وصلوا المستشفى ورجله م تشيله شعور غريب يداهمه ، وبداخله يحوقل ويدعي ان فرحته تتم بضناه الاول . وقفت من سمعت اسمها تدخل الغرفه وتبدا فحوصات ....
هلت بشاير الخير عليهم وكانها سحابه امطرت ،ارتعش قلبها من بَشرَتها الدكتوره بحملها .
الدكتوره : مبروك انتي حامل ، الله يتمم عليك ولازم تنتبهي اكثر
التفتت على مازن الي اصر يدخل معها ، تشوف فرحته من تقدم لها يحتضنها بضحكه ، يمسك يدينها ينطق: بصير اب ياغلايي !
-
|نرجع للواقع |
متجمعين حول بعض والفرحه تعم قلوبهم قبل المكان ، نطق الجد علي: ماشاءالله الفرح حولنا من كله جهه وجعلها دايمه علينا ، عيالي حولي، وحفيد ولدي بالطريق و دكتورتي بتحقق حلمها .
ابتسمت البندري الي كانت المقصوده! ولطالما كان حلمها من الطفوله بانها تصير دكتوره ،وتحقق حلمها من نزل القبول قبل ايام ، اما عند ابو راشد الي نطق : وابشركم ابنتي موج جوها خطاب ،
فز قلبه يرتجف يرَكز كل نَظره عليها ! شتت نظرها مو مستوعبه شي جدها حطها بالامر الوقع وهي م عندها علم حتى التفتت على ابوها الي نطق : متى صار ذا يبه؟ ومن ولده ؟
ابو راشد : كلموني انا يابوك والرجال و النعم فيه و بهله.
راشد: يصير خير ونشوف راي البنت .
ابو راشد بنبرة غضب : البنت مالها راي على جدها وابوها ، كفايه دلع يا راشد ! محد مخرب عيالك كثر دلعك هذا ! التفت على عمر الي نطق: تعوذوا من ابليس ويصير خير .
طلع عساف من المجلس بعجله ، اخذ مفتاح سيارته يتهرب يحرر ضيقته ويحس الدنيا كلها بصدره ، لحقه إياد الي كان يدري ان عساف يحب موج ويبي يخطبها .
ركض خلفه يحاول يلحقه : ولد دقيقه اصبر
عساف: إياد تكفى مب وقتك خلني فحالي
تقدم له اياد يمسكه من كتفه يلفه له : انا ماخليتك بعز مشاكلنا تبي اخليك الحين!
عساف : طيب بقعد لحالي من ارتاح بكلمك
اخذ المفتاح من يده يتقدم لباب السائق يركب ويلتفت على عساف : اركب
ما اعترض وركب يمينه مايدري وين الوجهه بس كل همه الكلام الي سمعه قبل شوي.
-
بعد ما رجع الكل لبيته طلعت الزين لغرفة اختها تشوفها بوسط دموعها تتقدم لها ترفع راسها: ليش يماما ليش البكى !
موج بنبره بكى: طلع متضايق ولا ادري عنه شي ! وسمعتي جدي وش قال من رجعنا ، ياخي م ابيه مو غضب ماابي اتزوج واحد م احبه !
الزين بربكه : اهدي بسم الله عليك
موج: عساف كان واعدني يخطبني والله يبيني وابيه .
الزين : صدقيني لو يبيك ماراح يخليك اهدي انتي وانا بكلم اياد عنه.
- |قدام البحر |
منحني وحاط يده على راسه يفكر بمصيبته وكيف بيحلها ، رفع راسه يلتفت على رفيق ضيقه قبل فرحه : كنت ناوي أخطبها الايام ذي م دريت ان في احد سبقني !
تحس انها راضيه؟ تبيه صح؟
إياد: انت شفت ابوها؟ واضح ان حتى هوه مب موافق فكيف هي!
مسك عساف راسه ونطق بصوت مبحوح: احس قلبي بيطلع من مكانه مو قادر استوعب شي!
.
ابتعد عنه بعد م وصله اتصال منها يتركه يفكر مع نفسه يمسك جواله يرد عليها : لبيه يا اجمل بنات الناس؟
ابتسمت ترد عليه : لبيت حاج يا حبيبي
إياد : امريني بغيتي شي ؟
الزين: إياد كيف عساف؟ موج منشغل بالها عليه وابلشتني بحبيبها
ضحك يتنهد ويقول: والي عندي قالب الدنيا وضايق ، مفضوحيين ذولا
الزين: لا تسوي طالع منها تراك مفضوح اكثر منه .
-
|بعد مرور شهر |
أنت تقرأ
من يقول الزين مايكمل حلاه ، كل شي في حبيبي اكتمل
General Fictionإلى من هم منعزلين في غُرفهم غارقين في عالمهم متعمقين في القراءة بعيداً عن الضوضاء ، من يعتبرون الروايات متعتهم ، يؤمنون بان الخطاً وارد و الحب الحقيقي موجود .كثيرة تلك القصص التي سمعنا عنها واحببنا أحداثها وأبطالها ، عنتر وعبله قيس وليلى باريس وهيلي...
