| فترة الظهر ، عند البنات |
كانوا البنات بالمسبح باستثناء البندري والزين الي داهمتهم فكرة يغيرو لونهم
البندري: بنت
الزين: هلا
غمزت البندري لها تنطق: يبيلها تان
فزت الزين من مكانها تمسك يد البندري تقومها : وقته مشينا
اخذوا التان يدهنو جسمهم يتسدحوا تحت الشمس لاجل ياخذوا لون ...
-
عند اياد الي دخل مجلس الرجال عند عمامه وجده يوقف وسطهم يقول : سلام عليكم يارجال، جايكم وعندي علم والتفت على ابوه يقول : ومن بعد اذنك يبه...
-
خلصوا البنات فعالياتهم وطلعوا للغرف ، عند عماد التفت ل العيال يقول :
يا عيال السباق قرب وابيكم معي تكفون
اياد: انت تدري ابوي وامي رافضين الفكره وليه بعدك صامل!
ضرب عساف كتف اياد والتفت على عماد يقول : ماعليك ياخوي معك معك باذن الله ابتسم عماد : يالبيييه ياخي ، بس بقت موافقة الوالد وكلكم تحضرون معي
جلس عماد يفكر كيف ممكن يقنع ابوه وامه! كيف يخليهم يحضروا
|يوم جديد|
صباح يوم جديد ف الشاليه ... صباح الروح بكل احساسها ،الحُب يتجدد ! الشوق يزيد ! واللقاء حان...
الهواء عليل، الشمس بارده وصوت الموج كان خير صباح يبتدو فيه ، متجمعين حول بعض على الشاطي يتناولوا فطورهم ...
عساف: يمه صبيلي شاي ، التفت على خاله راشد الي نطق: قم بنفسك
مدت له موج الشاي وابتسم يناظر عيونها : تسلمين
اما عند بطلنا اياد اللي كان يدورها من بين الكل ولا لمحها استغرب هي وين ! وليه مانزلت تفطر !
نطق راشد يقول: موج يمه وين اختك؟
موج: ف المطبخ تسوي قهوتها وقالت م تبي تاكل
وقف اياد وقال: الحمدلله شبعت ،بالعافيه عليكم
ضحكت موج تغمز له وانصدم من حركتها والتفت على جده الي نطق: على وين
إياد: بطلع انام ياجد
مشى اياد ل المطبخ وقف قدام الباب يتاملها تجهز قهوتها وتتمايل تغني مع ورده :
بحبك والله بحبك
والله والله والله بحبك
تقدم لها من غير م تحس عليه حاوط خصرها يلفها له ،بلعت ريقها من قربه : إياد
مد يده لشفايفها من نطقت اسمه ورّكز كله نظره على شفايفها ،توسطت يدها صدره تبعده عنها : تراك م تحل لي انتبه
ضحك يوقف يمينها يشوفها تكمل قهوتها وده يصارحها انه كلّم عمه بس ماوده ...
~قبل يوم ، عند الرجال~
اياد: بعد اذنك يبه ، واذنكم جميع نطق : انا الي م هقيت الهوى ضاع عقلي وفكري مني ! انا إياد بن عمر رغم خوفي وحذري من الحب ،جربته! انا الصحراء ! سمائي امطرت. التفت لعمه يكمل حديثه: ياعم انا طالب يد بنتك وكريمتك الزين على سنه الله ورسوله . التفت راشد على عمر الي صعّق من الي سمعه وبان ان ماكلن عنده علم اصلا .
نطق الجد علي ب ابتسامه: ماشاءالله خير من اخترت يا ولدي ، وماظني عمك يمانع
راشد: لا حشى ابدا خير نسب واغلاه ، بس الشور للبنت
ابتسم اياد من طاريها ونطق عمر: من حقها ...
نرجع ل الحاظر عند الزين الي نطقت: ليه جيت؟
اياد:قالو انك تزينن القهوه وجيت اخذ قهوتي اكيد م نسيتيني
الزين : لا توثق كثير مره ثانيه
بعد لحظات مدت له كوب : تسلم يمينك ياحور عيني ، ودعتك الله
-
اخر يوم بالاستراحه مستعدين لعودتهم ! مسكوا طريقهم راجعين ل القصر ب استثناء راشد وعياله ، الي اخذو لهم بيت مجاور ل القصر لاجل ياخذوا راحتهم اكثر ويستقروا فيه .
أنت تقرأ
من يقول الزين مايكمل حلاه ، كل شي في حبيبي اكتمل
General Fictionإلى من هم منعزلين في غُرفهم غارقين في عالمهم متعمقين في القراءة بعيداً عن الضوضاء ، من يعتبرون الروايات متعتهم ، يؤمنون بان الخطاً وارد و الحب الحقيقي موجود .كثيرة تلك القصص التي سمعنا عنها واحببنا أحداثها وأبطالها ، عنتر وعبله قيس وليلى باريس وهيلي...
