"رفـيف الأيهب"
بقلمي//مِـريام
•~•~•~•~•~•~•
اليضحك بالبداية
يبچي بعدين
تهددني بمطر ؟
هو اني غرگان
✪ـــــــــــــــــــــــــــــــــــــــــــــــــ✪
البـصرة /الساعة
6:30 صباحاً
فتحت باب الغرفة ورحت حتى اكعدها للدوام، كـلعادة نايمه على بطنها ورجلها طالعه من البطانيه
هزيتها حتى تكعد فتحت تك عين
دُنيا: رفيف يلا كومـي رح تتأخرين
رفيف: هممممممم
دُنيا: كومي يلا لا تتأخرين
رفيف: هممم كايـمة
دُنيا: تره اصيح لماما اذا ما كعدتي، وتعرفيها اذا تجي شلون تكعدج بيا طريقة
ما ردت عليه واصلاً ما سمعتني يمكن، تنهدت وطلعت من الغرفـة
توجهت للمطبخ شفت امي واكفه تحضر الريوك
رفل(الأم): كعدت؟
دُنيا: لا بعدها
رفل: اي طبعاً ما تكعد كله من التلفون سهرانه عليه للصبح
دُنيا:هسه تدرين بيها اذا تكعد بطريقتج تصير بكامل نشاطها مثل الحصان
رفل: انه اعلمها
دُنيا: شفتها راحت لبراد الماي خذت ماي باردددد
وتوجهت لغرفتها
اخذت تلفوني ورحت اصور اللحضـه
**
نايمه واتخـيل نفسي صاعد بـ BMW واسوق سريع وشعري يطير وي الهوى وصوت السياره العالـي ألي اعشقه
فجأة حسيت بماي بارد غرك وجهييي!!!
طفرت من مكاني وصحت
رفيف: خرببببب هذا يهوووووووو!!!
رفل: كومي يلا
باوعت لأمي الواكفه كدامي
رفيف: أمي العزيزة ما هذا التعنيف اكو واحد يكعدو بماي بارد بهذا الجوو
دُنيا: نعم انتي
رفيف: أنتي انجبي اكيد كله من وراج
دُنيا: يا شعليه كتلج كومي ما كمتي
رفل:كافي يلا كومي بدلي وتعاي تريگي
أنت تقرأ
حب وأنتقام "رفيف الأيهب"
Actionقَويـة لا تَهـاب أحداً تُواجـة دون خوف، تُـجيد السيطرة على الأمور بكُل مهارة، كـ حجرٍ صُلب من يحاول أن يعبُرها تجرحُه.. صامد، وجامد، حازم في أخذ الأمور كُل شي يجري بتخطيط مَدروس بِمهارة، ماضيً إليـم، جُرح ما زال ينزُف لكن العوض كفيل بأن ينُس...
