ابتهج قلبه يشيك عليه يقرا تغريداتها يركز على افتارها صورة نص وجهها وبيدها قهوتها يكبشر عليه ودخل على الشات يكتب : كانك تراقبيني يالحور؟ وتبعها بـ حَي الله بنت راشد
الزين: هاه شكو! بالغلط طلعلي حسابك
دخل على الاستديو يرسل لها الصوره الي صورها توه ويكتب شرايك؟
ابتسمت تتامله تدقق بغمازاته نطقت بهمس تجنن ، وكتبت له مافهمت ايش يهمّك برأيي؟
إياد: ومين قال لك ماتهميني؟ بنزلها هنا تعرفي الشهره لها دور
كشرت من غروره تكتب نينينينني
ضحك يقول لها اصبري اوريك الغروب ع البحر و ارسل لها صور
الزين: اف يجنن بس مالي خلق انزل تعبانه
اياد : بسم الله عليك من التعب
ابتسمت وحطت له لايك مسج وطلعت ... انهوا المحادثه والاثنين ودهم تطول ودهم لو تصير العمر كله
|الساعه ٨ والنصف|
عند البنات ف الصاله كانوا يلعبوا وصوت صراخهم وحماسهم واصل ل اخر الدنيا بعدها بفتره العيال من الطفش قرروا يداهموا البنات وكان هدفهم ينكدوا عليهم بس اول م دخلوا مؤيد: وخري لنا انتي وهي بنلعب
نور: ياليل شتبون
عساف : اسكتي ووزعي لنا يالله
بدت نور تعيد وتوزع لهم والعيال وكملوا لعبهم قيم ورا الثاني وكان نظامهم ان الخسران ينفذ المطلوب انقسموا تيمين البنات والعيال ، خسر عماد وكان تحدي البنات له يقوم يرقص ، م يدرون ان هذا ملعبه ضحك عماد يوقف يربط شماغه على خصره يشغل بوزلف ل وسام وبدا يهز خصره وكتوفه على صداع جتني دوخه وكان الكل منهار على شكله وعند الزين الي كانت تصوره من بداية رقصه وهي منهاره ضحك عليه وجهت الكام على إياد الي تلثم ب شماغه ينطق : مانعرفه يبه مانعرفه ... ضحكت وطولت وهي تصوره وابتسم لها ،شتت نظرها وقفلت جوالها
جلس عماد وكملوا لعبهم قضوها ساعات بين لعب وهواش وسوالف .
| قبل الفجر بساعات |
مشى إياد يستقبل خيوله الي وصى الخدم يجيبوهم بالعربه ، فتحها يستقبل خيله رماد وبجانبه فَرسه الجديد الي كان عكس الرماد لونها ابيض يسر الناظرين... كانت فااتنه ... وكانها من الجنه، خَيلٌ و وَردُ حُسنٍ زاد بالحُسنِ حُسناً ... تعجز جميع القصائد عن وصفها ، مسك جواله يدخل رقم معشوقته الي سجلها بـ حور العين ، يرسل لها اغنية طلال مداح، ويكتب قصري بعد المسافه يا منوة الروح ، نزل جواله فجيبه ومشى بالخيول لمكانها وجلس يتامل النجوم ويفكر بالي استوطنت قلبه، وصلت معه حدها ويحس انه مصر يخطبها من ابوها ب اسرع وقت .
-
مسكت جوالها تقرا كلامه ارتعش قلبها ، تاكدت من مشاعره ! صار يحب قُربها مثل ماهي تحبه
ترددت ترد علي وبعد فتره كتبت : اعتبره اعتراف؟
ابتسم يكتب : تنزلي نشوف الشروق مع بعض؟
الزين: دقايق وجايه
وكأن قلبه الي كتب قبله : اقربي مافي قبلك ولا بعدك جليس ، انتظرك
وتبعها باغنية قربي مني شوي ، يعبر عن شعوره الي يحس انه م يقدر يوصله! ولا يوفيها!
، رف قلبها تحط يدها على فمها ماتدري وش ترد عليه ، شغلت الاغنيه تحط جوالها على التسريحه تمشي ل الدولاب تغير بيجامتها تاخذ لها هودي وبنطلون اسود ابتسامتها ماليه وجهها ...عيونها تلمع من الحب وقلبها الي تسارعت دقاته ، توقف تعدل شعرها وشكلها تسحب جوالها تنزل له ..
أنت تقرأ
من يقول الزين مايكمل حلاه ، كل شي في حبيبي اكتمل
General Fictionإلى من هم منعزلين في غُرفهم غارقين في عالمهم متعمقين في القراءة بعيداً عن الضوضاء ، من يعتبرون الروايات متعتهم ، يؤمنون بان الخطاً وارد و الحب الحقيقي موجود .كثيرة تلك القصص التي سمعنا عنها واحببنا أحداثها وأبطالها ، عنتر وعبله قيس وليلى باريس وهيلي...
