بـَسِم أَللّٰة أَلـࢪَحـمٰن أَلـࢪَحَـيمْٓ
نزلت وصارت الانضار كلهه عليه كملو عركتهم والاصوات والحجي اشكال المحني
ابو الاكبر كبل خزرني واجاني سحبني من ايدي وصعدني الدرج واني ما فاهمه شبي متخبل وينفض من العصبيه كتله ايي شبييك عصر ايدي وكال ملابسج دماااااغ سززز باوعت لنفسي وركضت لغرفتي ممنتبه ع ملابسي من الفزه جنت لابسه دشداشه جوه الركبه بشويه وشويه دلع * وضل بالي شلون تفض وكل شويه الاصوات تقل وتزيد ساعه وصار هدوء بدلت ونزلت لكيتهم كلهم بس ابو الاكبر ماكو كلت لمامه شصار ليش جايين عمو كال تعالي بنتي اكعدي هنا واشر بمكان قريب منه رحت كعدت خله ايده ع جتفي وكال ذوله عمامج تعرفين موج كتله اي عمو كال وتعرفين عدنه بمجتمعنه البنيه لو يم ابوهه لو يم عمامهه كتله اي كال يبويه هذا البيت بينج واخليج ع راسي واذا ما تاخذج الكاع بعيوني كتله تسلم عمو والله ما قصرت ابد کال یا بنیتی عمامج هسه رايديج ويطالبون بيج وميمشون بلقانون يمشون بلعشاير ومو من حقي اخليج يمي اذا جابو عشيرتهم ويا اهم الحك انتي بنيتهم دموعي نزلت لان عرفت عمامي يردون ياخذوني يمهم كتله عمو اعرف لازم اعيش يمهم بس وماما وكرار شلون كال اتفاهمنه بخصوص كرار يبقه يم امج لان بعده صغير و همه ماهامين بلولد وين ميعيش بكيفه اهم شي عدهم البنيه اتفهمت الوضع ومسحت دموعي كتله تمام عمو فهمت همه شوكت يردون ياخذوني كال الاسبوع الجاي وباس راسي عفتهم ورحت لغرفتي روحي انطحنت طحن هسه متذكرين عدهمممم بنيهه وين جانو من جنت بحاا اجتهم ضليت الاسبوع كله بلبيت مالي واهس اداوم وابو الاكبر مالتقيت بي ولا حاولت ماعرف ليش بقيت مكابله كرار اريد اشبع منه واجه اليوم اليردون ياخذوني خوالي ف اجو خوالي ودعتهم كلهم وبوست مامه وكرار وعيوني تدور ابوالاكبر اريد عيوني تشبع من طوله ومشيته وعيونه السود ونضرتهن ردت يخزر بعيونه اخر مره علمود احتفظ بخزرته الاخيره بس جان طالع و ماشفته رحت لبيت عمي الجبير اخذني وعرفني على بناته ومرته مثل ماكالو (سيماهم في وجوهم مارتاحيتلهم ابد فوره فتره نزلت عمي ابتسملي وضل يحجي ع دراستي وهاي الامور مانطيت وياهم بلكلام لان ماعرف همه شنو ف وره اسبوع داومت عمي كال يوسف يوديج ويجيبج ما نأمن بخط احنه وصار يوسف يوديني ويجيبني يحجي وياي ارد عليه عادي وهو كلش حباب وثكيل ماحسسني غريبه عليه في دخلت القاعه ومنتضرين ابوالاكبر لان محاضرته في دخل ابوالاكبر سلم وعيونه تدور ع احد اخر شي استقرت عليه ثواني وشتت نضره وشرح المحاضره وطلع وضل طول المده هيج احسه يتأكد اني موجوده لو لا ف من كمل الدوام
طلعت جان ابو الاكبر ويوسف .....
