فـي عشق الـ بكَـر متـاَهــاَت

المتـاههَ الخاَمسـهَ

﷽

فـيِ دولةَ العراَق لا تخلـى العجـائب منـهَ ..
وقصص الحب الغريبـهَ والفريدهَ مـن نوعهـااَ ..
واقعيـهَ حقيقيـهَ قد حـدث علـىَ إرضـه.
"
فـيِ الحب حدوُد منـهااَ تـذكَـر ومنـهااَ تنمحـيِ ..
لكـن فيِ هذا الحـب لاَ شـيئ ينمحـيِ بلـ سووُف يذكَـر
إجلاً إم عاجلاً ..
"
الكِـذْبة الجَـمِيلة، والحَـقيقَة المُـؤلِـمة.. أنتِ؟!
روايـةَ : فـيِ عشـق الـ بكَــر متاَهـاَت
بقلــم الكَاتبـهَ : حـوراَء الأحمـديِ
حسـاًب الانسـتاَ : written_hawra15
حسـاًب التيِك توكَ : h_00r_2
"
لاَ تنسـوُن التصوُيِت + لاَ تنسـوُن ماَ تعلقووُن لأن تعليقاَتـكم تفرحنــيِ
+ اييِ مصممـاَت يقرن الروُايـهَ لاَ تقصرن حبيِباتــيِ ✨🤍
#فيِ_عشق_الـ بكَـر _ متـاَهـاَت
"
م/ ابـو كاظـم هوً نفسـهَ الملقـب بالــ بكَـر
"
شخص مجهوٌل
———————————

گلـت بنبرةَ نتـر وإستهـزاء من بعـَد ماسمـعت كلَامـهَ :
" وشـنوُ تتباهـااَ عندك علاقـاَت كلهـااَ حراَم بحـراَم !
گال بنبـرةَ اكثـر جديـهَ :
" لااَ ما إتباهـااَ بس واَقـع هذاَ ، هووُاَي عنديِ علاَقـاَت بس ماقصرتَ ويِ زوجتـيِ وما عفتـهااَ ..
لا معقولهَ هذاَ صاحـيِ .. إبدااً ؟ گلـت بصوت هادئ وإنيِ احاَول اغيِـر الموُضوع لأن لو احچـيِ منـهَ الباچــر
ماكَو فايِدهَ ..
" المهـم إنـيِ ما إگدر بهيِـچ شيِ ولاَ راح اسويِهَ ..
گال بنبرةَ ثقـهَ :
" اللهَ كريِم بس إنيِ ما اعوفچ ..
بس سمعـت كَلامـهَ ورجوعهَ لنفس الموُضوع غلقت الخط بوجـههَ وإنـيِ إفكـر هذاَ ما يفكَر ماعندهَ عقل علىَ الاقل خل يفكَـر
بالفرق البيِنيِ والبينـهَ ! تفكيرنهَ ، عمرنـهَ ، عاداتنهَ .. كلشيِ جاَيِ يصيِر خطـأ بخطـأ ، الىَ إن فكـرت إخلص منـهَ لكن بأيٍ طريقـهَ ؟
وهوً صـمم عليِهَ مراَح يعوفنيِ .. دوخنـيِ وراح .. رحـت نمـت بعد ماَشفت هذاَ إحـسن حل ممكـن إسويـهَ حاليِاَ وهوً انـاَم واخليـهَااَ على اللهَ ..
گـعدت ثانيِ يِوم الصبـح غسـلت وجهيِ فوراً ونزلـت لأميِ وإنيِ اشوفهـااَ سويِ ريِـوگ تقدمـت باتجـاههَ وصبحـت عليهااَ بهدوء وهيِ جايِ صب الريوگ إنيِ فوراً صبيِت إستـكان چاَيِ النفسيِ وگعدت على الكرسيِ إباوع من شباك المطبخ على الطارمـهَ وإسمـع صوت العصافيِر وإلوان السمـاَ صافنهَ بالفراغ لدرجهَ إباوع من دوُن تفكيِر ستمريِت إراقب الجوو بإنظاريِ الى إن خلص الچاَيِ گـمت خليِت الإستكـاَن بالسـنگ وصعدت الغرفتيِ علموُد إبلـش إقرهَ وفعلاً بديِت إقرهَ لمن حسيِت بالملل والتعب .. ثوانيِ من التفكيِر ذبيِت الكتاَب ورحـت انظف البيِت بديِت إشتغل بالمطبخ إنظف وإمسـح وإلمع إلىَ إن سمعـت صوت نورهَ فوراً رحـت الهااَ وخصوصاً من سمعـتهاَ تبچـيِ .. گعدت گبالهااَ إحاول اسكتهـااَ لكن ماكوو فايدهَ اطيتـهااَ لأميِ بالكت تسكـت يمـهااَ وإنيِ رحت صعدت علموُد إسبح وإول ماخلصت نزلت جوهً وچـاَن اشوف حنـان وإميِ مكملات الغدهَ ثوانيِ وچان اسمـع صوت إبويِ يگول:
" وينچـن يلاَ تعالـن ..
فوراً رحنالهَ إنيِ وحناَن وچـاَن إنشوفهَ مسوگ للمحل فوراً باوعتليِ حنان وهيـهَ شايله نورهَ وگالت :
" هااچ نورهَ وإنيِ راح إروح ارتب المسواگ بالمحل ..
إخذت نورهَ من إيدهااَ وهيِ فوراً راحـت ضليِت شايلتهـااَ لمن خلصت حناَن بتعزيل المسواگ بالمحل .. وبدت تصب الغدهَ لمن گعدنهَ كلنهَ عالسفرهَ متجمعيِن حولـيـهااَ وإول ماخلصنهَ غدهَ وقبل لا إحـد يگـوم گال إبويِ فجأه :
" إگللكم مادام متجمعيِن كلـكم إريِد اسـألكم سؤال وجاوبو بصراَحـهَ ..
فوراً ردينـهَ مرهَ وحدهَ واحـنهَ مستمعيِن لكلامهَ بجديِهَ :
" اييِ
" فلوُس المحل مجاَيِ احصل بيـهَ ، تأخذوُن انتوو وما تگلولـيِ !
ردينـهَ نفس إول مرهَ كلنهَ :
" لا وللهَ إبداً .
رجع مرهَ ثانيهَ وگال وهوً حيِراَن :
" چا ويِن تروح لفلووُس ! اليِ يريِد ياخذ يگليِ لا تخسـرونيِ ..
بهاَيِ الأثناء وگـع نظريِ علىَ حـناَن من دون سابق إنذار لمـحت عليهااَ الخووُف من كلام وإلديِ وجـهااَ گام يطيِ إلووانَ وهيـهَ
تحاَول تخفيِ وجـههَ .. بس ماعرفت سبب ؟ وليِش فجأه تغيِرت ملامح وجـههَ .. فجـأه گامت من مكانهـااَ للمطبخ تخليِ الچاَيِ علىَ إلنار وإنيِ بديِت اعزل السفرهَ بهدوء ناسيهَ امـرهااَ شلت الماعيِن بالكامل وغسلـتهم ورتبتهـم وبديِت إرتب المطبخ علىَ السريِع وچاَن اسمـع إميِ دگول :
" واللهَ عيِب هسهَ شتگول حناَن يشكوون بيهَ !
" إيي واللهَ لو گايلنـهَ بوحدنهَ.
ثوانيِ وسكـتت إميِ وإنيِ كذلك سكـتت دخلت للمطبخ صبت چاَيِ بعد ما راحت تنـوم نورهَ علموُد لا إتعبهـااَ بالشغل .. وإني إول ماكملت شغل المطبخ صعدت الغرفتيِ دخلت فوراً وباوعت للموبايِل وچاَن إشوف كالعادهَ مكالماتهَ بالمقدمهَ وبين كل ساعهَ وساعهَ مكالمتيِن ..! ذبيِت الموُبايِل لأن ماليِ خلگهَ ونمـت على السريِر لمن صار العصر گعدت وإنيِ إسـمع صوت الموُبايِل گمت وإنيِ بالگوهَ افتح عيونيِ سحبت الموُبايِل وإنيِ إشوف اسمهَ معتليِ الموُبايِل فتحـت الخط ومباشـرتاَ گال :
" شلونچ!
"زينهَ الحمدللهَ ..
"جايِ تقريِن لو لااَ !
" اييِ وشويهَ هذا المدرس زيِن شكلهَ يفهـم ..
" الحمدللهَ إهم شيِ تنجحيِن .. زيِن چـاَ ليِش مجاوبيِن !
" نايمهَ مادريِ!
" ولا چنچ زهراء جيِب طريِق بغداد كلـهَ تسولف وياَيِ لمن إطب البيتـهااَ ..
إستوقفنيِ كلامهَ وخصوصاً من سمعـت اسم زهراء وفوراً گتلهَ بفضول :
" منوو زهراء وشوون إطب البيتـهااَ ؟
" هايِ صاحبتيِ مزوجهَ وجيِب الطريِق كلهَ سولف لمن إوصل البيتهااَ وإروح عنهااَ ..
فوراً گلت وإنيِ احس بالتقزز منهَ ومن هذيِچ الثانيهَ التسمى زهراء :
" وشلوون تسويِ هيِچ ويِ وحدهَ مزوجـهَ !
" هيـهَ تگليِ إحبـك
" وإنتهَ مصدك !
" لاا ممصدك بس إخذ الإريدهَ منهاا ومثل شريِد منهاا إزوجهاا
كمل كلامـهَ وإنيِ بدت نفسيِ تلعب منهَ ومن طريقة كلامهَ ومن طريقة تفكيرهَ وكأنوا المرأه مجرد سلعه عندهَ لا إكثر يقضي حاجتهَ بيهـااَ ويهملهـااَ فوراً
اكتفيِت فقط برد عليهَ بصوت منزعج وضايج من كلامهَ :
" يلا راح اروح ...
گطعت الاتصال منـهَ وبديِت إقرهَ من جديِد ولمن صَار المغرب نزلت لحنان وإول ما شفتهاا گتلهـااَ :
" حنان اليِوم انيِ اخبز وإنتي سوي العشـهَ لأن تعرفيِني ما آحب النظف الدجـاَج ..
" تمام هاا هيـهَ ..
ابتسمـت بوجههَ ورحت علموٌد إبلش خبز وفعلاً بديِت اخبـز لمن خلصـت رحت صعدت علموُد إسبح لأنَ الدنياَ حارهَ وچنت واگفهَ گبال التنوُر لذلك متت
من الحـر ، سبحت ونزلت فوراً للمطبخ وچاَن إشوُف حنان مخلصه العشـهَ بديِت إودي للسفرهَ المرگ والتمن والدجاج ، لمن تجمعنـهَ كلنهَ عالسفرهَ وإول ماگعدنهَ بدينـهَ نتعشـهَ وچاَن يگطع الهدوء صوت إخوويِ عليِ وهوً يگول :
" والله المرگـهَ ماصخـهَ وما بيهـااَ طعـم ..
فوراً باوعت على حناَن اليِ گامت من مكانـهااَ وإول ماوصلت للمطبخ سمعـتهااَ دگول :
" هذاَ الموُجود عاجبكم خووش ما عاجبكـم إطبخوا إنتوا بس إني بالبيِت
إني إول ماسمعت كلامهاا غلست لأن مالي خلگ مشاكل على إشيـاء تافهه ثوانيِ وجابت ملح ومرگةَ دجاج بطاسـهَ وحد إباوع للطاسهَ بيهـااَ تراب
من الاطراف مال الطاسـهَ لدرجهَ ما كمشت الطاسهَ ولا إكلـت منهاَ وكذلك ماحچيِت ، لمن خلصو عشـهَ گمت من مكانيِ وبديِت اعزل الماعيِن واوديـهن للمطبخ علموُد اغلسـهن وفعلاً غسلتهن وسويِت چاي وصبيتلهم من كثر الكرب اليِ كربتهَ يگول إني چنة البيِت مو هيـهَ ؟؟؟
صعدت الغرفتيِ بعد ما خلصت وچان إشوُف موبايِليِ يدگ إول ما شفت اسمـهَ غلست لأن ماليِ خلگـهَ ودور عليهَ هذاا !! إباوع على الموُبايِل وإني إشوفهَ يدك
دگ بالـ 3 مرات گدام عيونيِ وإني متاجهلتهَ وإباوع من بعيد .. ماحسيِت على نفسيِ الهَ غافيهَ بمكانيِ ..
گعدت ثانيِ يوم من وكَـت لأن إنيِ دائمـاً متعودهَ اگعد من وگـت .. فوراً غسـلت وجهيِ وفرشـت إسنانيِ وبدلـت ونزلت علمود إروح لبيِت إبو رسل ونروح لدورات التقويـهَ ، وقبل لا اطـلع كالعادهَ إشـرب بس چايَ لأن ما اشتهيِ إكل الصبح .. طلـعت من بيتنـهَ وتمشيِت لبيِت إبو رسل قريبيِن علينهَ إول ماوصلت لبابهـم دگيِت الباب ، دقايِق وطلعتليِ إمهـااَ الرسل وإول ماشفتهاا گلـت :
" السلام عليكم
" وعليكم السلام بنيتي، خالهَ تفضليِ هسـهَ تجيِچ رسل ..
" لاا هناا انتظـرهااَ ..
" لاا شلووُن توكفيِن بالباب حبيبتي تعاي طبيِ ..
إصـرت عليهَ بإنو ادخل وفعلاً دخلت لأن ماريد اتعبهـااَ ويايِ ، گعدت بالصالهَ لمن طلـعت رسل من غرفتهـااَ سلمت عليهااَ وعلىَ إبوهاا وطلـعنهَ صعدت بالسيارهَ لأن إبوهااَ دور يوصلنـهَ للمعهد .. وصلنهَ للمعهد وقبل لا ننزل گال إبو رسل البتـهَ :
" بابا من تكملون رمشوليِ علموُد اجيكـم ..
" تمام
إني بهل إثناء نزلت من سيارهَ ورايِ نزلت رسل طبينـهَ للمعهد وإول محاظـره
چانت رياضيِات إول ماوصلنهَ دخلنهَ للمحاضـرهَ ، تقريباً احـنهَ ساعتيِن بالمحاضرهَ بالاخيِر كملنـهَ ورحـنهَ إشترينـهَ لفات لأن متنـهَ من جووع وخصوصاً ثنينهَ مامتريگـاَت إكلنهَ وشبعـنهَ وچاَن وراهااَ محاضـرهَ مال كيميـهَ هم دخلنه للمحاضـرهَ وإسـتمرت تقريباً ساعتيِن .. طلعنهَ من المحاضـرهَ ورسل فوراً طلعت موُبايلهـااَ دك على إبوهااَ علمود يجينـهَ وإني بهل اثناء طلـعت موُبايليِ من الجنطـهَ إريد اشوُف من المخابرنيِ إخااف اهليِ مخابرينيِ لأن تاخرت مو مثل إول يوم وفعلاً فتحت الموُبايِل وچان إشوُفهَ متصل 8 مرات وكالعاَده إول ما اكمش الموُبايِل يتصل بيهَ وكإنوا يحس بيهَ إني كامشـهَ الموبايِـل إول مادگ فتحت الخط وگلت بنتـر :
" شكـوووو!
" ليِش ضجتيِ !
گلت بانزعاَج منـهَ وخصوصاً يسأل عن السبب والسبب واضح وضوح الشـمس
" القرف هذاا ما إحبـهَ ..
" اعووُف كلشيِ علىَ مودچ بس إقبليِ وگوليِ إييِ ..
گلت وإنيِ احس راح إطلـع من طوريِ من وراهَ :
" إنيِ وإنـتهَ مستحيِل نرهـم ..
" معليِچ إنيِ إدللچ دلاَل ..
" إني دلالك ما إريدهَ ..
وسديِت الخط بوجـههَ لأن ما إتحمل هالاسلوب بعد وبكل برود يحچي انتبهـت الرسل وهيِ تأشرليِ وإنيِ فوراً رحتلهَا لأن عرفت إبوهـااَ وصل لبست عباتي ورحنـهَ إنيِ وياههَ للسيارهَ وصعـدنهَ لمن وصلوونيِ للبيِت وإنيِ فوراً نزلت ودخلت للبيِت لگيت اميِ مسويِه غده ومكملـهَ .. تغديِت وياهـم وبعدهااَ رحـت نمـت يعنيِ مثل إي روتيِن عاديِ وخصوصاً روتيني متكـرر مابيِ ايِ اختلاف فقط بمكالمات الـ بكَـر .. الدنيـاَ ليِل وإنيِ گاعدهَ اقرهَ بالغرفهَ بهدوء بعد ما الكل تقريباً نام ، وي اندماجيِ بالدراسـهَ طار تركيزيِ وإنيِ إسمـع صوت موُبايليِ إنسـى اسويـهَ صامـت .. سحبتـهَ بهدوء وإنيِ إشوف اسمـهَ مكتوب فتحـت الخط ببرود وإصلاً ما إعرف ليِـش فتحت الخط يمكن فضول منيِ ، إول مافتحـت الخط گال :
" إريِـد احچـيِ ويـاچ ..
گلت بروُد ومن دوُن إهتمـاَم :
" إييِ احچـيِ !
" لاا إريد نحچـيِ وجهاً لوجه ..
قوسـت حواجبيِ باستـغراَب من كلامهَ وإنيِ إفكـر هذا ويِن يريِد يوصل !
" لاَ تفكـر بيهااَ نهائيـاً ..
گال وبنوع من الأصراَر بصوتـهَ :
" إنطينيِ فرصـهَ إوضحلچ وإفهمـچ ..
" ترهَ إنيِ مضايِجـهَ لأن إنتـهَ تسويِ هيِـچ شعليِه بيـك ؟ بس لأن تريِد تسـويِ نفس هيِچ نماذج
" هسـهَ بس خل نلتقيِ ونحچـيِ ..
" إبد لا تفكـر بيِـهااَ ..
گال وهوً يحاوُل يصبر نفسـهَ بإكثـر مايمكـن :
" الله كريِـم لباچـر
إني بس سمـعتهَ هيِِچ گال فوراً گطعـت الخط ورحـت نمـت لأن عيونيِ بدت تطفيِ وفعلاً توجهت باتجاهَ السريِر ونمـت بدوُن تفكيِر ..
گعدت صبح كالعادهَ لأن معهـد بدلـت بس هالمرهَ عجبنيِ اكشـخ شويهَ وإهتـم بنفسيِ مابيـهااَ شيِ وخصوصاً إني هملت نفسيِ بالثالث بأخر فتـرهَ لذلك لبست قميص سمائيِ وبنطرون اسود وشال ابيِض وحذاء ( تكرمون ) كذلك ابيِض وطلـعت من البيِت متوجهه لبيِت رسل وهالمرهَ إول ماوصلت الهـم لگيتـهم واكفيِن برهَ يم السيارهَ منتظرينيِ سلمت عليهم وإنيِ إشوف إبو رسل لابس زي رسميِ إسود ، بعدهااَ فوراً صعدنهَ بالسيارهَ متوجهيِن للمعهد .. بنص الطريِق وهالمرهَ رسل گعدت ورهَ بالسيارهَ يعني بصفيِ تقربت منها وگلت بشقهَ :
" رسل إبوچ حلوو بالزي الرسميِ..
" چا شعبالچ ..
ضحكت بخفهَ وگلت :
" إيي ميگعد راحهَ هنوديِ ..
" منوو هنوديِ ؟
" مهند التركيِ
هيـهَ إول ماسمـعت كلاميِ ضحكـت لمن وصلنهَ للمعهد فوراً نزلنهَ لأن اتأخرنهَ 5 دقايِق عن المحاضرهً لكن الحمدلله لگيناهم بعدهم ما داخليِن دخلنهَ وچان عدنهَ امتحان يوميِ بالاوراق وزع علينهَ الاسـئلهَ وبدينهَ نحل لمن خلص الوقت سلـمنهَ الاوراق وطلـعنهَ إول ماطلـعت فتحت الجنطـهَ إريد اتأكد من تلفونيِ إذا موجود او لاا وچاَن إشوفهَ موجود وبنفس الوقت الـ بكَـر جايِ يتصل عليهَ مارديِت عليهَ وخصوصاً من شفت الاتصال انگطـع لكن قبل لا اسد الجنطـهَ دگ مرهَ ثانيهَ فوراً سحبت الموُبايِل وابتعدت عن رسل خطوات إخاف تسمعنيِ ، فتحت الخط وفوراً گلت :
" هااا !
" بالاول السلام عليكم ..
رديِت من ورهَ خشميِ :
" وعليكم السلام ..
" إذا ماعندچ شيِ خل نطلـع نحچي!
إنيِ فوراً گلت بإنفعال :
" شو إنتهَ واثق من نفسك !
" ايي إريد اشوفچ ونحچـيِ ..
" وإنيِ ماگدر بنات صديقاتيِ شنوو إگللهم وإصلاً إني هم ما إريِد اجيِ ..
" إذا ماطلعتيِ إني اجيِ اصيحلچ ...
" واللهَ ما اطلـع ..
وگطعـت الخط بوجهه شنوو هذا يتحـكم بيهَ والله ياللهَ لكن استوقفنيِ فجأه صوت السمـاعهَ الموجودهَ بالمعهد وهويصيح بإسميِ :
" وتيِن ****
فوراً رحت لمكان السمـاعهَ إو الاذاعهَ دخلت للمكتب وچان اشوف الحارس وإول ماشفتهَ گال :
" عمـچ يريدچ ..
" دقايِق بس البس عباتيِ ..
طلعت من الغرفهَ وإنيِ صافنه وإفكر هذا صدك سواهااا ماعدهَ شقهَ هالانسـان ، اخذت عباتيِ من الكرسيِ ولبستـهااَ وچان إشوف رسل تسولف وي صديقاتهاا إنيِ فوراً استغليِت الفرصه وطلعـت وإنيِ خايفهَ إخاف احد يشوفنيِ ويلگفني حظي واعرفهَ معثر ..إول ما طلـعت شفت سيارتهَ جارجر لونهااَ إصفر تقربت باتجاه السيارهَ وهوً يباوع عليِهَ وإنيِ إريد افتح الباب الورهَ اليِ يصير خلف السايق لكن استوقفنيِ صوتهَ وهوً يگول :
" لا هنااا يميِ حتى ميصيِر شك ..
ما سمعت كلامهَ وفتحت باب الورهَ وصعدت وهوً حرك السيارهَ علمود يبتعد شويهَ عن المعهد علمود لحد يشوفنهَ وگف السيارهَ بمكان وفوراً نزل إنيِ انصدمت وخصوصاً من شفتهَ تقدم باتجاهيِ وفتح الباب وهوً يگول بنتـر :
" تعاايِ يميِ ..
نزلت فوراً لأن ماليِ خلگ مشـاكل وهوً ابتعد عنيِ وصعدت بالصدر وهوً كذلك رجع وگعد بالصدر وحرك السيارهَ وگام يمشيِ بطيئ وگال :
" اييِ شلونچ شخبارچ؟
" زينهَ ..
" مو گتلچ لا تعاندينيِ ..
باوعت عليهَ من دون ما افتح حلگيِ بكلمهَ دقايِق والسكوت عـم لكن هالمرهَ قررت اكسر هالسكـوت وإنيِ إگول :
" شتريِد احچيِ ؟ إريد ارجـع..
" إنيِ احبچ واللهَ احبچ وماريِد شي منـچ بس تبقيِن ويايِ ..
درت وجهـيِ عنـهَ وهوً بعدهَ يباوعليِ بدون مايرمش إساساً :
" إني ما احبك وما إريد ومو إنتهَ الشخص اليِ باليِ
فوراً خزرنيِ وهوً يگول بنـتر:
" شـنوو اكوو احد بالچ!
" لاا وحتى لو اكو هذا الشيِ ميخصك ...
ضل ساكت وهوً يباوعليِ ويفكـر شنو يرد على كلاميِ لكن قطع سكوتنهَ وگال :
" إبوس ايدچ لا تسويِن هيِچ وتجبرينيِ على إشياء ماريد إسويهاا وماريد إذيـچ
باوعت عليهَ وگتلهَ بنـتر :
" لو شسويِ ما احبك ولا تعب نفسك واللهً ..
گال بنوع من توسل :
" بس اطيني فرصـهَ وبس كلشي ماريد ..
رجعت نظريِ عليهَ وگلت بعصبيهَ وهوً يباوعلي متواصل :
" وهوً هذا العندك يلا رجعنيِ للمعهد
درت وجهيِ إريد انزل لأن احـنهَ قريبين على باب المعهد وچان المح شخص يباوعلنهَ وصافن علينهَ إول ماشفتهَ گلت بخووف وإني اعتعت بالكلام :
" هاي النهايـهَ ..

يتبــــع
———————————

لا تنسـووُن التصويِت والتعليقات الحلوهَ
ُوَاستوُدعكَـم اللهَ
فيِ إمـاَن الله وحفظـهَ .