بـَسِم أَللّٰة أَلـࢪَحـمٰن أَلـࢪَحَـيمْٓ
شهكاتي علت هو حسيته جان فاصل فز على شهكاتي ودموعي البللت خده رفع راسه يباوعلي مصدوم نزلني ع الكاع ورفع ايده ترجف وخرت شعري الازك على خدي على اثر الدموع همس ليش تبجين ويباوع لعيوني يدور جواب ما نطقت ولا حرف عيونه احتقنت وسألني مره ثانيه ورادني احجي شي بس باوعتله وما حجيت شنو احجيله شكله اورطه ويه عمامي شرانيين ويأذوني بكرار هو طول بنضراته عليه افتهم لان اتقرب عليه دابجي افتهم ماريد قربه رفع ایده دیخليهه ع جتفي واتراجع خطوات ليوره كال وهو مسيطر على اعصابه كوه اهدي اهدي امسحي دموعج وعد بعد ما طخج هاهيه لتبجين وتعبيني فوك تعبي افنان وشهكاتي تعله ويه كل حرف يكوله اريد اكله اني احبك والله روحي بيك بس ماكدرت اصير انانيه ونهايتنه معروفه شاف وضعي وحالتي كال بتعب وعيونه الجمر ورجفه ايده الواضحه وصدمته بحالتي وضعه اتخربط وباوعلي مفرفح ميريد يستوعب الباله كال بتعب بس لا تبجين دموعج اهواي عليه واخت السبع کلامه عصر كلبي وروحي راحت بجيت بصوت وهو تسودن همس بروح رایحه ماد نالج بعد لو روحي بيج وطلع بجيت بجي مانسا طول عمري وكلبي ينغز بيه وجع والم بي موطبيعي روحي حسيتهه د تطلع واجر النفس جر شفت كلنس جريته وسحبت عطره ورشيت عليه علمود من ارجع لعمامي استنشقه يصبرني علی فراگه طلعت من غرفته اجر بروحي ورجعت لغرفتي كبل نمت وبالي يمه راسلت مصطفى كتله عينك على ابو الاكبر فدوه ثاني يوم الصبح اجاني يوسف رجعني للبيت لان كرار صار زين وطول الطريق يباوعلي بقلق ويسألني شبيج ليش عيونج مورمه كرار بي شي كتله لا زين وضل يسأل كتله مابيه شي ماقتنع ف رجعت للبيت جدو صاحني كال شقررتي سكتت كال اجيب كرار هناا وتعرفين بنسوان عمامج شلون يكرهنج شحال لو اجه كرار تتوقعين يخلنه عايش اسبوع واحد شهكت وكتله شتقصد رفع اكتافه بعدم مبالاه وكال براحتج جدي وجر جهازه يريد يخابر كتله لا جدو موافقه ابتسم كتله بس ممنوع تهددني بكرار بعد کال متردين تعرفين العريس منو كتله ميهمني كال يوسف رفعت راسي مصدومه يوووسف كال ممنوع تبينين كباله مجبوره و متردي ساعتهه اخلف الاتفاق ومتشوفين الا اخوج بهذا البيت وكدام عيونج تشاهدين عذابه کتله ليش تخاف منه كال هاي الامور معليج بيهه الاكلج عليه سوي وباجر الخطوبه مالتكم عفته ورحت مالي حيل اتناقش ويا والاحساس بداخلي احسه ميت صارت الخطوبه مالتنه ومحد بينه فرحان لا اني ولا يوسف ولبسنه حلقات والكرايب كلهه موجوده يضحكون وفرحانين استغربت فرحتهم مرت فتره وقرر جدو العقد والزفه بنفس اليوم ليش مستعجل مدري المهم قبل ليجي الدوام ......
