سبعة × سبعة

الفصل الخامس

سيد الاستغفار:اللهم أنت ربي لا إله إلا أنت خلقتني وأنا عبدك وأنا على عهدك ووعدك ما استطعت أعوذ بك من شر ما صنعت أبوء بنعمتك علي وأبوء بذنبي فاغفر لي فإنه لا يغفر الذنوب الا انت.
*******************
تقف في المطبخ تصنع الكيك ومندمجه معه لتجد صوت يناديها بلقيس/ تولين...يا بت يا تولين.
تولين وهي تزفر/ عايزا ايه ؟
بلقيس وهي تلوي ثغرها/ وهعوز منك ايه يا ختي؟ براء بيرن عليكي.
تولين وهي منشغلة بالكيك/ طب هتيلي التليفون.
بلقيس وهي تخرج من المطبخ/ ماشي.
تولين بمزاح/ لقيتي طرحتك يا بلقوسه.
بلقيس ويدها في خصرها/ ايه بلقوسه دي انا اسمي بلقيس ومتجوديش لو سمحت،واه يا ختي لقيت الطرحه أومال إزاي بتمختر في البيت وفي ناس كدا؟
تولين وهي تضحك/ بهزر يا بلقوسه يا جميل.
لم ترد عليها بلقيس من غيظها وذهبت لتأتيها بالهاتف،والفتيات بالطبع وأولهم جود خرجوا من الغرفة،اخذت تولين الهاتف.
تولين/ الو يا براء.
براء من الجانب الآخر/ انا هاجي هحضر قرايه الفاتحه واخدك.
تولين بإستغراب/ مش انا قولتلك تعالى قولتلي عندي شغل يا تولين وكنت بتتقل.
براء وهو يتجاهل كلامها/ خلي حد يفتح الباب انا جيت.
تولين/ ماشي.
في الخارج كان الجميع يتكلم في مواضيع مختلفة بينما بلقيس جالسه على نار ستحرق كل من يكلمها فها هي رأت الذي جعلها تولول مثل النساء الكبيرات طوال الليل.
بينما ضرار لا يفهم ما الذي جاء بهذه الفتاة في هذا المنزل يقسم أنه سوف يقتلها بهذه النظرات.
وعند جود كانت تجلس وهي لا تعلم إذا كانت مجبورة ام لا هي حقا لا تفهم ماذا يحدث ولكن يعجبها أن أحد يريدها واخترها.
وآصف كان يلاحظ الحيرة والخجل في نفس الوقت على وجهها كان يريد الضحك فهو يعلم أن كل عريس يأتي لها ترفضه إلا هو وهذا ما يجعله متأكد انها تريده.
بينما اميره وحياه ووالدة آصف التي جاءت بعدهم كانوا في عالم موازي،بينما والد تذكار و والد آصف و والد جود إندمجوا كثيرا مع بعضهم البعض.
وزيدون يجلس مع راجحة قلبه في عالم آخر بعدما استأذن من الجميع أن يخرج من هذا المجلس قليلاً.
وتذكار لا تعلم ماذا تفعل فكانت تذهب عند تولين واحيانا تجلس معهم.
ومهد يجلس بجانب ضرار لا يعلم أن في هذا المنزل توجد هذه الوردة الجميله التي تنبت هنا وهو سوف يقطفها من هنا في اسرع وقت.
دق باب المنزل ليخرج زيدون يفتحه ليجد أمامه براء،رحب به ترحيب حار فهو بالطبع يعرفه ولكن معرفة سطحية قليلاً،دخل براء وزيدون المجلس ليقلي براء عليهم جميعاً السلام.
اميره بفرحة شديدة/ إزيك يا حبيبي عامل ايه؟
براء بإبتسامة هادئة/ إزيك إنتي عامله ايه واخبارك ايه ؟
حياه بمزاح/ اهيه كويسه يا خويا المهم والدتك فين مجبتهاش ليه؟
براء بهدوء/ تعبانه شوية بس بتبعت ليكم السلام.
حياه وهي تضرب اميره بخفة/ ابقي تعالي يا بت يا اميره نشوف إيمان.
براء وهو يوجه كلامه لجود و آصف/ ألف مبروك ليكم ربنا يتمم ليكم على خير.
آصف بضحكة/ الله يبارك فيك.
جود بإبتسامة/ تسلم يا براء.
براء/ أتمنى مكنش اتأخرت وتكونوا قراتوا الفاتحه.
مهد وهو يعدل جلسته/ متأخرتش ولا حاجه دا لسه القعده الحلوه في بدايتها.
ضرار بمرح/ الظاهر كدا إن في حد هنا هيدخل الشله بتاعتنا.
براء بمزاح/ يشرفني ويسعدني أن أدخل في هذه الشله الكريمة.
تدخل تولين وفي يدها طبق مملوء بقطع الكيك وتقول بمرح/ انا جيت.
براء وهو يأخذ قطعه ويقول بابتسامة ونظره غريبة عليها وهمس هي فقط من تسمعه/ نورتي المكان كلوا.
لم ترد تولين عليه وأخذت تعطي الجميع منه وتعرفوا جميعا على بعض وبالطبع قرأوا الفاتحه،ولكن آصف طلب من والد جود أن يلبسها الخاتم اليوم.
والد جود/ والله يا بني القرار دا يرجع لجود واللي تقولوا ننفذوا.
نظر آصف تجاهها ينتظر منها رد لتقول هي بهدوء شديد/ انا عايزا افرح يا آصف.
آصف بإبتسامة مليئة بالحب/ وانا اكيد هفرحك وعد مني هعملك فرح تفرحي بيه شهر قدام.
جود والخجل تمكن منها فقالت بصوت خافت عكس ما كانت تتكلم به / وانا موافقة.
ضحك الجميع على خجل جود وضحك آصف بصوت مرتفع على ما حدث مما جعلها تخجل أكثر، لتقول بلقيس بغيظ/ ما خلاص يا جدعان حرام عليكوا البت بتتمنى الأرض تنشق وتبلعها.
وكأن الكلام كان موجه لضرار ليرد هو/ هو حضرتك اللي خجلتي عينتك محامي ليها.
بلقيس ببرود مستفز/ ياريت حضرتك تخلي مناخيرك جوا وشك ومتحشرهاش بين الناس.
نكزتها جليله بقوه.
ضرار بغيظ شديد/ ياريت الكلام دا تقوليه لنفسك.
هنا وشعر آصف أنهم يجب أن يذهبوا.
لتقول بلقيس بعصبية/ التزم حدودك ياض انت.
اميره وهي تحاول تهدئة الموقف/ بس يا ولاد شيطان ودخل مبينكوا استعيذوا بالله يا ولاد.
كان الجميع يأخذ الموضوع بضحك ولكن ضرار وبلقيس كانوا يستحلفون لبعضهم البعض،ألبس آصف جود الخاتم فقط كي يطمئن،وذهبوا جميعاً بعد وقت ليس بالقصير.
ـــــــــــــــــــــــــــــــــــــــــــــــــــ
"يعني حضرتك هتفضل متحفظ عليا لحد امتى"
قالتها شادن بعصبية شديدة.
آبان بعصبية مماثلة/ لحد منعرف مين اللي قتل البنت.
شادن وهي تلوح بيدها/ طب انا معنديش مكان هنا.
آبان بهدوء/ هدورلك على مكان.
شادن بتذكر/ طب عايزا اعمل مكالمة.
آبان وهو يعطيها هاتفه/ إتفضلي.
شادن وهي تمسك الهاتف ثم تبدأ في البكاء مرة أخرى.
آبان بفزع/ في ايه تاني؟
شادن وهي تبكي/مش فاكره رقم اي حد من اهلي.
آبان وهو يفكر معها/ طب مش فاكره رقم أختك.
شادن وعيناها مليئة بالدموع/ معنديش اخوات.
آبان وهو يهدئها/ ولا اصحاب.
نظرت له شادن بتذكر/ إنت تعرف إنك ذكي اوي.
آبان وهو يرجع للخلف /دا شئ بديهي.
شادن وهي تكتب الارقام على الهاتف وتتمتم في نفسها/ مالوا شايف نفسه كدا ليه دا؟!
آبان بعدم فهم/ إنتي قولتي حاجه ؟
شادن بإبتسامة مصطنعة/ يعني هقول ايه يعني.
ظلت تكتب بعض الارقام،ثم وضعت الهاتف على أذنها.
ــــــــــــــــــــــــــــــــــــــــــــــ
يقفوا في المطبخ أمام فيديو يحفظون منه المقادير.
راجحة وهي تنظر للفيديو/ عندنا دقيق.
زيدون وهو يبحث في ادراج المطبخ/ اه موجود.
راجحة وهي تغلق الفيديو بملل/ انا تعبت اوي لازم يعني نخترع النهاردة.
زيدون وهو يضحك من طريقتها/ والله هتبقى حلوه تفائلي خير.
راجحة وهي تفتح الفيديو مرة أخرى/ يعني شوفتني قولت هتبقى وحشه.
جلس الإثنان على أرضية المطبخ يشاهدوا الفيديو كأنهم في درس ما،كان زيدون يدون ما تقوله راجحة حتى انتهوا من الفيديو.
قام الإثنان من الأرض وبدأ بتحضير كل شئ أمامهم،لأن وببساطة شديدة زيدون كان يريد حلى شهي ومختلف فأقترحت راجحة أن يأتوا بوصفه كوريه وها هم يحضرونها.
زيدون وهو يضع الدقيق في الوعاء/ هي قالت كوبايه دقيق ولا نص كوبايه دقيق.
راجحة بإستنكار/ أومال كنت بدون ايه؟
زيدون وهو يمسك الورقة/ حاسس إني مكتبتهاش.
راجحة وهي تفكر/ اعتقد كوباية.
زيدون بشك/ متأكدة.
راجحة وهي تسند يدها على المطبخ/ حطها وعلى بركة الله.
زيدون وهو يسكب الدقيق/ توكلنا على الله.
قام بعدها بوضع باقي المكونات والإثنان يجلسون على أرضية المطبخ مرة أخرى ينتظروا الحلوى في (الفرن).
راجحة ويديها على خديها/ هي طولت كدا ليه ؟
زيدون بجانبها بملل/ مش عارف...افتح اشوف مالها.
راجحة وهي تنظر له/ تشوف مالها في ايه، مش المفروض الست اللي في الفيديو تكون قالت.
زيدون وهو يأخذ الهاتف/ خلاص تعالي نشوف.
فتحوا الفيديو ليشاهدوا المده التي تستوي فيها الحلوى فكانت ربع ساعة.
زيدون وهو يغلق الهاتف/ إحنا سبناها عشر دقايق زيادة.
راجحة وهي تفتح الفرن لتأخذها/ استر ياللي بتستر.
وها هم يجلسون أمامها يأخذون القطع المتاحة اكلها.
زيدون وهو يقطع قطعه صغيره/ والله عيب اللي بيحصل دا، يعني نقف اكتر من ساعه ونص في تحضيرك عشان في الاخر ناكل حته ونسيب حته.
راجحة وهي تأخذ قضمه في فمها/ بس والله طلعت حلوه.
زيدون وهو يأخذ قضمه في فمه/ يلا اهيه تجربة مش فاشلة قوي.
ضحكت راجحة بشدة ثم طبطبت عليه/ شكرا يا زيدون.
زيدون وهو ينظر لها بإبتسامة/ شكر على ايه إنتي تستاهلي كل حاجه حلوه، ثم قبل جبهتها.
لتقوم هي في حركة مفاجئة بإحتضانه بشده.
ليبتسم زيدون ويمسد على رأسها.
ـــــــــــــــــــــــــــــــــــــــــــــــــــــــ
تمسك هاتفها تتفحصه بملل شديد لتجلس بجانبها والدتها.
حياه وهي تبعد عن جبينها بعض قطرات العرق/ بتعملي ايه يا بت إنتي.
تذكار وعيناها مثبته على الهاتف/ يعني هكون بعمل ايه ماسكه التليفون.
حياه بتذمر/ ربنا ياخد التليفونات اللي اخدت عقولكوا.
تذكار بصدمه/ انا عملت ايه يأمي لسه واخدا حالا.
حياه وهي تسند على ابنتها لتقوم/ هشوف الأكل استوى على النار ولا لسه.
تذكار/ ماشي بس متنسيش.
وقاطع كلامها رنين هاتفها برقم غير معروف.
حياه وهي تنظر للهاتف/ رودي شوفي مين.
تذكار/ بس انا مش بحب ارد على ارقام غريبة.
حياه وهي تلوي ثغرها/ رودي يا حبيبتي يمكن يكون حد من صحابي انا.
تذكار بتذمر وهمس خافت/ يعني اصحابك ايه اللي هيجبهم عندي؟
حياه في المطبخ/ بتقولي حاجه يا بت يا تذكار.
تذكار وهي ترد على الهاتف/ مبقولش حاجه.
تذكار والهاتف على أذنها/ السلام عليكم مين معايا.
على الجانب الآخر بلهفه شديدة/ تذكار... تذكار معايا.
تذكار وهي تعدل من جلستها/ مين معايا.
صوت لهفة يخالطه بكاء/ انا شادن يا تذكار.
تذكار بفرحة/ انتي فين يا بت إنتي ...روحتي فين؟
شادن وهي تبكي/ انا في مصيبة ومش عارفه أخرج منها.
تذكار بصدمه/ مصيبة؟ مصيبة ايه دي؟
شادن وهي تحاول الهدوء/ انا في الفيوم عايزا حد يجيلي وبعدين ابقا احكيلك.
تذكار وما زالت على صدمتها/ فين في الفيوم.
شادن بهدوء شديد/ في قسم الشرطة.
تذكار وكأن صاعقه ضربت رأسها/ نعم يا ختي.
ــــــــــــــــــــــــــــــــــــــــــــــــــــــ
آصف وهو يضحك/ خلاص بقا يا ضرار متكبرش الموضوع كدا.
ضرار بغيظ شديد/ انا يتقلي مناخيرك تبقى في وشك.
مهد وهو يمسك معدته/ خلاص يا ضرار عيله وغلطت متعملش كدا.
ضرار بعصبية/ انا مش عارف البنت دي موجوده في كل مكان ليه؟
آصف وهو يحاول تهدئة أخيه/ أهدى يا حبيبي ومتعملش في نفسك كدا.
نظر له ضرار بإستنكار/ معملش في نفسي ايه يا آصف.
آصف وهو يشرح له/ تهري وتاكل فى نفسك.
مهد وهو يقوم من مكانه/ انا قايم اتوضي وهصلي هتصلوا إنتوا كمان؟
آصف بهدوء/ هنقوم نتوضا بعدك .
ضرار بتذكر/ صحيح النهاردة على صلاة الفجر هنشوف براء في المسجد اصلي اتفقت معاه نتجمع كلنا في المسجد.
مهد وهو يترك المكان/ تمام ماشي.
ــــــــــــــــــــــــــــــــــــــــــــــــــــــ
يدخل المكتب بعصبية ويغلق وراءه الباب ويجلس على اريكه بعيده قليلاً عن المكتب ويغمض عينيه وانفاسه متسارعة بشده.
آبان وهو يقوم من مكانه ليجلس على الأريكة/ إنت كويس يا صهيب؟
صهيب وهو على نفس الوضعية بصمت يعطي ملف لآبان.
آبان بعدم فهم/ ايه دا؟
صهيب وهو يعدل من جلسته وينظر في عينيه/ افتحه وشوفه.
نظر آبان في محتوى الملف لخمس دقائق ثم اغلقة ونظر لصهيب نظره غير مفهومة وكانت عيناه حمراء من الغضب ومشاعر اخرى.
آبان بغضب شديد/ ايه القرف دا؟
لتتكلم شادن بعدم فهم/ هو في ايه ؟
صهيب وهو ينظر لها ثم وجه نظره لآبان/ مين دي؟
آبان وقد نسى وجودها/ دي البنت اللي كانت موجودة يوم الحادثه.
ــــــــــــــــــــــــــــــــــــــــــــــــ
مكالمة جماعية على الهاتف.
راجحة بهدوء/ مجمعنا ليه يا تذكار ؟
تذكار بهدوء شديد/ تعالي إنتي و تولين عشان الموضوع مهم.
جليله بغيظ/ مش عايزا تقولنا وبتقول لما كلنا نتجمع.
تولين وهي تأكل بعض التسالي/ مالك يا تذكار قلبي بيقولي إنك جايبه بلوه وجيالنا.
تذكار وهي تتجاهل كلامهم/ الموضوع يخص شادن.
تولين / مسافة السكه وجايين.
راجحة/ جيالك يا تذكار.
بلقيس بريبة/ هي معاها مشكله ؟إنتي تواصلتي معاها.
تذكار/ اه.
ـــــــــــــــــــــــــــــــــــــــــــــــ
والسلام على قلوبكم 🔥