حكاية_تمني _
( بقلم بسمة البياتي)
_البارت الخامس و العشرون _
تمني. اني وماما فتحنا حلكنا من الصدمة شنو جنة
حياة.... ووي هاي صدك تحجين المنو وانتي ولدج كلهم مزوجين
.... الوسام.
... فدوة العينج شكاعد تكولين
وسام عنده مرة ومستقر بحياتة زواجيش هذا بعد
... ليش هاي هم محسوبة عليه زواجة
لا رايدها ولا يحبها اخذها من وره ملحت اهلها وعلمود تربي ابنة تالي لا ربتلة ابنة ولا كسبتة الصالحها وسام من حقة يزوج وما الكي احسن من تمني اخذها اله
تمني... صافنة على كلام خالتي هاي من كل عقلها تحجي
حياة... ثريا هاي الزواجة ماترهم من كل النواحي
جواد صديق وسام
ومرة وسام وحدة وكحة وغيارة
بنتي وين تكدرلها وتدرين بتمني اشكد فقيرة
... كولي ما اريد انطيها وفضيها على شنو هاي الحجج والأعذار
.. هسه شحجيت وزعلتي هاي منج الها بعد ولا افتح حلكي
.. تمني احجي ليش ساكتة
... تحسرت
خالة يعني اني اطلكت لان نزلت عليه ضرة
اجي هسه انزل على ضرة وين صايرة هاي
فدوة العمرج لاتزعلين مني اني ووسام ابد منصلح البعض طول عمري حاسبتة اخوية الجبير مستحيل اكدر اغير نظرتي عنه واتقبلة ك زوج
... فكري عدل بعدين قرري
ولاتكوليلي مثل اخوج وهالخرابيط وسام لا هو اخوج ولا انتي اختة
الله محللكم البعض
من تنجمعون بغرفة وحدة وينقفل عليكم الباب الله يخلي بينكم مودة والفى
ا
واذا ضايجة لان تنزلين على ضرة
بنتي داكلج زواجة وسام صارت بظرف صعب وهو مارايدها
اشو حالة حال العزابي هو بغرفة وهي بغرفة
ادري خوما يكضي عمره هيج من حقة ياخذ الي تناسبة
.... وهي حقها. وين؟ المارضيتة على نفسي تريدين ارضى الها واجي اهجم بيتها
واعيشها نفس العشتة من ازوج عليه جواد
....وضعج يختلف لاتجيبين هاي على هاي
جواد ازوج عليج بدون علمج ورضاج
ريام موافقة ومستعدة هي بنفسها تجي تخطبج اله
.... مستحيل اصدك اكو مرة بهاي الدنيا تقبل زوجها يزوج عليها
ريام بالذات ممعقولة توافق وهي تغار، عليه بجنون
وخصوصاً مني
... يعني جاي اجذب عليج
... لا حشاج بس والله السالفة متدخل العقل
... تجي وبنفسج سمعي منها هااا شكلتي
... ما اكدر والله انسي الموضوع ووسام اذا يريد يزوج خلي يشوف غيري
اني ما افيدة ولا افيد غيره اطفال ميصير عندي
ليش تريدين تظلمي وياي
... ليش شبيج حتى اظلمة وياج
اشو جنج وردة هو اولى بيج من الغريب واذا على الجهال كلشي نصيب ترى انتي مو عاقر وتكدرين تتعالجين وتترسين البيت جهال واذا مصار،
هاي قسمة ربج
