حكاية_تمني _
( بقلم بسمة البياتي)
البارت الأول _
كركوك سنة 2000
منطقة القادسية
بداية الشهر الواحد الجو بارد يكص كص وقت المغربية محشوكة يم الصوبة وبيدي كتابي داقرأ استغل وجود الكهرباء قبل لا تطفى ونظل على ضوة اللألة
دخلوا باباوجواد للغرفة كعدوا قريب مني بقوا يحجون اخير شي بابا اندار عليه ونتر بعصبية
شهاب.. شعندج مجبوبة وكاعدة اهنا ليش ماتساعدين امج لو على الحاضر بس تكعدين تعلفين
تمني... باوعت على بابا بقهر جواد هز راسة بأسف ضاج من كلامه
الدموع تجمعن بعيني حجيت بصوت مخنوك والله هي دزتني كالت كعدي اقري
... اذا بعد اشوفج لأزمة كتاب وامج وحدها تشتغل والسماج تمني احرم عليج طلعت البيت وروحة المدرسة
... خفت من كلامة حجيت بسرعة لا لا بعد ما اقرأ ورايحة أساعدها طبكت الكتاب وطلعت اركض سديت باب الغرفة ورجيت ظهري على الحايط جرن دموعي خليت ايدي على حلكي رغم متعودة على اهاناتة ورزايلة موشي جديد عليه بس كل مرة نفس الدموع ونفس القهر
سمعت جواد يحجي ويا
جواد.. يابة وتالي شوكت تفض هالسالفة ادري انت متتعب متمل شوكت تجوز من هالبنات هنا شمسويات تجيب وترزل بيهن
... اهوووو حجة المحامي معليك انت البنية ماينطالها عين اكسرلها ضلع يطلعلها عشرة عوفني اربيهن على مزاجي
... يابة هذا كلامك مو عليه ادري بيك ليش هيجي تعاملهن الخاطر الكائنات شوكت تنسى رجال مات وشبع موت تخلي قهرك ب بناتة ليش
... اكولك شو كاعد ترزل ابوك واني شمسويلهن ربيتهن وهنا لحمة حمرة وماقصرت وياهن بشي واذا ارزل واحجي المصلحتهن
ودامك هيجي خايف عليهن وحامي حمامك ليش ما ازوجك وحدة منهن
.... هاي عود صدك تحجي؟
.... لعد اشاقه انت كبرت ومستحق زواج اختار التريدها شرط خلال اسبوع اخليها بحضنك ادفيلك فراشك
.... هههه استغفر الله صدك كلامك يضحك
وينهن وين الزواج بعدهن ثاني متوسط ووحدتهن هلكدوتها فدوة العمرك يابة سد السالفة امنية وتمني خواتي ما اكدر اباوعلهن بغير نظرة
...لا مو خواتك والله محللهن عليك لاتجيب حجي من جيبك
واذا حجتك بعدهن اصغار هذا مو عذر اني اخذت امك وهي بعمرهن واكثر نسوانة يزوجن وهنا صغار
اريد افرح بيك وشوفة عينك كلما انمشيلك على وحدها اهلها يطلبون بالعالي ومانكدر على طلباتهم الزواج محتاج كومة فلوس ومصاريف
... شيل السالفة من راسك مستحيل اكدر اتقبل وحده بيهن وفرضا وافقت الي اخذها هم لازم اجهزها واسويلها عرس خوما تريد ازوجها ابلاش حتى الله ميرضاها
