وصلو العزبه من بعد طريق دام ساعه نزلو اغراضهم و رتبو امورهم و الرجال اخذو لهم خيمه و الحريم خيمه و العيال خيمه و البنات خيمه
البنات جلسو بالجلسه الخارجيه قالت ورد: بنات وش رايكم نسوي قهوه احس الجو يبغاله
نجلاء: انتي ياورد قهوتك تجنن سوي لنا
ورد قامت: ابشرو و انتم جهزو الجلسه و نظفوها
تجهت ورد للمطبخ الي مكون من قرفان و دخلت تسوي قهوه
ــــ
في مكان قريب كان امجد متجه للمطبخ دخل و لقى ورد بالمطبخ وصدق الحين يومه اكتمل بس صد عنها و قال عشان تنتبه له لانها كاشفه: احم احم
كانت ورد متكيه على طاوله و سرحانه بس نخرشت من الصوت و لف الا ذا ظهر امجد و بدات دقات قلبها تزيد و سكتت تنتظره يطلع بس قال: شلونس ورد؟
قالت ورد لن في طفولتهم كان امجد اقرب واحد لها لين ماتغطت عنه: تمام الحمدلله انت كيفك؟
امجد: بخير بشوفتك
سكتت ورد و هي تدري بمشاعر امجد تجاهها و شكل امجد يدري بمشاعرها اتجاهه بعد
امجد: جيت ابي علبه مويه من الثلاجه عطيني من عندك
ورد طلعت علبه مويه و عطته و اصابعهم لمست بعض و هو صاد على طول ورد بعدت يدها
امجد ببتسامه: مشكوره
ورد و تحس دقات قلبها يسمعهن امجد: العفو
و كان بيطلع الا سمع صرخه مكتومه من ورد....
ــــــــــــــــــــــــــــــــــــــــــــ
في مكان قريب كانو العيال و الشيبان مجتمعين
ماجد و يوسف جالسين و يتسولفون عن الشغل و كذا و جوالاتهم ماتسكت و بندر منسدح و نايم باخر الجلسه و فهد الي على جواله و بس يغازل و الشيبان يتكلمون في امور عامه عن الشغل و اشياء ثانيه و محمد سرحان بالي اخذت قلبه ولا سمت عليه و تركي نفس حاله اخوه \(^_^)/
و زياد يلعب ولده و خالد الي هو اياد جوهم واحد ضحك و وناسه
ارسلت روان لثامر الي كان جنب ابوه~ نبي نلعب على دبابات ~
رد ثامر ~ طيب اقول للعيال و ارد لك خبر ~
عتدل ثامر و قال: يبه البنات يبغون يلعبون بالدبابات
فز اياد بحماس: لا حنا بنلعب اول
ابو زياد: خلاص خلوهن يلعبون و انتو بعدهن
خالد: عمي دايم الرجال اولاً لازم حنا
ابو يوسف: مافي فرق بين حرمه و رجال
ابو تركي: ايه خلوهن يلعبون مانتم بزران
ابو زياد: ايه و انتبهو لهم لا يطيحن و نبلش بهن
فهد عتدل و قال: اياد يله معي
و قامو العيال مابقى عندهم الا ماجد و يوسف الي لهم جو خاص
اما زياد سحبه عزيز سحب يوم سمع دبابات
ــــــــــــــــــــــــــ
امجد كان بيطلع الا سمع صرخه ورد المكتومه لف بسرعه و نسي انها مو متغطيه بس حاطه كاب الهودي على راسها
قال بخوف: وش فيك؟
كانت الدموع بعيونها و هي ماسكه يدها لن القهوه فارت على الغاز و هي كانت بتقفله الا يجي من القهوه الحاره على يدها
قرب امجد و مسك يدها و كان في اثر احمر على يدها و كونه طالب طب جلسها على كرسي بالمطبخ و قال: تألمك مرا
هزت ورد راسها بـ لا و قالت و البكيه بصوتها: خلاص انت روح
مارد امجد عليها و طلع من الاسعافات الاوليه مرهم حروق و قرب منها و جلس على ركبه عندها قريب منها و مسك يدها الي ترجف و جلست يحط عليها يحس مايبي يبعد يبي يبقى ماسك يدها طول الوقت بس انتبه لما قالت: لا احد يجي
رفع عيونه و ياليته مارفعن لها كانه طاح في بحر و غرق في عيونها نفس عيونها يوم كانت صغيره بس احلا
انتبه لنفسه لما ورد شتت نظرها و قامت و بعدت و قالت بتوتر : مشكور ماقصرت
امجد صد عنها و قال: عادي و خذي ذا المرهم حطيه كل شوي
و طلع و هو يمثل الهدوء بس من داخله يحس قلبه ينبض و عيون ورد مافارقن باله وقف شوي بعدين اخذ نفس عميق و توجه للعيال الي رايحين لدبابات
امجد وصلهم: وين وين؟
اياد بضحك: للمريخ شنو رايك اكيد لدبابات
امجد بسخريه: ها ها ها تضحك يا سامج
اياد بنظره: ماحد سامج غيرك
زياد لثامر: يله ثامر ناد البنات يركبون
ثامر يرسل لروان ~ تعالو ~
روان بحماس ~اوك الحين جايين ~
ــــــــــــــــــــــــــــــــــــــــــــــــــــ
عند البنات
الامهات كانو جالسات يتقهوو و يتسولفون
شوي جات ورد و كانت معاها القهوه
نجلاء: وشفيك طولتي صارلك اكثر من نص ساعه
ورد بتوتر: ايه نكب علي شوي من القهوه و جلست احط مرهم
الريم قربت منها تشوف: وين سلامتس يا روحي
نجلاء: سلامتس وردتنا
روان و نور: سلامتس
خلت البنات يشوفون قالت نور: لا خفيفه تعيشي و تاكلي غيرها
ورد ضربت نور بالخداديه الي جنبها: لو فيس ماقلتي كذا
الريم ضمت كتف ورد و بضحك: اكيد بتقعد تصيح ههههه
نور تخصرت: لا ياحبيبتي ماراح اقعد اصيح مثلك يا دلوعه
روان جتها رساله من ثامر و فزت بحماس و قالت بحماس: بنات يله لبسو عباياتكم بنروح نلعب بالدبابات
البنات طارو يلبسو عباياتهم الا ورد الي مو فاهمه شي قالت و هي تركض وراهم: وين بتروحون؟؟
الريم و هي تاخذ عبايتها: بنروح نلعب بالدبابات بس اكيد لحالنا صح روان
قالت روان: لا العيال بيكونو موجودين
شهقت ورد: وش بيودينا عندهم
الريم تذكرت ماجد و قالت: مين من العيال
نجلاء: بتجون تعالو مابتجون خليكم هنا
و طلعو نجلاء و نور يركضون و روان سحبت ورد و الريم و هي تقول انه عادي اخوانكم و شيخه الي من اول الجلسه جالسه بجنب امها و لما شافت البنات راحو راحت وراهم و هي تركض (◔‿◔) (بيني و بينكم نسيت شيخه سلكو لي (๑•﹏•)
شيخه صارت جنبهم: هاي بنات
البنات و هم يشوفون العيال عند الدبابات: هايات
وصلو و قالت روان و هي تشوف تركي معاهم و كان يناظرها: يله روحو بنركب لحالنا
قال محمد و عينه على نجلاء: عمي قال ننتبه حقكم (وابتسم)
قال امجد بهمس و هو قريب من ورد: شلونك الحين؟؟
قالت بهمس: بخير (وتقدمت عنه)
قالت نجلاء بتخصر: لا ياحبيبي و كيف بناخذ راحتنا
قال اياد و هو يتخصر مثلها و يقلدها: لا ياحبيبي و كيف بناخذ راحتنا ( رجع لصوته الطبيعي و قال) لو تطيح وحده و ينبط راسها حنا وش بنسوي
زياد بامر: يله العبو و خلصونا و صح ووين ام عزيز (هند)؟؟
نور: جالسه عند امي و خالاتي و تقول راسها مصدع
زياد فز و حط عزيز بيد خالد: انتبه له برجع الحين
وراح ناحيت الحريم يشوف ضي قلبه هند
قالت الريم: حمود حبيبي تعال اركب معي
محمد بفرحه انه بيلعب معاهن: من عيوني الاثنتين
كان هذا بجيه ماجد و يوسف الي كانو يتمشون
قال يوسف لورد: ها و انا اخوك تبغين احد معك
ورد: ايه تعال
شيخه كانت واقفه و تراقب ماجد الي كان طالع جنتل بوقفته و يده الي بجيبه
الريم لاحظت نظرات شيخه لماجدو ماجد بصدفه جت عينه بعين شيخه و ذيك الحظه ماتدري ليه تضايقة و تعكر مزاجها و قالت: خلاص مابي العب بروح
محمد مسكها من يدها بستغراب: وين تروحين
الريم و الدمعه بعينها: خلاص مابغى محمد
ماجد عقد حواجبه لانه كان ملاحظ نظرات شيخه و نظره الريم لهم و مافات عليه تغير وجهها
البنات تجمعو على الريم
روان مسكت ريم و قالت: ريم وش فيك
الريم بكذب: راسي مصدع بروح ارتاح
نجلاء: كذا فجاءه
ورد حست ان ريم فيها شي و قالت: خلاص بنات نترك ريم ترتاح
تركي و بندر قربو منها قال تركي: فيس شي ياروحي
بندر: ريمي راسك مرا يألمك
الريم بنفي: لا بس ابي اروح ارتاح
راحت الريم و دخلت الخيمه و جلست تبكي!!
عند العيال
ماجد تضايق من نظرات شيخه الي ماهي حاشمه حتى اخوها
قرب منها و قال: صدي نظراتس يابنت العمه
شيخه جمدت مكانها من انتباهه لها و هاذي ثاني كره تنحرج بس هي حاطته في راسها.....
ابعد ماجد راجع لعند الشيبان و هي تتأمله
كان في بال ماجد سؤال (معقول تحبني)
شيخه و ريحة عطر ماجد حولها "يمه فديته"
قريب بشوي طلع ابو تركي و نادى تركي الي جاء يركض
تركي: هلا يبه
ابو تركي: انا بشور عليك بموضوع
تركي: قول ياطويل العمر؟!
ابو تركي و هو يسبح مسبحته: انت ماشاءالله عليك رجال ينشد الظهر فيك و بتدخل الثلاثين و ابيك تكمل نص دينك يابوك و انت يذا في بالك احد قول و يذا تبي الصراحه انا في بالي وحده بس مابي اخذ قرار عنك
تركي: طيب يابوي وش طرالك على ذا الموضوع و حنا هنا
ابو تركي: بس كذا و انا ابوك ابي افرح فيك
تركي و هو حاس خلاص ليه يضيع وقت قال: و منهي الي في بالك يايبه؟؟
ابو تركي: بصراحه الي في بالي بنت عمك روان
تركي شق الابتسامه: موافق (تدارك الموضوع و قال) اقصد ايه ابيها بنت عمي ونعم فيها
ابو تركي بفرحه: يعني اطلبها لك من اخوي؟
تركي: ايه الحين
ابو تركي يضربه بخفه و يضحك: اصبر بعد العشاء
تركي ببتسامه: طيب بس لا تنسى
ابو تركي يمشي: لا ماني ناسي
راح ابو تركي و تركي شوي و يرقص من الفرح هو كان ناوي بس متردد بس الحين ابوه اعطاه دافع
في خيمه البنات ورد دخلت و شافت ريم تبكي نخرشت و جلست عندها و قالت: بنت وشفيك ليه تبكيين!!!
الريم تمسح دموعها بعشوائيه و بصوت ممبحوح: مافي شي بس شوي متضايقه
ورد عقدت حواجبها و رفعت راس الريم و قالت: كذا بدون سبب؟؟
الريم شتت عيونها و قالت: ايه بدون سبب
ورد بجديه: ريم قوليلي لا تكذبين تراي صديقتس
الريم نزلت راسها و هي تحتاج احد تقوله الي فيها من اسابيع: شكلي حبيته بس..........!!
ـــــــــــــــــــــــــــــــــــــــــــــــــــــ
التحديقة : أول مُشاكسة بين العقل والقلب .
ـــــــــــــــــــــــــــــــــــــــــــــــــــــ
توقعاتكم
محمد و نجلاء
روان و تركي
ورد و امجد
الريم و ماجد و شيخه
و توقعاتكم عن باقي ابطالي و فكاركم لتطوير الروايه
شكراً
📌ياحلوه لا تنسين التصويت لروايه 📌
أنت تقرأ
حبيبي فريقاً يصدر أمره على الضباط
Roman d'amourنعيش في هذه الروايه بين عايلة ابو زياد التي سنواجه معهم التحديات و المغامرات و الافراح و سنعيش تحت ظل ابطالي و بطلاتي الشجعان المحبين و العشاق نسجت في هذه الروايه قصص الحب المختلفه و المشؤقه و الجميله و الحزينه و بروايتي الاولى بنشر ليس بالكتابه اتم...
