"رفـيف الأيهب"
بقلمي //مِـريام
•~•~•~•~•~•~•~•
- لحِدّ الأن
أحِسَك عَايّش بِرُوّحِيّ
لحِدّ الأن أحچيّ بصِيّغة
المَوجوّد موّ بَالچَانّ
وَلحِدّ الأن مَا نَاسيّك
عَلىٰ گدّ المَحبة
يَطوّل النِسيّان شلوّن
أنسىٰ يَناسينِيّ المَوّاقِف
وگفِت بگلبيّ قبّل
لا توّگف بعينِيّ.
✪ــــــــــــــــــــــــــــــــــــــــــــــــــ✪
وجع بكل جسمي، صداع براسـي،
اصوات كثيرة ما اكدر اميزها،
احاول افتح عيوني بس ما اكدر احس حتى حيل افتح عيوني ما عندي
بعد مدة كدرت افتح عيوني بس سديتهن بسبب الضوه رجعت فتحتهن شوية شوية لحدما توضحت الـرؤية عندي
جنت بغرفة بيضه وحسيت على شخص يمي باوعت شفتها دُنيـا
جانت نايمه على ايدي مجرد ما حركتها فزت باوعتلي وعيونها مدمعه وشفايفها ترجف مستعدة حتى تبجي كامت من مكانها بسرعه وحضنتي
نفجرت تبجي وتشهك بصوت عالي انفتح الباب مبين سمعوا صوت بجيها ما اعرف منو ما ميزتهم حضنتها اطبطب على ظهرها واحس ايدي بصعوبة ارفعها من وجع جسمي
دُنيا: عبالي خسرتج عبالي رحتي وعفتيني مثل ماما وبابا كلبي يأذيني عليجج
رفيف: اشششش اهدي لا تبجين هاي انه مابيه شي
ابتعدت تتفحصني بنظراتها
دُنيا: لجج تصاوبتي ولله عبالي خسرتج للأبد وبعد ما اشوفج ردت اموت
رفيف: مابيه شي العار ما يموت
دُنيا: طاح حظج شو تعاي اشتاقيتلج
رجعت حضنتني اقوة
دُنيا: شسوي بروحي لو صايرلج شي؟
رفيف: ما صار شي ولد عمامج عارات وجبناء ما يكدرولي
ايهب: شلون صرتي؟
ابتعدت عن دُنيا وانه اصلاً نسيت وجودهم يمنه التفتت عليهم شفت هند الي تبجي بصمت وليث بصفها واكف وايهب متقدمهم وجهت نظري لأيهب واردفت
رفيف: مابيه شي
ايهب: ارتاحي هسه بعدين نحجي
كال هيج وطلع من الغرفة تقدمت هند وحضنتني
هند: الحمد لله على سلامتج خوفتينه عليج
رفيف: الله يسلمج حبيبتي لاتخافون مابيه شي
ليث: يلا يمعودة كلتلج العار ما يموت
ابتعدت عنها باوعتله واردفت بضحكه
رفيف: ما تشوف بعدك عايش
ضحكوا كلهم وبعدها اردف ليث
ليث: هسه نخليج ترتاحين لان بعدين يستلموج دك اسئلة
رفيف: عن شنو؟
أنت تقرأ
حب وأنتقام "رفيف الأيهب"
Acciónقَويـة لا تَهـاب أحداً تُواجـة دون خوف، تُـجيد السيطرة على الأمور بكُل مهارة، كـ حجرٍ صُلب من يحاول أن يعبُرها تجرحُه.. صامد، وجامد، حازم في أخذ الأمور كُل شي يجري بتخطيط مَدروس بِمهارة، ماضيً إليـم، جُرح ما زال ينزُف لكن العوض كفيل بأن ينُس...
