حكاية_تمني _
( بقلم بسمة البياتي)
_البارت السابع و العشرون _
ردت افلت منه دارني عليه
راد يبوسني وخرت وجهي
جوواد والله نعسانة عوفني
بهت لونه صفن بوجهي
حسيت على زلت لساني خليت ايدي على حلكي
بغضب دفر الغطة وكعد الحيلة..
... ومن اكلج شبيج اتكولين لعبت نفسي من الريحة
لج بحضنيييييي وتفكرين بي ويمكن جاي تتخايلنة بمكاني مووووو
... اريد احجي ابرر انربط لساني اصلاً شحجي وشكول
بدون تفاهم ضربني راشدي من قوتة خدي اشتعل نار
كمت اتوسل بيه حتى يسمعني
وهو ولا عبالك احجي ويا
شبعني ضرب
اريد افلت من ايده ما اكدر
ابجي بصوت عالي واتوسل بيه حتى يعوفني لان حيلي انهد
وسسسام بالقرآن زلت لسان ما اعرف شلون نطقتها الله عليك كافي راسي كام يوجعنييييي
... انعل ابوج لابو وسام
هاي تاليتي تجي وحدة بكد رجلي تلعب عليه
... كرفصت وخليت ايدي على راسي احمي نفسي
كل كلمة يحجيها وياها كفخة
تعب مني عاف الغرفة وطلع
كعدت اندب حظي وقسمتي السودة
امنية حذرتني مسمعت منها حيل وابو زايد بيه
كمت ابجي قوي لك جواد كل الديصير بيه بسببك
ششوكت اطلعك من گلبي وتفكيري
حتى وانت بعيد عني جاي اتعذب بسببك.
نمت بمكاني عيتي على الباب خايفة يرجع يضربني
هاي اول ليلة وهيج لعد شراح يخلص العمر ويا
من البجي والتعب نمت بس شلون نومه مثل السم كلها كوابيس مرة احلم بجواد شايل مسدس يهددني يريد يكتلني
ومرة بوسام متعصب ويضربني
كل شوية افز مرعوبة اباوع بالغرفة وسام ماكو
اطمئن وارجع اغفة وعلى هالرنة بقيت للصبح
فتحت عيني النهار طالع باوعت ساعة عشرة
اريد اتحرك من مكاني جسمي يوجع وعندي صداع قوي
بالكوة كدرت اكوم
مشيت الباب الغرفة مديت راسي وسام ماكو طلعت على السريع فتت للحمام
لزمت دشداشتي بعدها مبللة لا ياربي هسه شسوي
ملابسي مومال ابقى بيهن
والجو بارد ما اكدر البس الدشداشة وهي مبلله
غسلت ورجعت للغرفة
شلت تلفوني اتصلت على شهد
.. صباح العسل عروستنا الحلوة
... صباح النور
.. احم لازم مشتاقتلي وذكرتيني اول وحدة
.. لا والله اتصلت حتى اسبج انتي وهذيج الحيوانة
... يوو شبيج ولج من صباحيات الله
... بربج شنو هالملابس المخليها الي حاطين بس دشداشة وحدة
.. اي كافي شسوين بغيرها
... اسوي عرض ازياء
لج تبللت وظليت هيج شلبس هسه
... مممم وشبللها لازم البارحة السهرة جانت حامية
