حبيبي فريقاً يصدر أمره على الضباط

البارت الاول 1

الكاتبه :اعيش بين رواياتي.
الحقوق محفوظة
ما احلل تنقلوها بدون اسمي
____________________

الشخصيات :

ابو زياد ( عبد العزيز  )
ام زياد ( الجوهره )
عيالهم ( زياد 30 ، ماجد 28 ، امجد 25 ، روان 23 ، ثامر 21 ، نجلاء 18 ، نور16)
زياد ابو عبدالعزيز متزوج و عنده زوجته ( هند 25 )  ولدهم عبدالعزيز الملقب ب عزيز عمره 5 سنوات

ابو تركي (عبدالله)
ام تركي ( شمايل )
عيالهم (تركي 28 ، محمد 26 ، بندر 24 ، فهد 22 ، الريم 18 )

اخت ابو زياد و ابو تركي ام إياد (نجود) متزوجه كويتي و تجي أهلها كل فتره كون الكويت قريبه عيالها ( اياد 25، شيخه 20 ) 

جارهم ابو يوسف ( فاضل)
ام يوسف (فاطمه)
عيالهم ( يوسف 26، خالد 24، ورد 20)

ابو زياد يعيش في الديره لي مايستغني عنها كونها دياره من يوم هو صغير قريب من الرياض و يدير شغله و تجارته فيها و اخو ابو تركي يدير شغلهم في الرياض و يسكن فيها بس كل يوم او يومين ملزوم يكون عند اخوه بينهم علاقه قويه حيل و مثل علاقتهم تربط عيالهم علاقه اقوى

ابو يوسف يعيش في الديره بعد جارهم الجدار بالجدار مايستغنون عنه و يحبوه كانه اخوهم و هو اصلن صديقهم من الطفوله و عيال ابو يوسف و عيالهم تربطهم علاقه قويه مثل اهلهم

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

حبيبي فريقٍ يصدر أمره على الضباط
عطاه الله السلطة وسّلط علي تسليط

لقيته صلاة العصر داخل على الخياط
على الحجتين ممشطٍ قذلته تمشيط

تعال اكتب اسمك داخل القلب يا خطاط
تبصر و دقق و أنقشه و اضبطه تضبيط

الشاعر: عبدالله بن شايق (رحمه الله)

ستوحيت روايتي من هذه القصيده لابن شايق رحمه الله حببت تفاصيل هذه القصيده جداً فاخذت قلمي و ورقتي و قررت ان ابداء بسرد روايتي الاولى بنشر ليس بالكتابه اتمنى لكم قراءه ممتعه:)

الكاتبه: اعيش بين روايتي
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

في الديـــــــــره تحديداً بيـت ابو زيـــــــــــاد

اول ايام عيد الاضحى

ساعه 4 الفجر

"ابو تركي موجود عند اخوه"

البنات ( نجلاء، روان، نور، الريم)
مجتمعات بغرفه روان يتجهزون بعدين يروحون يصلون صلاة العيد لن المسجد جنب بيتهم
روان تطلع من الحمام: هاا بنات وش رايكم بفستاني؟؟
نجلاء و هي تستشور شعرها: مرا حلو وش فيك مو مقتنعه من امس كل شوي تسألينا!
الريم: رواني ترا مرا طالع يهبل عليس
نور تحط مناكير: والله يجنن
روان و هي تشوفه بالمرايه: مدري بس عشانه كاشف اكتافي
نور: ياخي عادي ماحد بشايفس ترا
روان لفت عليها: و ابوي و عمي و اخواني
الريم و هي تلبس كعبها: ترا محارمس عادي او يذا مب مرتاحه حطي شيلتس على اكتافس
نجلاء خلصت من شعرها و لفت عليهم: ايه صادقه الريم
نور: روان لو بيدها لبست مثل امهاتنا جلابيات ههههه ياخي عشي حياتس
روان بنص عين: نوروه
الريم بضحك: ههههههه ليه وش فيها الجلابيات!!
نور بضحك : مافيها شي ههههه
نطقت نجلاء: يله خلصو بلا هذره زايده
الريم و هي تشوف نفسها بالمرايه: انا خلصت
نور توها نتبهت لشكل الريم الي ياخذ العقل: ريميي شكلس يجنن ماشاءالله
الريم خجلت: احمم مشكوره نوري حتى انتي شكلس يجنن
نجلا بابتسامه: ماشاءالله الاحمر نار عليس
روان: شكلس بتنخطبين العيد ذا وش هالكشخه
الريم حمر وجهها من الخجل و قالت و هي تاخذ عبايتها: و انتو الزين كله يابنات عمي يله ننزل لهم قبل مانتاخر على الصلاة
البنات ضحكو على خجلها و كملو تجهيز و طلعو
ــــــــــــــــــــــــــــ
الريم اسم على مسمى جميله بطريقه عجيبه عيونها الوسيعه و رموشها الطويله و لون عيونها العسلي الفاتح و بياض بشرتها الناصع الملفت و غمازاتها الغميقه بخدودها و شفايفها الصغيره المليانه بطريقه حلوه و ضحكتها الارنبيه تاخذ العقل و انفها المنحوت مثل السيف و جسمها المنحوت بطريقه تتفجر انوثه و شعرها الطويل لركبها بلونه الاسود الغامق و طول قامتها المتوسط