"رفـيف الأيهب"
بقلمي//مِـريام
•~•~•~•~•~•~•~•
بس المحترك
يفهم حجي
الدخان
ويعرف حرورته
ويفهم سبب
عـِلته...
-اكو أشباه بلبارت ❤
✪ــــــــــــــــــــــــــــــــــــــــــــــــــ✪
كامت من مكانها اردفت بجدية
رفيف: ماكو لا زواج ولا خطوبة بعدج صغيرة مستحيل واصلاً ابونه مهو ما موجود بعده ما طالع عود يطلع ويصير خير.
احتاريت شنو اكول الها جانت كلش رافضه الفكرة
دُنيا: بس انه موافقه عليه وعادي بس نسوي خطوبة والعرس وره ما يطلع بابا
رفيف: لججج شنوو موافقههه ولحضهه ما كلتي منو هوَ؟
دُنيا: حمزة
لطمت على وجهها بنص الموقف ضحكني شكلها وشلون مصدومه
رفيف: لا راح انجلط لججج هذا حمزة الي نعرفه؟؟؟؟
دُنيا: اي هوَ
رفيف: وجعي بگلبي لجج اكبر منج بهواي غير فرق الطول تطلعين عبالك بنته كدامه ومنين يعرفج حتى يخطبج شنو هل سرعه هايَ؟؟؟
دُنيا: ما ادري بس هوَ كال يريد يتقدملي
رفيف: لجج يابه مو مناسبين لبعض والتناقض بيناتكم فضيع انتي
ناعمه وهوَ عبالك عامود شطولة وثانياً بعدج صغيرة على الزواج ومحد من اهلنه موجود ويانه رفضيه
دُنيا: مااريد ارفض
اردفت بحدة
رفيف: دُنيا من يمته انتي ما تسمعين كلامي؟؟؟ كتلج رفضي
من شفت اصرارها على انُ ارفض حجيت كلام أذاني الي مو بس الها
دُنيا: مو صغيرة انه حتى تقررين عني كافييي تتحكمين بيه وتردين كلشي يصير مثل ما انتي تقررين تره هاي حياتي وانه الي اقرر شسوي لا تدخلين بيه بعد، هسه تكولين وصية اهلي تمام هذا هوَ حافظتي عليه وحميتيني بس انه اعيش حياتي مثل ما اريد وبكيفي رجاءً لا تتحكمين بيه رفيف..
ضلت باهته بوجهي ومصدومة أول مره بحياتي احجي وياها هيج وبصوت عالي همَ بس كافي
ما اريد اتعب اختي اكثر تحملت هواي كلما تجي عيني على اثار الضرب الي بوجهها لو الي شفتهن على جسمها يوجعني گلبي والوم بروحي لو ما انه ما صار هيج بيها
تقدمت عليه واردفت بأنكسار
رفيف: هاي انه هيج تحجين وياي؟؟ لج غير خايفه عليج وما اريد يصيرلج شي ولا اخسرج
دُنيا: ما تخسريني كافي رفيف انه اشوف حمزة مناسب الي وهوَ اكيد رح يحميني ماكو داعي تشيلين همي بعد عيشي حياتج
رفيف: دُنيا هاي شبيج ليش هيج صرتي تحجين ويايَ؟ قصرت وياج بشي لج ضحيت بحياتي علمودج ليش تردين تعوفيني؟ بعدين نسيتي بابا بلسجن خل ننتظرة يطلع وسوي ليعجبج براضته هوَ
أنت تقرأ
حب وأنتقام "رفيف الأيهب"
Acciónقَويـة لا تَهـاب أحداً تُواجـة دون خوف، تُـجيد السيطرة على الأمور بكُل مهارة، كـ حجرٍ صُلب من يحاول أن يعبُرها تجرحُه.. صامد، وجامد، حازم في أخذ الأمور كُل شي يجري بتخطيط مَدروس بِمهارة، ماضيً إليـم، جُرح ما زال ينزُف لكن العوض كفيل بأن ينُس...
