لا تنسو النجمه ☆)
فـــــــــــي المـــســتــشـــفـى
يوسف منسدح على السرير و هو يحس بألم في يده من الرصاصه الي طلعوها منه بعمليه جراحيه
ماجد كان بالسرير الي جنبه و كان اصابته بس جرح بالكتف و سطحي و اكثر شي مريحه انه تم القبض على العصابه و يحس براحه كبيره هو ما يحب المستشفيات بس جالس عشان يوسف
دخلو الشباب و الشيبان كلهم و اولهم امجد الي راح لماجد و حضنه
بادله ماجد الحضن و سلمو على بعض و معاهم خالد الي تقدم ليوسف و باس راسه بحب: ياجعله فيني و لا فيك ياخوك
يوسف يشد على يد خالد و بشبه ضحك: لا تقول كذا و اعيش و اكل غيرها تراها مو اول مره
ضحك ماجد: عادي اهم شي تمت مهمتنا على اكمل وجه
ابو يوسف: كفو عليكم بس ترانا نخاف عليكم مهما كان
ابو زياد: ايه والله بس الله يحفظكم يابوك
محمد: الحمدلله جات كذا
زياد: الحمدلله
ابو تركي: ماتشوفو شر و الحمدلله على كل حال
ماجد و يوسف: الشر مايجيك
فهد يقوم: بجيب مويه مين يبي
ثامر طالعه: خذني معاك
تركي لتفت لهم: ايه جيبو للكل
طلع ثامر و فهد للكافتيريا حقه المستشفى
امجد كان جالس قريب من ماجد على السرير و يكلم البنات يطمنهم
ـــــــــــــــــــــــــــــــــــــــــ
تحـــــــت بالكافتــــــــيريا
ثامر الي ماشي هو و فهد للصانصير بيطلعو للجناح حق الشباب الا يجيهم صوت بندر و معاه ام زياد الي ركض لها ثامر و نطقت ام زياد: وين غرفه اخوك خذني لها ابي اشوفه
ثامر يهديها: حبيبتي يالغاليه اهدي ماجد مافيه الا كل خير و هذا حنا ماخذين لهم مويه
و مسك يد امه و سحبها معاه لغرفه ماجد و العيال بندر و فهد وراهم
وصلو الغرفه و فتح ثامر الباب و هو يقول: يبه
ابو زياد: هلا؟
ثامر: الوالده هنا بتشوف ماجد
ابو زياد: من جابها؟؟
ثامر: بندر
ابو زياد: تمام
ابو يوسف يقوم: يله حنا بنطلع و خلو ام زياد تاخذ راحتها
ابو تركي: زين
امجد جالس و يضحك: لو انك بالمريخ جاتك الوالده بخمس ثواني
زياد ضحك: ايه والله
طلعو محمد و تركي و ابو تركي و ابو يوسف
دخلت ام زياد و هي تشوف ماجد و مارفعت غطاها عشان يوسف موجود بنفس الغرفه
مسكت ماجد: انت بخير حبيبي
ماجد يمسك يدها يبوسها بهدوء: طيب يالغاليه
و جلست تشوفه بعيون دامعه: ربي حفظك لي الحمدلله على سلامتك يا فلذه كبدي
ماجد: الله يلسمك
لفت ام زياد على يوسف الي منشغل بالكلام مع امجد و قالت: و انت شلونك ياولدي يايوسف و الحمدلله على السلامه ماتشوف شر
يوسف لف راسه عليها: الحمدلله يا خالتي و الله يسلمك و يسلم احبابك من كل شر الحمدلله عدت
ام زياد تناظر ماجد: عساكم دوم بخير يا عيالي
يوسف ببتسامه: الله يحفظك يا خاله الله يشهد انك بمقام الوالده
ام زياد: الله يعزك ياولدي و انت بعد بمقام ماجد و اخوانه و تربيت معاهم
جاء طق علي الباب و ثامر فتح الباب و طلعت ام يوسف و لف على زياد و امجد: خالتي ام يوسف جات يله نطلع
دخلت ام يوسف و سلمت عليهم و على ولدها و غمرته بحنانها و جلست هي و ام زياد شوي و بعدها رجعهم امجد للبيوتهم
و ماجد يقدر يطلع بس مايبي يخلي خويه
ـــــــــــــــــــــــــــــــــــــــــــ
بيــــــــت ابو زيــــــاد
أنت تقرأ
حبيبي فريقاً يصدر أمره على الضباط
عاطفيةنعيش في هذه الروايه بين عايلة ابو زياد التي سنواجه معهم التحديات و المغامرات و الافراح و سنعيش تحت ظل ابطالي و بطلاتي الشجعان المحبين و العشاق نسجت في هذه الروايه قصص الحب المختلفه و المشؤقه و الجميله و الحزينه و بروايتي الاولى بنشر ليس بالكتابه اتم...
