سبعة × سبعة

الفصل الرابع

يجلس على الأريكة ليرتاح قليلاً ثم اغمض عينيه يحاول أن ينام،ولكن لم يستطع دخل المطبخ يرى إذا كانت تركت له طعام وبالفعل وجد ولكنه لا يريد أن يأكل، دخل الشرفه جلس قليلاً فيها ثم تذكرها وابتسم.flash back
يخرج من غرفته يتلفت حوله ثم وجد همس من الشرفه دخل فجأة وهي لم تشعر به تدندن مع نفسها ومعها قهوتها والبسكوت.
براء بإستغراب/ ايه اللي مدخلك البلكونه الساعه ٢بليل؟
تولين وهي تنظر للقمر/ مفيش حاجه بحب اكون لوحدي شوية.
براء وهو يستند على باب الشرفه ولم يرد، مرت دقيقتان كانت تولين تعرف أنه مازال موجود.
تولين وهي تنظر له/ لو مش عارف تنام تعالى عادي.
براء بحرج/ لأ هدخل انام مش حابب ازعجك.
تولين وهي تمسك البسكوت/ تزعج ايه ياعم تعالى وخلص كدا كدا خرجتني من لحظه الاسترخاء اللي كنت فيها.
براء بصدمه من حديثها وهو يجلس على الكرسي والفاصل بينهما طاولة صغيرة عليها قهوتها والبسكوت/ إنتي بتتكلمي بجد.
تولين بضحك/ يا باشا بهزر ايه مبفرقش بين الهزار والجد.
براء بهدوء/ ياستي بعرف افرق وبعدين كنت عارف إنك بتهزري.
تولين بإبتسامة صغيره/ ماشي.
عم صمت صغير لتقطعه تولين/ تحب اجيبلك قهوه؟
براء وهو ينظر لها قليلاً ثم قال/ ماشي بس مظبوطه.
تولين وهي تقوم/ اشطا،وهجبلك بسكوت عشان متكولش بتاعي.
براء بضحك/لأ متجيبيش بسكوت هاكل بتاعك.
تولين من الخارج/ ابقى وريني.
جاءت تولين وظلوا هادئين قليلاً ثم قال براء بإستفسار/ بس دي اول مره من ساعه متجوزنا اشوفك هنا.
تولين وهي تنظر للقمر/ مين قالك كدا؟،انا بقعد هنا كل يوم لوحدي طول ما بتكون نايم جوا.
براء وهو يهز رأسه/ يعني لما بكون نايم.
تولين/ اه.
عاد الصمت مجددا ليقطعه هذه المرة براء ليقول/ ليه بتقعدي هنا.
تولين وهي تنظر له وتبدأ بالتحدث/ دي عاده عندي دايما بالليل بس احيانا مش كل يوم،بحس بهدوء وبراحه،مشاعر حلوه كدا مش عارفه اقولها.
براء وهو يسمع بإهتمام/ والقهوة والبسكوت؟
تولين/مالهم ؟
براء/ اقصد دايما في القعده دي؟
تولين بإندفاع/ دا أساسي يا ابني.
براء بابتسامة لطيفه/ القهوه حلوه اوي.
تولين بعدم اهتمام/ ما انا عارفه،اصلي مبعملش حاجه وحشه.
براء بغيظ/ تصدقي إن طعمها يقرف ووحشة بس حبيت أجامل.
تولين وهي تشير لنفسها/ بتقولي انا كدا؟
براء بعند/ اه بقولك إنتي كدا.
ليحدث بينهما شجار عنيف مضحك بكل معني الكلمة،ليخرج رجل من الجيران يفتح شرفته بغيظ/ أنت يا عم محدش عارف ينام من الصوت في ايه؟
تولين بعصبية/ سد ودانك يا خويا بترميها علينا ليه ؟
براء وهو يحاول أن يكمم فمها/ معلش يا باشا منصقدش.
تولين وهي تحاول أن تتكلم/ لأ نقصد احنا قاصدين نقلقك من نومك.
تخرج امراءة كبيرة في السن من الشرفه الأخري / يا حبايبي محدش عارف ينام كنت تقولها القهوه حلوه وخلاص بدل الفضيحة دي.
براء وهو يبرء نفسه/ والله يا حاجه قولتلها حلوه بس عصبتني.
الرجل الآخر/ طب عايز انام.
براء/ هوش إقفل بوقك مش شايفني بتكلم مع الحاجه.
الرجل وهو يكاد يبكي/ حرام عليك يا براء والله ما عارف انام.
تولين وهي تضحك/ معلش يا عم عاصم حقك علينا مش هنعمل كدا تاني.
دخل الجميع وفي الداخل كان كلاهما حقا ميتان من الضحك.
وها هو كأن الموقف عاد ليضحك مرة أخرى،هو حقا تعود على وجودها وهي منذ يومين عند والدتها لا يعرف اين كان عقله عندما وافق على طلبها هذا ولكن سيذهب عند أول العصر ليأخذها.
ـــــــــــــــــــــــــــــــــــــــــــــــــــــــــــــ
يجلس أمامه لا يعرف ماذا يقول له فهي ليست بقضيته وكلما يطلب منه شئ يظل يولول.
صهيب وهو ينظر له بكل تبجح/ عرفت النهاردة يا آبان أن في بنت كانت موجودة يوم الحادثه دي فعيزك تستجوبها،عشان هروح المشرحه اشوف وصلوا لفين.
آبان بعصبية وغيظ/ هو إنت معندكش مخ انا مالي بالقضية بتاعتك انت انا ماالي؟
صهيب بإستفزاز وهو يقوم/ طب هعتبر إن دي موافقة.
آبان ينظر له وهو خارج من المكتب/ لا يا شيخ موافقة من اي زاوية؟
لم يأتيه الرد،
حسنا فآبان وصهيب اصدقاء الطفولة وهذا يحدث دائما وفي كل قضية يحلوها هما الاثنان ليس بسبب أن أحد منهم غير كفوء لا،الاثنان مساوون في عملهم ولكن هما اصدقاء...وما ادراك ما الاصدقاء.
طلب آبان من الرجل الذي يقف عند المكتب بأن يحضر له الفتاة.
تجلس أمامه ليقول لها/ تحبي اجبلك حاجه تشربيها.
الفتاة فقط تهز رأسها بلا.
ليقول هو/ تمام،اتفضلي احكيلي ايه اللي شوفتيه.
وهنا بدأت هي ببكاء عنيف وفي نفس الوقت تشرح له،وهو يقسم أنه لم يفهم حرف هو فقط يحاول تهدأتها.
آبان وهو يجلس إمامها/ إهدي ...إهدي يا انسه اهدي.
أعطاها كوب من الماء لتأخذه برجفه وتشربه في شربه واحدة ثم أخذت نفس ثم نظرت له أنها على استعداد لتتكلم.
آبان وهو ينظر لها/ هديتي،نتكلم بقا؟
الفتاة وهي تهز رأسها بمعني نعم.
آبان وهو يأخذ نفس طويل/ ها اسمك ايه ؟
الفتاة/ شادن اسمي شادن.
آبان وهو يحاول أن يطمئنها/ طيب يا شادن احكيلي واحدة واحدة ايه اللي حصل.
شادن وهي تحاول الهدوء/ انا كنت جايه الفيوم زياره عادي كنت هقعد يومين وهرجع القاهره ولما وصلت الفيوم وقفت عربيه عشان اركبها وكان الوقت متأخر جداً وعلى طريق صحراوي،المهم ركبت العربية مع الراجل كانت عربيه كبيره مكنتش لاقيه تاكسي في الوقت دا والسواق وافق يركبني معاه، واحنا في العربيه فجأة حسينا بمطب بس غريب حسيت كأنوا داس على حد،فثةلتلوا واقف اشوف في ايه مرضيش فضلت أذن عليه لحد موقف بعدها بحبه صغيرين،نزلت لقيت فعلا إنوا داس على حد وكانت بنت جريت عليها وكنت بقولوا إنو خبط بنت فجري بالعربيه وسابني لقيت البنت قاطعه النفس ومربوطه،لقيت فجأة شابين جايين عليا حسيت انهم مش كويسين وعرفت كدا لما لقيتهم جايين نحيتي من عند الرصيف ومعني كدا أنهم شايفين البنت وسابوها أو هما اللي ربطوها،المهم فضلت اجري وهما يجروا ورايا لحد ما لقيت عربيه فضلت انادي لحد ما وقفت ركبتها بسرعه واول ما ركبت طلعوا هما يجروا،العربيه بعدتني عن المكان شوية كتير ونزلت وفضلت تايها ومش عارفه حد وحاجتي كلها في العربيه ولوحدي لحد ما سألت وجيت هنا عشان اقولكوا بقالي يوم في قسم الشرطة.
آبان بإستفسار/ شوفتي شكل الشابين دول؟
شادن بتذكر/ واحد مش فاكراه اوي والتاني مشوفتوش.
آبان بهدوء/ طب عارفه شكل السواق؟
شادن / اه عارفه شكلوا.
آبان/ عارفه العربية عامله ازاي.
شادن بتذكر/ لأ بس كان في لون اصفر.
آبان بإستنكار/ في ألف عربية لونها اصفر.
شادن/ طب ما انا مش عارفه.
آبان بعصبية/خلاص ماشي.
شادن بعصبية/ هو ايه اللي خلاص ماشي انا عايزا ارجع القاهره.
آبان بعدم اهتمام/ مش هينفع دلوقتي هنفضل متحفظين عليكي عشان إنتي كدا في خطر.
ــــــــــــــــــــــــــــــــــــــــــــــــــــــــــــ
تجلس على الأريكة تمسك هاتفها و تكلم تذكار.
راجحة بقلق صادق/ انا خايفه اوي على البت شادن.
تذكار بقلق/ مش زيي البت مبتردش خالص واهلها كمان قالوا إنها مش بترد عليهم.
تذكار/ طب اقفلي دلوقتي عشان ماما عايزاني وهبقى اكلمك تاني.
راجحة بإبتسامة/ ماشي بس متنسيش تيجي عشان تسمعي القرآن بكره.
تذكار بمزاح/ حاضر يا ابلتي.
راجحة/ ماشي يا ختي سلام.
أغلقوا المكالمة وقامت تذكار لوالدتها / في أيه يا امي.
حياه وتخرج من الشقه/ انا رايحه لأميره عشان انظف الشقه معاها.
تذكار بتذكر/ اه صح طب روحي وانا هاجي وراكي.
حياه/ طب متأخريش بالله عايزين جود النهاردة تكون زي القمر.
تذكار/ متقلقيش يا امي.
في غرفه جود:-
جود بعصبية/ مش انا قولت لأ ايه اللي هيجيبوا.
جليله ببرود/ عشان تقرأي الفاتحه.
بلقيس وهي تمسك المكواة/ مش إنتي امبارح بالليل قولتي خلاص هجرب،لا كنتي شاربه حاجه.
تذكار بملل/ جود يا حبيبتي انتي بتعاندي مين كلنا عارفين إنك موافقة فوقي يا أمي دي قرايه الفاتحه.
ــــــــــــــــــــــــــــــــــــــــــــــــــــــ
عند آصف :- يقف أمام المرآة يتأكد من ملابسه هو وأخيه.
ضرار بحب/ ألف مبروك يا آصف.
آصف وهو يحتضنه/ عقبالك كدا إن شاء الله.
وعلى الناحية الأخري من الغرفه كان مهد يرتدي قميصه ويساعده زيدون.
زيدون بعصبية مضحكه/ انا حاسس إنك تخنت يا مهد.
مهد وهو ينظر لجسده الرياضي/ وانا كمان حاسس كدا.
آصف بإستغراب/ إنتوا بتعملوا ايه ؟
زيدون بملل شديد/ بساعده يلبس القميص عشان البيه مش عارف.
مهد بعصبية/ إنت اللي جيت وعمال تمسك القميص زي الطفل ومش عارف البسه بسببك.
ضرار وهو يضحك/ انا شاهد على الكلام دا.
آصف وهو يتحرك في أنحاء الغرفة/بسرعه عشان منتأخرش.
ركب الشباب السيارة ووالد آصف بالطبع معهم ذاهبين لعروسه آصف.
ــــــــــــــــــــــــــــــــــــــــــــــــــ
راجحة بعصبية/ متحطيش الون دا زي القرف.
جليله بعند/ لون الروج دا حلو عليها.
جود بعصبية وهي تمسك واحد اخر/ دا حلو.
تذكار بهدوء/ والله جدعه يا بت يا جود.
بلقيس بصوت مرتفع/ انا مش لاقيه الطرحه.
لتدخل اميره عليهم بإستعجال/ يالا يا بنات الناس على وصول.
ليدق الباب ومعه يدق قلب جود بقوه لتسمع حياه وهي تقول/ اهلا اهلا شرفتونا.
وتصدح زغروطه بصوت اميره.
ـــــــــــــــــــــــــــــــــــــــــــــــــــ
انا عارفه والله إن البارت قصير بس بإذن الله المرة الجاية هيكون طويل عن كدا.
ـــــــــــــــــــــــــــــــــــــــــــــــــ
والسلام على قلوبكم 🔥