بليوم شكد يبدل فات من يمي كتله دكتور صد عليه وصارت عيونه على القيطان مال خصري ثواني وشتت نصره كال هممم كتله ليش صفرتني كال ليش تغشين ؟ كتله والله ما غاشه بس هيه طلبت مساعده ودا ساعدهه النبي محمد وصاني بلتعاون والمساعده رفع حاجب وكال الغش طلع تعاون ومساعده طلعت ظالمج حقج علي كتله اي والله انت واحد ضالم وشايف نفسك كلش و...... وانتبهت ع نفسي شداخرط رفعت عيني عليه لكيته خازرني وينتضرني اكمل عضيت شفتي بفشله كتله احم دكتور متعيدلي الامتحان بعد ماغش كال تؤؤ واجه مصطفى شافنه جان يصوفر خزره ابو الاكبر كال شلونج أم الفوف كتله هلاو ابو الصوف ضحك وكال حبيت وضحكت وعفتهم مر شهرين على وجودهم ومصطفى كلش حباب بس العقده شايف نفسه ويضوج اذا احجي ويه مصطفى يكول لتاخذين اخوي بلسانج سوالفجن حافظهه وكم مره يفشلني ومره چنه واكفين ع الدرج دننزل جان اعثر ويلزم ايدي مصطفى والله جاب ابو الاكبر جاي من برا صاعد الغرفته باوعلي مستهزء وفات من يمنه جان مصطفى يحضنه
و غمزلي ماحس الا ابو الاكبر اتخبل على مصطفى ودفعه منه وصار عصبي فاركته جم مره كايلك لتلزمني هيچ اررررعن ضليت مصدومه ومصطفى يضحك وما مهتم
العصبيته وابو الأكبر صعد لغرفته ويفتح بدكم قميصه استغربت شبي عكدت
حاجبي وباوعت لمصطفي وهزيت راسي شبي ضحك وكال ميحب احد يطخه لو
يحضنه يتخبل هو قميصه يبقه على جسمه 4 ساعات بلزايد ويذ به ميتحمل
ضليت مصدومه اكول ع الدرج ويفتح بي مستعجل وكل شويه نازل بقميص
جديد . ف مر شهرين ع هذا الوضع واليوم رجعت من الدوام تعبانه راسي
يفتر وبطني بيهه تقلصات لكيتهم كلهم كاعدين في اخذت كرار من مصطفى
وصعدت في دا صعد نزل ابو الاكبر شفته 4 مو 1 احس روحي راح اوكع الزمت
الحايط وكرار شايلته انتبهلي كال شبيج اشرتله راسي يفتر اجه اخذ كرار مني وكال
امشي ارتاحي بلكوه مشيت وصلت للغرفه خله كرارع الجربايه وطلع واني كيل
ذابيت شالي ورفعت شعري حاره ودافتح بدكم قميصي صديت ع كرار لكيت ابو
الأكبر واكف انهبطت هبطه احس حته الدوران راح كتله انت من شوكت هنا
متستحي مو عيب عليك شهلتصرفات انت مو دكتور واعي ومثقف شغليت
للبقيه هز ايده وكال تقنعيني ما متقصده كبالي تن... طفرت عليه دفعته كتله
اسس شهلسوالف هاي شهلتفكير المنحط اذا بينتك العشت بيهه و تربیت و كبرت
هیچ ف اني مو مثلهم اخاااف الله واعرف الحلال والحرام حرام عليك تطعن بيه
الله كال كلشي ولا قذف المحصنات خاف ربك ودموعي نزلت وايدي لازمه قميصه
واهز بي وهو صامد حايط ماهتز واكف لزم ايدي ولواهه وره ضهري وجع ايدي
وجع ضهري ومن الصبح ما ماكله شي عيوني صارت تغمض وتفتح انتبهلي و......
