويـهَ
استراح لمن راحـو الخطـاَر وإنيِ كذلك رجـعت إقرهَ .. ورحـت ثانيِ يِـوٌم للأمتحـاَن وكذلك اجـهَ السايِق وإنـيِ فوراً طلـعت ورحت للآمتحاَن وجـاوبت الاعرفهَ وطلـعت وبعدهااَ رجعنـهَ للبيِت وإول مارجـعت شفت موُبايِليِ جـايِ يدگ تقربت من الموُبايِل وچـان إشوفهَ الـ بكَـر إول ماشفتهَ فتحـت الخط وچاَن يگول :
" ليِش ماترديِن !
" هستونيِ شفت المكالمهَ..
" شـلونچ بالامتحاَن ..
" زوينـهَ ..
" ماَدام زوينـهَ يعني مجاَوبـهَ ..
گلت وإنيِ احس شعوُر الخووُف ملامسنـيِ :
" مادريِ بس خايفهَ كلش!
" لا تخافيِن سويتيِ اليِ عليِچ والباَقيِ علىَ اللهَ ..
" ونعـم باللهَ .
" محتاجهَ شـيِ ..
" لااَ ..
ورهَ هايِ الكلمهَ انتبهـت علىَ نفسيِ اگطـع الخط مباشـرتاً من دون سلاَم او إيِ شي ثانيِ المهـم .. بديِت اقرهَ للأمتحاَن الوراهَ
وأمتحاَن ورهَ امتحان والخووُف چان عنديِ يزيد ميقل .. چـنت اخاَف من شيِ إسمـهَ رسوُب ، فشـل .. وغيرهَ .. وُ كل ما إرجع من الأمتحاَن ادعيِ كون ما إرسـب وراهـااَ إروُح اخابر الـ بكـَر لأن اشوفهَ دائمـاَ ورهَ كل امتحاَن يخابرنيِ وإنيِ لازم إرد عليَه ويسألنيِ
وإنيِ اجاوبـهَ لمن اگطـع الخط .. خلصت الامتحـاَنات واحـنهَ على نفس النمط من دوُن ما نذكَـر الاعتراَف المفاجأه اليِ صـار وصراحـتنهَ بديِت انسـاهَ وهوً كذلك مارجـع يحچي بالموضوع .. إلىَ إن توزعـت النتائـج چـنت غافلهَ ما إدريِ اصلاً لأن موبايِليِ نوكيـهَ فـ شيِ طبيعيِ ما إدريِ إلى إن بـ ليل دگ موُبايِليِ وإنيِ چنت بغرفتيِ إنظف تقربت باتجـاهَ الموُبايِل وسحبتـهَ وخصوصاً من شفـت إسـم ( فاطمـهَ ) إول ما فتحت الخط گالت :
" هلااو وتيِن شلونچ ..
" الحمدللهَ وإنتـيِ !
" الحمدلله صـرت من شفـت النتائـج !!
" شـنووُ ! وزعوهـااَ !
" إييِ وشفـت نتيجـهَ مالتـچ ..
إنيِ بس سمعـت كلامهااَ گلبيِ صار مثل الدمـاَم حتى ما گمت إرمش وخصوصاً من سمعـتهااَ دگول :
" انتيِ طايحهَ بـ3
إهنـااَ تمنيِت الگاع تنشكـ وتبلعنيِ بسبب هالخبر .. تجمـعن دموعيِ بعينيِ وإنيِ ما إعرف شحچيِ إو شگول إو ماعنديِ شخص
بالاسـاَس إروحلهَ ويطبطب عليِهَ ويسمعـنيِ وينصحنيِ إكتفيِت بالهدوء وإني اسمع فاطمـهَ دگول :
" طايحـهَ بالكيميهَ والأحياَء والرياضيِاَت ..
يمكـن الشغلهَ الوحيدهَ اليِ هونـت على گلبيِ وهوً إنو ما طايحـهَ بالانكليزيِ وإكثر مادهَ چـنت خايفهَ منـهااَ .. بهل اثناء وأنيِ اسمع فاطمـهَ دگول :
" إلو إلوو!
" تماَم شكـراً ..
وگطعـت الخط بوجـههَ وشمـرت الموُبايِل وإنيِ ماَ اعرف شسويِ خليِت إيديِ على خديِ وگعدت افكـر .. يعنيِ إني تعبت وهايِ نهاية تعبيِ .. تعبت هوواَيِ حتى مو شويِه ليِش هيِچ جايِ يصيِر وياَيِ ... دقاَيق وسمـعت إمـيِ تحچيِ بالموُبايِـل إول ماسمعتـهااَ نزلت إريد اعرف شـنو صاَيِـر لكن إول ما نزلت سمـعت إختيِ نماء من الموُبايِل دگول لأميِ :
" وتيِن واگعـهَ بـ 3 مواد ..
إنيِ فوراً الغصـهَ صاَرت بالعوميِ ما إعرف شسويِ إبچـيِ لو إسكت لو إدافع عن نفسيِ لأن اعرف اهليِ ما راَح يخلونيِ بحالـيِ .. إول مالمحتنيِ إميِ من الدرج گالت :
" بس روحـهَ وجيهَ ماكو فاَيدهَ من العاَم باثالَـث وهالسـنهَ وگعتـيِ !
باوعتلهـااَ وگتلهـااَ بتحديِ وإنيِ احاَول اهديِ نفسيِ :
" السنـهَ إذا ما نجحـت اترك الدراسـهَ ..
بهل اثنـاء دخل إبويِ وهوً يگول وكأنوا چـاَن يسنط على كلامنـهَ :
" إيي احسـن شيِ سوينـهَ تركيِن الدراسـهَ ..
إنيِ فوراً نزلن دموعيِ بس مع ذلك صعدت للغرفه لأن ماريد احد يشوفنيِ إبچيِ وخصوصاً اهلـيِ ضليِت حابسـهَ نفسيِ بالغرفهَ
ودموعيِ ينزلـن إبداً ما اتوقفن وإنيِ خايفـهَ إخاَف هالسـنهَ اخر سنـهَ تكوُن اليـهَ .. وإضل گاعدهَ بدوٌن دراسـهَ .. الخووُف بدأ يـاكل گلبـيِ لمن سمعت إذا المغرب طلـعت من الغرفهَ توضيِت وصليِن لمن ارتاحيِت شويـهَ نزلت علمود اسويلهـم العشـهَ لأن العشـهَ دائمـاً عليهَ سويِت العشـهَ بسـرعهَ بس علموُد لا اسمـع حچايِهَ تسـم البدن .. خليِت صينية الاكل وصعدت الغرفتيِ وثـوانيِ وچان ينفتـح الباَب إول ما انفتح الباَب شفـت حاَرث اخوويِ .. إول ما شافنيِ مصدومهَ گال :
" إكوي الدشداشـهَ مالتيِ ..
باوعت ليدهَ وچاَن إشوف بيهاَ دشداشـهَ إنيِ فوراً من الخرعهَ گتلهَ :
" جيبهـااَ ..
گمـت من مكاني طالعهَ من الغرفهَ اجيِب الأوتي لأن مو بغرفتيِ على ما رحـت وجبتـهَ لگيتـهَ مخليِ الدشداشـهَ إنيِ فوراً شكلت الأوتيِ بالكهرباَء
وخليِت الدشداشـهَ عدل علىَ ما يحمـهَ الأوتيِ .. دقايِق وخليِت الأوتيِ على الدشداشـهَ إكويِ بس الدشداشـهَ مجاي تنكوويِ خااَف الأوتيِ بعدهَ ما حاميِ تجرأت ولمسـت الأوتيِ إريدهَ اشوفهَ حاميِ إو لا وطلـع فعلاً بااَرد وإصلاً مابي حرارهَ بهايِ الاثناء طفيِت الدگمـهَ ماَل الكهرباء وچـان ينفتح الباَب مرهَ لخ باوعت على الباب وچاَن يطلـع نفسـهَ حارث إول ماشفتـهَ گلتهَ :
" ترهَ الأوتيِ ميشتغل ..
هوً بس سمع كلاميِ گال بصوت عاليِ :
" إنتي خربتيـَه ..
" چا إنيِ شكوو بس إني بالبيِت ...
" يلاا سديِ حلگـچ احسـن روحيِ لبيِت إبو كاظـم اكوي دشداَشهَ عدهم وتعاَيِ بسـرعهَ ..
إني بس سمـعت الاسـم بالعت ريگيِ بقوهَ وخصوصاً إني اعرفهَ موجود بالبيِت بهالوقت ومتأكدهَ ، گلـت بصوت هادئ عكس مساع :
" إخااَف اروُح ..
" إني إوصلـچ ..
إنيَ بس سمعت نبرة صوتهَ فوراً تحـركت من مكانيِ لبسـت العبايـهَ رأسـاً وطلـعت وهوً وراَيِ وصدك ضلينـهَ نمشيِ لمن وصلنهَ لبيتـهم دگيِت الباب
وهوً واَگـف وراَيِ ، ثوانيِ وچـاَن تطلعليِ بتـهَ بنيِن إول ماشافتنيِ گتلهـااَ :
" السلام عليكم ..
" وعليكم السلاَم ..
" إمچ هناا !
" إييِ تفضليِ تعالي..
" لاا روحيِ صيحيـهااَ ..
درت وجهيِ لحاَرث وإنيِ إشوفهَ راجع للبيِت وعايفنيِ وحديِ .. دقايِق وطلـعت مرتهَ سلمت عليهَ وإنيِ فوراً گتلهـا :
" عدكم إوتيِ حارث يريد يكويِ دشداشـتهَ بس الأوتيِ مالتنهَ عطلااَن.
" ايي تعاليِ
دخلت للبيِت بهدوء إمشيِ على إطراف اصابيعيِ إخاف يحس بيـهَ ويطلـع إگباَليِ .. گعدت بهدوء منتظرتهـااَ تجيِب الأوتيِ بهاي الاثناء دخل ابنهـااَ چبيِر وإول ماشافنيِ گال :
" السلام عليِكم
" وعليكم السلام ..
" طلـعت النتائچ شفتيِ نتيـجهَ مالتچ!
" ايي وطلـعت طايحـهَ بـ 3
بهاي الاثناء چابت امـهَ الأوتيِ وخلتهَ گباليِ وهوً فوراً گال :
" يمـهَ وتيِن طايـحهَ بـ 3
" يااا حراماَت ..
إول ما سمـعت كلامهاا عرفتهَ مو من گلبهـااَ ما اعرف ليِش بس احسهـااَ حاقدهَ عليهَ على لا شيئ .. گمت من مكاني من شفتهااَ ركبت الأوتيِ
بالكهرباء طلـعت الدشداشـهَ وبديِت اكوويِ وهيِ وإبنهـااَ راحو من انظـاَريِ ضليِت وحديِ إكوويِ ثوانيِ وحسيِت على شخص دخل من دشداشتـهَ عرفتهَ
الـ بكَـر لكن مع ذلك سويِت نفسيِ ما شايفتهَ وعود اسفط بالدشداشـهَ لكن يبس دميِ بجسديِ وإنيِ إشوفهَ صار قريِب كلش منيِ فجأه وهوً يگول :
" السلام عليِكم ..
بلعت ريگيِ بخووُف وگلت وإنيِ منزلهَ راسيِ :
" وعليِكم السلام..
گال مرهَ ثانيهَ بصووُت هادئ وإنيِ منزله راسيِ بس مع ذلك ضل يباوعليِ وكأنو جاَي حفظ ملامح وجهيِ :
" الرشاشهَ انطيتـهااَ الحَارث ضمـاهااَ ..
كمل كلامهَ وتقدم خطوهَ چبيرهَ باتجـاهيِ وإنيِ فوراً رجـعت لدرجهَ انضـربت بالحايِط وإني مصدومهَ من تصرفهَ
ومن تقربهَ ثواينِ وابتعد بشكل مفاجأه رفعت نظريِ وإني إشوف مرتهَ تباوع علينهَ فوراً گلت بتوتر :
" والله ماَدريِ إكيد يضمـهاَ ..
سمـع كلاميِ وطلـع من البيِت بعدهاا مباشرتاَ ، إنيِ وراه بدقايِق سفطـت الدشداشـهَ وطـلعـت وحديِ وإنيِ افكر لو تاكلنيِ الچلاب ميخاف من الله
ياخذك على هالعملـهَ إييِ والله يالـ بكَــر رجـعت للبيِت وإنيِ إسمـع صوت إختيِ نماء موجودهَ بالبيِت .. إول مادخلت للبيِت شافتنيِ وگالت :
" إكلچ رسـل صديقتـچ هم طايحـهَ ..
باوعت عليهااَ وإنيِ مصدومهَ :
" شمدريِـچ !
" شفت نتيجتهااَ وهم طايحـهَ بـ 2 ..
صعـدت من دوُن ما اهتـم للكلام اليِ راح ينگال وصعدت لغرفتيِ لكن قبل لا اصعد للغرفهَ شفت اخوويهَ حارث فوراً گلتهَ :
" هايِ الدشداشـهَ كويتهـااَ الك ..
" خووش
سحبهـااَ من إيديِ وإنيِ دخلت للغرفهَ وإول مادخلت باوع على موُبايليِ اليِ مشمور كالعادهَ سحبتهَ وإني إدور على إسـم رسل إريد اخابرهااَ علموُد نتفق إنيِ وياهااَ ندخل دورات إذا چـاَن نتيجتـهااَ نفس كلام اختيِ .. إول مادگيت عليهـااَ مادرت دگيت عليهااَ مـرهَ ثانيهَ يالهَ سمـعت صوتهااَ وهيِ دگول :
" الوو !
" الوو شلونچ رسل ..
" زينـهَ الحمدلله انتيِ شلونچ !
" الحمدللهَ ..
" عرفتينيِ !
" ايي وتيِن ..
" اهاااَ .. إگلـچ إني طلـعت طايحـهَ بـ 3
" وانيِ بـ 2
" شـنوو رأيِـچ ندخل دورات ..
" الله ويدچ ..
" خووُش گوليِ لأهلـچ وإنيِ راح اگول لأهليِ علمود نتفق سويهَ
" تمام .. 
نزلـت لجوهً وإنيِ إريد افاَتـح اهليِ بالموضوع ولحسن حضيِ لگيتـهم گاعديِن سوهَ وإختيِ وياهمَ باوعت عليهم بهدوء وگلت :
" قررنـهَ إني ورسل ندخل دورات تقويهَ ..
فوراً اختيِ نبسـت من مكـانهـااَ وگالت :
" اييِ دخليِ ..
قاطع إبويِ حديثهااَ وهوً يگول :
" دخليِ بس هم متنجحيِن ..
" لااا إنجـح ..
باوعت لأختيِ وهيِ تگلب بالموُبايل ودگول :
" اكوو هاي ِالمدرسهَ الاهليـهَ تقدم دورات تقويهَ ..
" شسمـهااَ ..
" اسمها....
" تمام لعد راح نتفق إنيِ ورسل إنروح سوهَ ومن باچـر ..
گال إبويِ بدون إهتمام وهوً يباوع عل تلفزوُن :
" إنيِ اخذچـن إذا باچـر ترحن ..
كمل كلامهَ وإني فوراً صعدت الغرفتيِ سديِت الباَب وسحبت الموبايِل ودگيِت علىَ رسـل وإول مادگيِت فتحت الخط وگالت :
" إگلچ وتيِن اهليِ وافقوا بس يا معهد نروُح يطينـهَ دورات تقويهَ ..
" شوفيِ إكو مدرسـهَ إهلـيهَ اسمهـاا .... تطيِ دوراتَ تقويهَ لذلك باچـر من صبح نروُح إني وياچ وإبويِ ياخذنهَ خووُش ..
" خووُش لعد راح اگول لأهلـيِ ..
" تماَم
ذبيِت الموُبايِل بعد ما خلصت المكالمهَ وإحس بنوعاً ما من الراحهَ والخووُف ما اعرف شـنو من شعوُر هذا لكـن حاولت اتجاهلهَ بقدر الامكان بالنوُم ..
رحت نمـت الى إن گعدت ثانيِ يِوُم على صوت اميِ وهيِ دگعدنيِ فوراً گـمت من مكانيِ وغسـلت وجهيِ وبدلـت ونزلت لجوهً شربت چاي بسرعهَ لأن إبويِ برهَ
ينتظرنيِ فعلاً طلعـت وشفت إبويِ واگف گبال السيارهَ منتظرنيِ فوراً صعدت وهوً صعد ومشينـهَ لبيِت إبو رسـل ثوانيِ وطلعت رسـل من بيتـهم سلمت علينهَ ورحـنهَ رأسـاً للمدرسـَه وإول ما وصلنـهَ وحتى قبل لا ننزل گاَل إبويِ :
" شوگـت تكملن علموُد اجيچـن !
" من اكمل ارمش عليِك..
كملت كلاميِ ونزلت وهيِ كذلك لمن دخلنهَ للمدرسـهَ وإحـنهَ وحده تباوع بوجـهَ الثانيهَ مستحيـاَت ثوانيِ وگالت بهدوء :
" اگلچ إنتيِ احچـيِ !
" إني استحيِ ..
" والله انـيِ هم استحـيِ ..
دقايِق واحنهَ واكفيِن محد راضيهَ تتقدم وتحچيِ لمن رسل لمحـت شخص تعرفهَ وإول ما باوعتليِ گالت :
" ذيِچ بت عمـيِ سادس تعاايِ خل نروحلهـااَ ..
" تمام
تقدمنـهَ باتجـاههَ وإول ماشافتنهَ سملت علينـهَ وچان تگوللهاااَ رسل :
" فدوهَ حاچيِ المدرسيِن علينـهَ .. رياضيِات وكيمياء
" تمام
بهايِ الاثناء طلـع مدرس من القاعهَ اليِ يشـرح بيهااَ وإول ماشافتهَ بت عـم رسل حاجتـهَ علينهَ ثوانيِ وباوع علينهَ وگال :
" السلاَم عليكم ..
تجرأ ورديِت بداَل رسل اليِ چان منزلهَ راسهـااَ وجاوب :
" وعليكم السلام ..
" دورات ثوالث مووو!
" اييِ
" الكتاب كامل 75 الف ..
" تمام
" ساعهَ بـ 10 ونص تبديِ محاضرتكـم ..
" تمام
ضلينـهَ واگفيِن برهَ إنيِ ورسل منتظريِن صيِر الساعهَ 10 علمود ندخل للقاعهَ سـوهَ وفعلاً لمن صارت ساعهَ 10 دخلنهَ للقاعهَ ولگينهَ المدرس موجوُد إول مادخلنهَ گعدنهَ والمدرس بدأ يتعرف علينـهَ وعلى اسـماءنهَ وراهااَ بلش يشـرح وچان شرحـهَ مفهموم ومبسط عكس مدرساتنـهَ شرح موضوع واحد وطلعنـهَ من القاعهَ وإول ماطلـعت إريد ارمش على إبويِ شفت مكالمهَ من الـ بكَر داگ عليهَ اتجنبت مكالمتهَ ورمشت على إبويِ دقايِق وإجـهَ وهوً جايِب النهَ عصايِر ولفـاَت وياهَ وصلنهَ رسل للبيِت واحنهَ وراهااَ إول مادخلت شفت إمي مسويهَ الغده ومكملهَ فوراً صعدت لأن ما اشتهي ِ اكلت لفهَ بالسيارهَ لذلك فوراً صعدت بدلت ونمـت لمن گعدت وي المغرب وإني اسمع موُبايليِ يدگ وإول ما لمحت الاسم الـ بكَـر رجعت نمت لكن سمـعت صوت الموبايِل مرهَ ثانيهَ لذلك فتحت الخط وإنيِ اسمـعهَ يگول بدون مقدمات :
" ويِن چنتي وليِش مجاوبيِن !
" چنت بدورات التقويهَ لأن طحت بـ 3 مواد وچان موبايليِ مو يميِ ..
" منو اخذچن ومنو جابچـن!
" إبوي ودانهَ ورجعنهَ ..
گطعـت الخط فوراً لأن تحقيق خو ما تحقيق نزلت لجوهً وبديِت انظف شويهَ بالبيِت لمن تعبت گعدت يم نورهَ لأن اموت عليهااَ ومشتاقتلهااَ لعبت شويه وياهاا وچان يدخل إبويِ ويشوفنيِ وإول ما شافنيِ گال :
" إنيِ بعد ما اگدر إوديِچن لذلك شوفلچن غير واحد يوديچن
رحت فوراً صعدت للغرفه سحبِت الموبايِل علمود اگول لرسل بالگت عدهااَ سايِق إول ما دگيت عليِها فتحت الخط سلمت عليهااا وراهااً بثواني گلت :
" رسل إبوي بعد ما يگدر ياخذنه بعد عده شغل ..
" لعد إبوي ياخذنه
" خير إن شـاء لله
گطعت الخط ونزلت لجوه علموُد إگول لأهلـيِ وإول ماشفت إبوي گلت :
" بابا ادور راح ياخذنه ابو رسل ..
" عادي ..
بهذا الوقت چان دنيا العصر لذلك فوراً رحت لحناَن لأن تخبز لزمت بتهاا على ما تكمل خبز ابدي إسوي عشـهَ كالعادهَ إول ماكملت رحت سويِت عشهَ وإنتظرتهم لمن يكملون صلاة اصب وفعلاً صبيت عشه إول ماكملو وتجمعنه على السـفرهَ لمن خلصو بديِت اسويِ چايِ قدمته الهم لمن خلصوا رحت غسلت المواعيِن وفرشت لأبوي لأن متعور ينام من وكت علمود يگعد من وكت وصعدت الغرفتيِ دخلت الغرفتيِ وإنيِ اسمع موبايِلي يدگ تقدمت باتجاهه وشفـتهَ الـ بكَـر مجاوبته بالمره الاولىَ لكن دگ مره ثانيهَ وهناا قررت اجاوبه واحاچيه لوين ابقى هيِچ ، فتحت الخط وكالعادهَ بدون سلام گتلهَ :
" اكلك ..
" اييِ گولـيِ ؟
" إني ما افيدك
" ليـش؟
" إنته مزوج وعندك جهال وإنـيِ ماكو فرق بيني وبين ابنك الچبير بس 4 سـنوات يعنيِ بعمر إبنك وزوجتك مو غريبهَ يعني هيـه من گلتليِ خابريه غير من باب الثقه شلون تريدني اخون ثقتهااَ شلون بعديِن اخلي عيني بعينهاا مگدر ...
بكل برود يحچي وإنيِ من العصبيِـهَ ما احس بشي ثانيِ لكن صدمني من گال :
" إني ما مقصر وياهاا ولا راح اقصر وياهاا وبصراَحه اني عندي هوواي علاقات خووب وما عفتهــااَ ...

يتبــــع
———————————

لا تنسـووُن التصويِت والتعليقات الحلوهَ
ُوَاستوُدعكَـم اللهَ
فيِ إمـاَن الله وحفظـهَ .