بـَسِم أَللّٰة أَلـࢪَحـمٰن أَلـࢪَحَـيمْٓ
و عيونه احتقنت كلهه سوده والبياض نصه احمر كال برجفة واضحه بصوته سوالج شي؟ ما جاوبت فاصله عنه رفع شعري صارت عيونه على ركبتي وقميصي غمض عيونه بغضب وحضني لصدره قوي يريد يدخلني بكلبه همس اذا طاخج اكص راسه واخت السبع رفع راسي بأيده همست ماسوالي شي ودفنت راسي بصدره ابجي ماريد كلشي ماريد افكر اريد بس ارتااح ربع ساعه مخليني براحتي ع فد وكفه روحي صارت بأبو الاكبر لازمته بقوه ارجف همس افنان مره مرتين مابيه حیل ارد رفع راسي من صدره وكال اسمعيني كلشي ماصار تنسين كلشي هنا حته اقرب صديقاتج متحجيلهن خووش هزيت راسي خله عيونه بعيوني ورتب قميصي وجاب الشال خلا على شعري شفايفه صارت على كصتي باسهه ولزم ايدي وطلعنه فتح الحمامات وكال رتبي روحج وطلع ينتضرني بلباب عدلت شالي ورتبت قميصي واني مالي نفس بنطروني مترب مسحته بلمي وطلعت لكيته ديخابر مدري منو منطيني ضهره كال بعصبيه تعال اخذ ابن عمك وانت ساكت اتلاحكله وكل لعمامه صوت ماسمعلهم بس يوصلني حرف لو يوصلهه اسويهه دم تردوهه قانون اخيسكم بلسجون تردوهه عشاير عد عينكم اسحل اكبر شيخ عدكم وشيوخكم تعرفني ميحتاج بس كللهم ابوالاكبر وخليهه بأذنك انت عرضت بعيني جان دفنته وهو عايش وخليتكم بحسره كبره والا وعيونهه مثل ما بجت ابجيكم دم دموعي نزلت و كفته وياي ما نساهه طول عمري فعلاا صارلي سند اتحمحمت وهو التفت الي سد الجهاز بسرعه كال شلون صرتي همست الحمد الله مدلي ايده صفنت بيهه بلاخير مديت ايدي لزمهه ونزلنه جانت الكليه فارغه ولا طير بيهه بس الامنيه وبلبنايه الثانيه ركبته السيارة وطول الطريق ساكتين وصلت البيت صعدت لغرفتي حته كرار ماشفته كبل شمرت روحي ع الجربايه حاولت انام ماكدر عقلي يفكر بلصار كله ساعه واني احاول سحلت روحي وكمت للحمام سبحت وغسلت روحي ميت الف مره وبدلت وطلعت مددت انام الافكار تحاربني بقيت كاعده لليل فتحت الغرفه ورحت للمطبخ لكيت مصطفى وكرار ياكلون كعدت بدون كلام اكلت وكمت مصطفى مدري شحجه وياي كتله عادي تبقي كرار يمك هلفتره كال بعيوني ورجعت لغرفتي اتصفحت بجهازي بلكي انسه وتروح الخوفه مني شويه طفيت الضوه خفت بقيته مفتوح ومددت بقيت للصبح اتكلب و ماداومت بقيت هيج 3 ايام وجهي صار اصفر كرار مادري بي ولا واحد شايفته حاولت اقره والهي نفسي عقلي ميستوعب مامه صعدتلي مرتين سألت عني كتلهه تعبانه ما مجاوبه بلامتحان اخذي كرار يمج هلفتره اقره ماکالت شي واقتنعت ف بلليل كاعده وحدي مثل الليالي الفاتت الا وجه الصبح انام اتذكر حدث حدث واحس مؤيد قريب مني وساعه الساعه يعيد السواه وجهه بعيوني
ف كعدت ع القنفه واخذت جهازي الهي روحي بي اندك الباب.......
بنات شاࢪڪوا القصة ࢪجائنً 🥹🎀✨.
