حبيبي فريقاً يصدر أمره على الضباط

البارت الثامن 8

لا تنسو النجمه ☆)

الكل يترقب لطلب ابو وليد من ابو تركي
قال ابوتركي: اطلب و ان شاءالله اني ماردك و اقدر لابي طلبك
كمل ابو وليد: انا جيتك ابي اطلب القرب منكم بطلب كريمتك
الريم حق ولدي وليد
مااجد انصعق و شد على يده و هو يتذكر شكل الريم اليوم و كل مواقفه معاها و بعدها رجع للواقع و ناظر وليد الي شاق الابتسامه و ابو وليد و بعدين لعمه ابو تركي الي قال: هاذي الساعه المباركه يابو وليــ.......
قطع كلامهم ماجد بصوته الي ارعبهم كلهم و صدمهم و قال و يوسف يمسكه: والله ان تبطي عظم ماتاخذها لولدك البنت لولد عمها يا ابو وليد
و قام و طلع من المجلس و يوسف وراه و هو معصب شلون ذا يجي يخطب وحده بينكتب عليها ملك لماجد
ابو تركي و ابو زياد تفشلو و اعتذرو من ابو وليد الي عصب وتفشل و طلع و هو يسحب ولده معاه
ابو زياد طلع معصب وراى ماجد و قال: وشفيك شفلتنا قدام الرجاجيل منت بزر عشان اعلمك و ردك مو رد على الرجال و غلطت عليه بدون سبب وش تبي يقولون عنا الناس
ابو تركي يربت على كتف ماجد الي متكتف و معصببب و ساعت و يوسف واقف جنبه
قال ابو تركي: ياخوك ادري ان ماجد فشلنا بس انت تدري شلون دمه حار و يذا يبي البنت فهي له و جاته
ماجد بلع ريقه و هو يفكر بتهور حركته بس لو سكت و ماتكلم بتروح من يده
و طلع ماجد و يوسف وراه و نتشرت السالفه بين العيله بينما عايله ابو وليد الي زعلانين من ماجد و خاصه وليد

عند البنات
كانت نجلاء تقول السالفه لن امجد قال لها
توسعت عيون الريم و البنات يطالعونها و يغمزون و يعلقون
روان تضحك: اما عاد قال له تبطي عظم قويه صراحه بس مالومه على هالريم
الريم تضربها بخفه و بخجل: يمكن عشاني بنت عمه بس
نجلاء: ماظن عشانك بنت عمه وبس وبعدين يقول امجد ان صوت ماجد ارعب المجلس كله و يقولون قام و طلع و وطلعو وراه ابوي و عمي و مايدرون وش صار بعدها
ورد تغمز للريم: شكلنا بنفرح قريب هههه
الريم بستحى و وجهها قلب الوان: بس عاااد
نور بضحك: وجهك قلب لوحه رسم ههههخ
الريم تقوم و تضرب نور بخفه برجلها: بسس عاد
و طلعت الريم و البنات ينادنها ردت و هي طالعه: بروح اتروش
و البنات كملو تعليقات على الريم و جلسو يحللون السالفه
كانت ماشيه و تفكر بالي صار و سالفه ماجد و رده المفاجئ على الي بيخطبها دخلت الغرفه و دخلت الحمام و وقفت تحت الشور بعد مانزلت فستانها و المويه تنزل على جسمها و تفكيرها بمااجد الي صار نقطه اساسيه بحياتها
جلست تفكر و تفكر و تفكر بعدها طلعت و لبست بجامه و راحت للبنات بيكملون السهره و الطقطقه و كانو البنات منسدحين على سرير روان الكبيرر حيل
كانت ورد عندهم بتسهر و كانت لابسه بجامه مثل باقي البنات و تحلل سالفه ماجد: شكله يغاار الرجال ياريم
الريم بفهاوه: شلون يغار
ورد تضربها بخفه: يغار عليك يالهبله
نجلاء: وش سويتي باخوي عشان يقول لرجال تبطي عظم هههه
الريم تقرصها بخفه: ماسويت شي بعدين وش يدريني عن اخوتس
نجلاء تاوهت بألم من القرصه و دفت الريم: بلا فشكلتس
نور ضحكت و هي تشوف جوالها ينور برساله قطع ضحكتها رساله من تطبيق انستغرام مضمونها "انا اسف"
عرفت انه فهد من حسابه فهد ال...
دخلت الحساب و شافت اغلب المتابعين بنات و الحساب متروس صور فهد هي ماتنكر انه جميللل بس حركته مو شوي لازم يعرف انها مو مثل باقي البنات الي يعرفهم و بلكت حسابه و هي ماتدري هو كيف طلع حسابها
و كملو البنات السهره و طقطقه على سالفه ماجد و تعليقات على الريم و تحليلهم لسالفه
الريم نامت و هي تفكر ليه سووا كذا ماجد