فـي عشق الـ بكَـر متـاَهــاَت

المتاههَ الساَدسـهَ

﷽

ياَ تـرى علىَ من ستكووٌن نهايتـيِ ..
هل تحـت يديِـه إم يديِ شخـص اخر مجهووٌل ..
"
دخولـهٌ مشابـه لدخوُل ذا إلاربعيِـن عاماً ..
لاَ إفـهم معنـى الهووٌس إلـى عندماَ التقيتـك ..
و لا َ إفـهم معنـى الوجع النفسيِ إلـىَ عندما ذهبـت .
"
روايـةَ : فـيِ عشـق الـ بكَــر متاَهـاَت
بقلــم الكَاتبـهَ : حـوراَء الأحمـديِ
حسـاًب الانسـتاَ : written_hawra15
حسـاًب التيِك توكَ : h_00r_2
"
"
لاَ تنسـوُن التصوُيِت + لاَ تنسـوُن ماَ تعلقووُن لأن
#فيِ_عشق_الـ بكَـر _ متـاَهـاَت
"
م/ ابـو كاظـم هوً نفسـهَ الملقـب بالــ بكَـر
"
الهووُس
———————————
لفحتنـيِ ريحـة الجگـاَيِر وإنـيِ إباوع على الشخص الغريِب اليِ واگـف مقابيلنـهَ إول ما باوعـت عليهَ عرفتـهَ زوُج اختـيِ
مدريِ شـنووُ صـاَر بيـهَ من شفتـهَ وخصوصاً من بدأ يتقدم باتجـاهَ السيارهَ ، درت وجهـيِ على الـ بكَـر اليِ چـاَن يدخـن بهدوء وملامحـهَ خاليهَ من التعابيِـر .. عكسـيِ تماماً چـاَن الخووُف الشعوُر الوحيدِ اليِ مسيطـر عليهَ بلعـت ريگيِ وإنيِ إشوف زوج اختيِ فتـح إلبابَ مال السيارهَ الورهَ وصعـد وبدوُن سلام إو حتـىَ مقدمـاَت گال بنـتر وبصوتَ عاليِ مسموُع :
" وتيِن ويِن چنتـيِ ؟ وشسويِـن !
وقبـل حتىَ لا انطق بإيِ حـرف سمـعت صوت الـ بكَـر وهوً يباوُع على زوج اختيِ اليِ إسمـهَ (كـرم) وگال بنتـر وتهديد وعيونهَ تتفحصـهَ:
" إگلك بالبدايِهَ ديِر بالك تدخل خووُش .. إحـنهَ ناس وإهل بيناتنـهَ فلاً تسويِ نفسك وتيِن تخصـكَ ..
إباوع من جامـة السيِارهَ اكو ناس وبناَت من للمعهد كذلك طلـعن واگفين يباوعووُن علينهَ بسبب صوت كرم والـ بكَر العاليِ غميِت نفسيِ على هالموقف اليِ ما اتمنـى لعدويِ إبداً .. صحـت بصوُت عاليِِ تحت كلامهـم القليِل إدب :
" كافيِ إلبناَت گامن يباوعـن عليِنهَ ..
باوعليِ الـ بكَـر وهوً يگول بهدوء فضيـع عكس السابق :
" نزلـيِ وإحـنهَ نتفاهـم .. 
هذاَ مـن كل عقلهَ يريدنيِ اعيفـهم علموُد يتفاهموُن غير الگاهـم مدميِن ، عارضت كلامـهَ وإنيِ إگول بعصبيـهَ :
" واللهَ ما إنـزل لمن ينـزل كـرم..
حچيِت تحـت إنظـاَر الـ بكَـر وإول ما كملـت كلاميِ خـزرنيِ وگال :
" گتلـچ إنـزليِ ..
باوعت عليهَ باصرار ورفض الكلامهَ :
" ما إنـزل علموُد تتعاركـوُن وصيِـر مشكلهَ بسببيِ ؟؟.
درت وجهـيِ بهل إثنـاء على كـرم وگتلهَ بهدوء عكس كلاميِ وي الـ بكَـر چان بعصبيهَ ونتـر وهوً لاحظ هالشيِ وغلس :
" إنـزل وخليِ هوً يٍروح ..
كملت كلاميِ وإنيِ إشوُف كرم صافـن عليهَ باوعـت عليهَ من جديدهَ وگلت بطئ :
" إنــــزلــــــ .
وبالفعل زفر الهوهَ مـن خشمـهَ بقوهً وهوً يفتـح الباَب وإنيِ كذلك فتحـت الباَب ونزلت حتىَ من دوُن ما إباوع على الـ بكَـر اليِ صار
اعصااَب .. حرگ السيارهَ وطلـع من دوُن ما إلتفت الهَ .. لكن قطـع الهدوء سؤال كرم وهوً يگول بقلق :
" شسوالـچ!
گلت بروُد ومن دوُن إهتـماَم علموُد لا يشـك :
" مسواليِ شيِ بس رحـت إشتريِ ملاَزم وشافنيِ بالطريِق وإنيِ راجـعهَ للمعهد وصعـدت وياهَ ..
باوعليِ وهوً مقوس حواجبهَ ويگول :
" وصعدتيِ بالصدر ويـاهَ !!
توُتـر بالبدايهَ من سؤالهَ بعديِن گلت :
" إييِ مو چانوا اكو ثنيِن ولد صاعديِن ويـاهَ ..
باوعليِ وهوً مامقتنـع بكلاميِ نهائياً لكن إني غلست لكن استوقفنيِ سؤالهَ الخ وهوً يگول :
" وهذا العلـچ منـچ لو منـهَ !!
" لا علچـيِ ..
" گوليِ شسوالچ واللهَ ما إگول لحـد .. واللهَ خايِف عليِج
باوعت عليهَ متفاجإه ولكن جاوبتهَ بهدوء وإنيِ إحاول إطمـنهَ :
" والله مسواليِ شيِ ..
كملت كلاميِ وعفتـهَ ومشيِت دخلت مرهَ لخ للمعهد وإنيِ إشوف نص البناَت يباوعن عليهَ ومن ضمنـهن رسل فوراً تقدمت باتجاهيِ
وگالت بنبرة سؤال :
" ويِن چنتيِ ؟
" بيِت اختيِ ..
جاوبت سؤالهـااَ وإبتعدت عنهـااَ وإنيِ إسمـع جهازيِ يدگ فوراً طلعـتهَ وچان اقرهَ إسـم الـ بكَـر فوراً فتحت الخط وإنيِ مبتعدهَ عن البناتَ علموُد لا يسمعنيِ .. و إول مافتحت الخط گلت :
" هسهَ إرتاحيِت !!!!
" واللهَ مو قصديِ إذيـِچ ..
" كلـهَ بسببك هسهَ شيگول عليهَ !!
" معليٍچ بيهَ بس لا تبيِنين انتِ خايفهَ..
گطعـت الخط وإنيِ إفكـر ياربيِ هسـهَ شيگول عليهَ شافنيِ وي واَحد بگـد إبويِ .. ضليِت افكـر طووُل الوقت لمن طلعنـهَ إنيِ ورسل من المعهد رجعـنهَ والدهـااَ للبيِت وإنيِ إول ماصلت بدوُ سلاَم إو كلاَم صعدت الغرفتيِ إريد اخابـر كرم وفعلاً صعـدت ودگيِِت عليِهَ وإوز مادگيِت سمعت صوتهَ وهوً يگول :
" احچيِليِ شنو يريِد منـچ لا تقنعينيِ هذا ميِريد شي!
" گتلك ميريِد شي بس مجرد لأگاني صدفهَ وصعدت وياا..
" زين اتصلت عليِچ جهازچ مغلق ..!
" چاَن مطفيِ لأن الشحن خلص ..
گطعـت الخط بعدهااَ من ماَ شفت اييِ سؤال ثانيِ منـهَ بدلـت وضليِت بالغرفهَ گاعدهَ افكـر شـنو جايِ يصيِر ويايِ لدرجهَ ما إتغديٍت ضليِت افكـر شلوُن شافنيِ وشلوُن البنات ضلن يباوعن علينهَ لحد الأن ما إَنسـى نظراتـهن باتجـاهنهَ رحـت فوراً نمـت بعد ما اخذنيِ التفكيِر وودانيِ ، گعدت العصـر نشطـهَ ورجع باليِ الموُقف اليِ صار اليِوم اليِ مجايِ ينمـحيِ من عقليِ لذلك قررت انظف غرفتيِ عسـى ولعل انسـى وإلتهيِ لمدة ساعهَ او إكَـثر بديِت إنظف وتنظيِف عميِق لكن وإنيِ انظف استوقفنيِ صوت الموُبايِل تقربت باتجاههَ وإنيِ توضح عنديِ الرؤيـهَ وچاَن إشوفهَ الـ بكَـر يتصل فوراَ غلقت الجهـاز اكمل تنظيِف وهوً إنيِ إريِـد إنسىَ وهوً يذكـرنيِ على الحاضـر محضر .. كملت تنظيِق وقررت إكافئ نفسيِ بچـاَيِ وفعلاً سويِت استكان چاَيِ وشربت وحديِ وإنيِ اكمل تنظيِف وإطلـع الكتب علمود اقرهَ باليِل لأن ضيعت وقتـيِ العصـر .. طلـعت الكتب وفوراً رحـت ويِ حناَن اليِ چاَنت تخبز وإنـيِ رحت علمود اساعدهاااَ وفعلاً بديِت اخبز وياهااَ وإنيِ احس إكوو إلم بجسميِ لذلك فوراً باوعت الحنانَ وگلت بنبرة تسـاؤل :
" حناَن ..
" هااا!
" إكتافيِ يوجعنيِ ما إعرف شنوو سبب !!
ثوُانيِ ورفعـت راسهـااَ عليِهَ تباوعليِ وهيِ دگول باستغراب:
" مناا جوهً رگبتيِ وإحس نفسيِ تعبانـهَ حيِلل ..
" يگولوُن إذا رگبتك توجعـك وقـت المغرب هذا سـحر ..
فوراً گلت بنبرة استهزاء :
" يختيِ سحر ميِن إجانيِ !
بهايِ الأثناء سمعت صوت نورهَ وهيِ تبچيِ فوراً حنـاَن گالت :
" روحيِ الهااَ على ما إخلص ..
فعلاً هديِت اليِ بيدي ورحت لنورهَ إريد اسكـتهااَ وبعدهااَ سويِت العشهَ من حنان خلصت واخذت من عنديِ نورهَ خلصت العشـهَ وخليِت السفرهَ وهمـهَ كلهم تجمعوا عليهااَ وإنيِ احب الفلفل الحار لذلك اخليهَ بالآكل لكن بشكل قليِل .. لكن نورهَ إول ما اكلت گامت تبچيِ لأن بي فلفل حار .. بهايِ الأثناء كمـز إبويِ من مكانهَ وگال :
" كله من وراچ والله هسـه اكسر قوطية الفلفل الحار على راسـچ ...
" تررهَ مو انيِ جبتـهاااَ وهاايِ إمهـااَ وتكضهـااَ بعد عليِمن چا آنيِ مسؤولهَ بيهـااَ ..
كملت كلاميِ وإنيِ ضايجهَ لذلك فوراً گمت من مكانيِ صعدت للغرفهَ گلت خل ابلش اقرهَ فوراً بدو يصيحون عليهَ ويگولون :
" تعايِ شيليِ الماعيِن ..
إنيِ رآسـاَ نزلت لأن مابيهَ حيل اداهـر إبداً نزلت وبديِت اعزل الماعيِن وإرتب المطبخ وغسلت الماعيِن وسويِت چايِ صبيتلهم وشربوا يالا
صعدت الغرفتيِ إول مادخلت سمعت موبايليِ يدگ باوعت للموُبايِل چان اسمـهَ معتليِ الشاشهَ فوراً فتحت الخط وگلت بروُد قاتل لأن ماليِ خلگ :
" هاا ..
" شبيچ! ترهَ ماكو شيِ إنسيِ السالفهَ
" اييِ إريد إنـام
" انتِ شبيچ ليِش هيِچ ويايِ ..
من سمعت كلامهَ هذا ماتحملت وفوراً إنفجـرت من العصبيهَ :
" انتـهَ ماتحبنيِ لو تحبنيِ ما تأذينيِ ! هسهَ هيِچ إرتاحيِت ؟ إخذ نظـره مو حلوهً عنيِ لو تحبنيِ ماصار هيِچ ..
دقايِق من تكملت كلاميِ سكت وإنيِ منتظرتهَ شنو راح يكون جوابهَ لكن صدمنيِ وهوً يگول :
" إي لازم عندچ احد يحبچ ..
" إييي ليش بيهَ نقص مثلاً ؟ ليِش ما نحب اصلاً إميِر يمووت عليهَ ولا فكـر يأذينيِ إروح وياهَ سنتينِ لزيارهَ حرف ماحچـهَ ويايِ خاف الناس تحچيِ عليهَ
وإنتـهَ من هسهَ دور مواعيِد وقتل وتهديد لعبت نفسيِ روح اللهَ ياخذنيِ ..
" شـنو إميِر يحبچ بگدي !
قاطعـت كلامهَ وگلت بتأكيد :
" و إكثـر منك ومن إي إحـد ولا فكـر يأذينيِ والله وبس هوً حبهَ نظيِف ..
كملت كلاميِ وهوً ضل ساكت بس صوت إنفاسـهَ القويهَ إسمـعهااَ سديِت الخط من شفت بعد ما إكو ايِ رد منـهَ ، نمـت على سريِر بدوُن ما تغفهَ عينيِ ضليِت إباوع لسگـف الغرفه وإفكـر شلون اخلص من هذا الشخص الملقب بالـ بكَـر ؟. گعدت ثانيِ يوم الصبح وگالعادهَ غسـلت وبدلت وشربت چاَي ورحت اتمـشهَ لبيِت إبو رسل علمودُ يأخذوُنيِ وياهمـ وفعلاً إخذنـهَ والدهااَ ووصلنـهَ للمعهد وإول ماوصلنهَ دخلنهَ محاضـرة رياضيِات ساعتيِن وبعدهااَ طلعنـهَ من المحاضره وفتنـهَ محاضـرة كيميِهَ فوراً من دوُن إستـراحهَ .. بعدهااَ طلعنـهَ من المحاضرهَ إنيِ ورسل والبناَت ويانـهَ بدن يسولفن وإنيِ بغير عالم على مايجيِ والد رسل .. إفكـر شلُون دخلت نفسيِ بهذاَ الطريِق إنيِ اليِ بيـهَ مكفيِنيِ .. ضليِت إفكـر بالـ بكَـر وكلامهَ وسوالفهَ اليِ جاَي يطلعـهن عليهَ من جوهَ الگاع لمن طلعـنهَ إني ورسل لأن والدهااَ وصل صعدت وياهـم لمن وصلـت للبيِت فوراً دگيِت البابَ چانَ انتظـر دقايِق وتفتحليِ إميِ البابَ طبيِت للبيِت و
صعدت الغرفتيِ من دوُن إيِ سلاَم إو كلام ... بدلت ونزلت إسـاعد مرت إخوويِ وبيِن ما إنيِ جـاَي اساعدهااَ گلت :
" حناَن شايفهَ بنات المعهد شمخليِات من مكيِاج ..
" اييِ لأن انيِ اعرف سوالفـهن يخلن مكيِاج اكثر من مكياج العروسـهَ بيِوم عرسـهااَ ..
" بس واللهَ إكو بنات يخلن مكياج حلو عليهن ..
" اييِ صح مو كل اصابيعنـهَ سوهَ ..
" ولبسهن يموووٌت ..
كملت كلاميِ ورحـت فرشت السفرهَ وبديِت إوديِ الأكل لمن تجمعـنهَ عالسفرهَ وگعدنهَ تغدينهَ سوهَ بهدوء وهالمرهَ من دوُن كلام چـاَن الهدوء سيد الموقف .. لمن خلصنهَ لميِت الماعيِن وغسلتهم وحنان خلت الچاَي عالنار لمن صبتلنهَ چـاَي اخذت استكانيِ شربت وصعدت لغرفتيِ تعبانهَ حيِل ..دخلت للغرفهَ مثل كل مرهَ وچـاَن موُبايليِ مشمور على السريِر وإنيِ ميتـهَ من تعب إول ماشلتهَ سمعتهَ دگ :
" يوووووه مو تعبانهَ ..
باوعت على الأسـم وإنيِ متوقعتهَ هوً وفعلاً طلـع هوً فتحـت الخط وهوً فوراً نطـق :
" شلونـچ اليِوم ..
" تمام .
" شسويتيِ ؟
" رحـت للمعهد واجيِت ..
چانت اجابتيِ على گـد السؤال لا إزيد ولا إقلل الى إن گال بنبرة إستهزاء :
" إييي إميِر يحبچ اكثـر منيِ ..
" إييي يحبنيِ اكثر من روحـهَ رغـم يعرف بيهَ ما آحبهَ بس وهوً يحبنيِ ومستعد ينتظرنيِ طول العمـر ..
" إييي اللهَ كـريِم صدگتيِ إنتِ من گلـچ احبچ !
" مو قصـة صدگـت بس هوً يحبنيِ .. وبإي وقت لو إريد يجيِ يتقدم ..
كملـت كلاميِ وگطـعت الخط بوجـههَ ثوانيِ وإنيِ احاول اخذ نفس عميِق شفت الموُبايِل كذلك دگ فوراً غلقت الموبايِل وشمرتهَ ورحـت باتجـاهَ السريِر راميهَ نفسيِ عليهَ من التعب ، لكن قبل لا يجينيِ النوم اتسللت فكرهَ بدماغيِ وهيِ ليش ما إوافق على إمير واخلص من الـ بكَـر نهائياً مو إحسن اليِ ؟ وبعديِن اگوم احب إميِر وتنتهيِ القصـهَ ..
نمـت بعدهااَ وإنيِ إشوف هذا احسن قراَر ممكن إسويهَ بحقيِ إلى إن گعدت باليل على صوت إذان المغرب وإنيِ مفزوعهَ گمـت من الفراش وإني عرگـانهَ ثوانيِ وإنيِ إحاوٌل اركـز سمعـت موُبايليِ يدگ فوراً سحبتـهَ لأن چـاَن قريِب عليهَ .. وفتـحت الخط من بعد ماشـفت المتصل كـرم ( زوج اختـيِ )
" السلاَم عليكم ..
" وعليكم السلام ..
" شلونـچ !
" الحمدللهَ .
" إريِد احچـيِ وياچ بخصوص إميِـر .. تـرهَ واللهَ يحبچ ويمووُت عليِچ وماتلگيِن مثلهَ وخلصيِ من هل أنسـاَن ورتاحيِ ..
كل فكـريِ ويِ كلمـةَ خلصيِ من هل إنسـاَن عرفتهَ ومتأكدهَ يقصد الـ بكَـر ، گلت بهدوء :
" إيي ، اللهَ كريِـم افكـر عود ..
گطعـت الاتصال وجميِع الآتصالات مو بس من كـرم حتى من الـ بكَـر وبديِت اركـز بدراستيِ لمن اجـت امتحانات الدور الثانيِ خلص كلشيِ بسرعهَ بسـرعهَ إلىَ إن بيِوم النتائـج اجـت اختيِ نغـم وإل مانزلت النتـائج جنت فوگ بغرفتيِ وچان اسمع صوت اختيِ نغم وهيِ دگول بصوت عاليِ:
" ولچ وتيِن ناجحـهَ ..
بس سمعت هاي الجملهَ عيونيِ تركزن بيهااَ الدموع دموع التعب والجهد والفرح الي قضيتهَ بذيچ المدهَ وتعبت بيهااَ فوراً نزلت واني رافعه راسيِ وخصوصاً من فزت بالنهايهَ ونحجـت واح اكمل دراستيِ حضنـت اختيِ وإهليِ ضلو ساكتي ومحجوا ايي شيِ وإنيِ كذلك مهتميت لأن اهـم شيِ فرحتيِ ...
إلىَ إن گال اخوويِ :
" إني اليوم معزوم على عرس فاراح اطلـع ..
فعلاً بدل وطلـع واني ضليِت انظف الى إن كملت شغلت التلفزون وبديِت إتابع لأن اهلي كلهم نامو وإنيِ ضليِت
إنتظـر اخوويِ يجـيِ لأن تأخـر ، ادريِ معزوم العرس ويتـأخر بس مو هيِـچ وبهايِ الأثناَء
اندگـت الباَب انـيِ فوراً طـرت علمود اروح افتـح الباَب اكيِد هذا اخوويٍ علـيِ وفعلاً فتـحت الباب وچاَن يطلـع اخوويِ علـيِ
سبقتـهَ بالكلام وانـيِ اگول :
وتيِن : بعد وقـت مابقيِت للصبـح ؟
كملـت كلاميِ وهوً عقلـهَ اصلاً مو يميِ منزل راسـهَ يباوع للموبايِل اليِ كامشـهَ بيدهَ واول مارفع راسـهَ
رمقنـيِ بنظـرهَ إبداً ما عرفت افسـرهااَ بس ملامح وجـههَ چاَنت تاگلـهااَ العصبيـهَ المحتلتـهَ لدرجـهَ ماَ فتـح حلگه بحرف واَحد
فوراً دخل للبيِت ، عافنـيِ وحديِ واگفـهَ مصنمـهَ بمكانيِ لكـن فقت من صفنتيِ وسديِت الباب ودخلـت وراهَ
إريد اعرف شصايِـر ؟ فوراً توجه الغرفـةَ اخوويِ حـارث وفتح الباب عليهَ وسدهَ حتى قبل لا إدخل انـيِ ..
لكن ثوانيِ وانصعق للمرهَ الثانيهَ وانيِ واگفه گبال الباب مال غرفـةَ حارث واسمـع علـيِ يگول بنـتر لدرجهَ اسمع بوضوح كلامهَ :
علـيِ : اطيِنيِ رقـم عم اميِر لأن اميِر ناشـر على الفيِس حچـي عن وتيِن .
اول ماسـمعتَ كلامهَ فتحـت الباَب عليـهم ودخلـت وبهايِ الحظـهَ اجانيِ احساَس ما اعرف افسرهَ
وخصوصاً من باوعلـيِ حارث بعيونهَ التجدح وگال :

يتبــــع
———————————

لا تنسـووُن التصويِت والتعليقات الحلوهَ
ُوَاستوُدعكَـم اللهَ
فيِ إمـاَن الله وحفظـهَ .