"رفـيف الأيهب"
بقلمي//مِـريام
•~•~•~•~•~•~•
لمُهم عَدّت
سنين
وبِزعَت الروّح
وعَيت شِما
ابَاوع شَابِع جِروّح
✪ــــــــــــــــــــــــــــــــــــــــــــــــــ✪
وكعت على حافة الرحلة
واجت الضربة بنص كصـتي
تأذيت حيللل وضليت كاعدة وحاطة أيدي على مكان الضربة شوية وحسيت راسي صدع
ضليت بمكاني لحدما كدرت اتوازن
شلت جنطتي وطلعت امشي بلشارع واحس رح يغمى عليه
من كثر ما راسي يأذيني وصلت للبيت فتحت الباب ودخلت
من المطبخ شفت امي كاعدة
رفعت راسها واردفت
رفل: هاا الله يساعدج
دُنيا: ويساعدج
كعدت على الطاولة وايدي على راسي حسيت بأيدها تمسح عليه رفعته شفتها تباوعلي واردفت بقلق
رفل: شبيج يمه راسج يأذيج
دُنيا: اي ماما جان يأذيني بس هسه شويه خَف وأحسن
رفل: كومي بدلي وغسلي وتعاي تغدي يلا حبيبتي
دُنيا: تمام
صعدت لغرفتي وبدلت ملابسي وغسلت ونزلت توجهت للمطبخ
كعدت على الطاولة اكل بهدوء
لحدما خلصت وكمت صعدت متوجهة لغرفتي حتى انام
**
ودعت زهراء ودخلت لبيتنه
شفت امي كاعدة بلمطبخ تنتضرني هاي عادتها كل ما نطلع للدوام تنتضرنه لوقت رجعتنه
رفل: ها اجيتي
رفيف: لا بعدني امشي
رفل: طيح الله حظج
رفيف: يعني يا امي غير هاي انه كدامج
رفل: وهو انه شريد غير اشوفجن كدامي ومابيجن شي
رفيف: بعد كلبي الحنينة شمسوية غدة؟
رفل: مندي دجاج
رفيف: اويلي عاشت ايدج
غسلت ايدي واخذت خاشوگة فتحت الجدورة وضليت أكل
رفل: ولجج انه جم مره كلت لا تاكلين هيج ليش ما تسمعين الحجي
رفيف: تعودت اكل هيج احب الاكل بلجدر
رفل: شو وخري خل اصب الج اكل روحي بدلي بسرعه
بستها بخدهـا ورحت اركض على الدرج
بدلت ملابسـي وغسلت شلت شعري ونزلت
أنت تقرأ
حب وأنتقام "رفيف الأيهب"
Acciónقَويـة لا تَهـاب أحداً تُواجـة دون خوف، تُـجيد السيطرة على الأمور بكُل مهارة، كـ حجرٍ صُلب من يحاول أن يعبُرها تجرحُه.. صامد، وجامد، حازم في أخذ الأمور كُل شي يجري بتخطيط مَدروس بِمهارة، ماضيً إليـم، جُرح ما زال ينزُف لكن العوض كفيل بأن ينُس...
