بسم الله
| الرياض |
إياد: احكي وانا بقول مهمها الحكي طال لبيه يا عروق قلبي وسمي ، هلا بغلا الروح امريني؟
غلا: ما يأمر عليك عدو ، تجي تاخذنا المول بكمل أغراض خطبتي
إياد: اخ يا غليص يعني بتتزوجي وتخلينا
غلا: اف لا توترني زياده وتخليني اكنسل ام الزواج
ضحك بعلو صوته إياد : يلا دقايق وانزلو
-
بريطانيا - بيت راشد بالتحديد وسط غرفة الزين -
رفعت راسها لدخول أبوها عدلت جلستها ونزلت السماعه من أذنها
راشد: نايمه ؟
الزين: لا بابا كنت اتابع فلم
راشد: اي زين جهزي أغراضك بكره راجعين السعودية جدك يبينا
فزت تحظنه الزين: ونااسه اخيراً بنرجع والله اشتقت البنات
ضحك بعلو صوته راشد: يلا قومي وعلمي أختك تتجهز ونامو ورانا يوم طويل.
| صباح يوم الاربعاء الساعه ٦ صباحاً - مطار لندن |
يناظر بناته وكل وحده معها قهوتها الزين الي كانت تحاول تعدل مزاج اختها الي مو مستعده ترجع تقابل حبيب الطفوله " عساف" الي حاولت تنساه و مؤيد الي طول وقته على جواله . كانت رجعتهم بعد ثلاث سنين بُعد بسبب شغل راشد الي كان يزور أهله كل اجازه
-
|بعد مرور ست ساعات اخيراً في ارض المملكه |
راشد: كلمت عساف يجينا ، ربع ساعه ويوصل
عبير : ياحبيبي الله يحفظه
طالعوا البنات فبعض ورف قلب موج من طاريه ، قالت عبير أنا بروح الحمام احد يروح معي؟ هزو رأسهم البنات وراحو لدورة المياه { أكرمكم الله } . عدلو البنات شكلهم وحطو الطرحه على راسهم
موج : بنت كيف شكلي
الزين : قمرر بس خلصينااا
موج: يلا خلصت
-
ف الطرف الاخر عند عساف
عساف الي طاير لشوف محبوبته الي كنسل خطبته الاجباريه من جده بس عشانه م يتخيل حياته بدون موجه ومستعد يرجع ويشرح لها ويبرر ان القلب م هوى غيرها ينتظرهم يستقرو ويخطبها من عمه .
وصل عساف المطار وتوجه لعمّه وسلم عليه وركض مؤيد يضمه وهو يضحك وسلم على خالته عبير ووقف قدام البنات و الابتسامه ماليه وجهه عكس موج الي من التوتر شوي ويغمى عليها
عساف: كيفك الزين عساك بخير
الزين : بخير دامك بخير طمني كيفها عمتي؟
هو: الحمدلله
رفعة عينها وتلاقت عيونهم ويقول فخاطره ترى الغلا نفس الغلا م تبدل طال الزمن والا قصر مغرم فيك. وماصحى من افكاره الا على صوت عمه الي يناديه: يلا يا ولدي مشينا
عساف: سم يا عم
-
مسكوا الخط وطول الطريق ياخذو علوم بعض وعساف بين لحظه ولحظه يسرق النظر ل موجه ...
-
يوم الخطبه
|قصر الشايب علي - بعد المغرب|
تجمعوا ال زايد بمجلس الشايب عدل عماد جلسته من تكلم الشيخ ، يفتح الكام يصوره فيديو
الشيخ: بسم الله نبدأ
بدأت مراسم عقد القران : إن الحمد لله نحمده ونستعينه ونستغفره، ونعوذ بالله من شرور أنفسنا ومن سيئات أعمالنا، من يهده الله فلا مضل له ومن يضلل فلا هادي له، وأشهد أن لا إله إلا الله وحده لا شريك له، وأشهد أن محمدًا عبدالله ورسوله، بعد ان انتهى من جميع المراسم وكان عمر يردد مع الشيخ وكذلك عند مازن انتهوا من نطق عمر : زوجتك ابنتي يا مازن بن تركي! ، نطق مازن بوسع ثغره قبلت هذا الزواج وقبلت بها زوجتي !
مشى اياد يرافق الشيخ من بوابة القصر بعد م ودعهم ، تقدم عماد يأخذ الكتاب لاخته ، وقف عند الباب ينطق بصوت جهوري : يمه
عبير: تعال يامك ، أختك بالمجلس ، تقدم يفتح الباب ودخل عماد يمد لها الكتاب لأجل توقع
انحنت غلا توقع عند اسمها فنفس اللحظه تعالت أصوات الحريم معلنين انتهاء توقيعها ، خرج عماد وشماغه على كتفه رفع الكتاب لمازن الي الارض م صارت توسعه من الفرحه .
مشى مازن لباب الحريم يوقف، يعد شكله رفع عينه من لمح امه ويقول: ادخل؟
التفتو الحريم على صوته وضحكت امه : تعال يا عريس!
ضحك بخفه يفتح الباب بيده اليمين ابتسم من تقدمت امه تسلم عليه ولف ذراعه يحتضنها ينطق : خذيتها يمه! الغلا صارت زوجتي وحلالي انهمرت دموعها بدون سابق إنذار من كلام ولدها وصوته المهزوز ، ابتعد عن امه يحتظن اخته نور الي كانت بدورها صاحبة عمر غلا وطول وقتهم مع بعض وكانت شاهده على مشاعرهم من البدايه .
أنت تقرأ
من يقول الزين مايكمل حلاه ، كل شي في حبيبي اكتمل
General Fictionإلى من هم منعزلين في غُرفهم غارقين في عالمهم متعمقين في القراءة بعيداً عن الضوضاء ، من يعتبرون الروايات متعتهم ، يؤمنون بان الخطاً وارد و الحب الحقيقي موجود .كثيرة تلك القصص التي سمعنا عنها واحببنا أحداثها وأبطالها ، عنتر وعبله قيس وليلى باريس وهيلي...
