"رفـيف الأيهب"
بقلمي//مِـريام
•~•~•~•~•~•~•~•~•
الهَوى يلتَم عليه
منِين ماذكُروك
وأدكَ رَجلي وأضَل
بـ َعازة الخنگة
وأغَص بَـ ريحتك
ماگمت أغص بالزاد..
✪ـــــــــــــــــــــــــــــــــــــــــــــــــ✪
رجع طلب الشيخ الموافقه من حمزة وتعالت اصوات الهلال والمُباركات بعد ما نطقها
حضنت دُنيا وباركت الها وابتعـدت
عفتها وي البنات وتوجهت للمطبخ
حسيت بغصه بداخلـي صبيتلي ماي وانتبهت لرعشت أيدي
اتذكرت امي تمنيت لو هسه موجوده رجعلتي ذكرياتنه سوه ورجعلي ذاك اليوم وذيج الساعه وكلشي شفته وعشته اخر نظرات الها قبل لا تعوفني
شربت ماي وحطيت الكلاص سحبت انفس اهدئ نفسي بلعت ريكي وعدلت شعري ورسمت ابتسامه على وجهي وطلعت
جانت كاعدة وصدك طالعه اميرة مثل ما جان يسميها ابوي تقربت وكفت يمها وهي تباوعلي حضنت أيدها اهدئها لأن مبين متوترة
صاحت رهف ع النسوان تبلغهن بأنُ رح يدخل نفتح الباب ودخل
حمزة يتميز بأنُ هو كلش طويل يعني دُنيا تطلع قزمه كدامه حتلو لبست كعب
عيونه ما بعدهـا عن اختي كعد بصفها يتأملها مبتسم أخذ ايدها باسها وهمس الها بشي سمعته لأن جنت قريبة منهم
حمزة: واخيراً صرتي حلالي يا اجمل صدفه بحياتي
ابتسمت ورفعت نظراتها اله بخجل
لبسها الذهـب ومن كمـل باسها براسها رجع همس الها بشي ما سمعته وطلع برا
بلشت فقرة الركص مال بنات واكيد انه توسطت الساحـه وهند مكابلتني ورهف صدمتني ما توقعتها تعرف تركص هيج وهاجر ويانه ركصنه هواي لحدما تعبت رجلينه كعدت ارتاح بس رهف بعدها تهز وي البنات ابتسمت على الاجواء والأهم اختي مرتاحه وسعيدة
مر الوقت والهوسه بعدها لحدما بلشن يترخصن النسوان ويطلعن
همستلي دُنيا
دُنيا: احم اكلج
التفتت عليها
رفيف: اسمعج حبيبتي
دُنيا: شسمه حمزة يريد يشوفني يعني..
ما خليتها تكمل وسحبتها وياي لان افتهمت قصدها اخذتـها للديوان وهند الفضول كتلها واجت وياي
اردفت وهي تضحك
هند: المكان هنا صار مكان مال حصرات هههه
أنت تقرأ
حب وأنتقام "رفيف الأيهب"
Acciónقَويـة لا تَهـاب أحداً تُواجـة دون خوف، تُـجيد السيطرة على الأمور بكُل مهارة، كـ حجرٍ صُلب من يحاول أن يعبُرها تجرحُه.. صامد، وجامد، حازم في أخذ الأمور كُل شي يجري بتخطيط مَدروس بِمهارة، ماضيً إليـم، جُرح ما زال ينزُف لكن العوض كفيل بأن ينُس...
