سبعة × سبعة

الفصل السادس

يجلسون جميعا ينتظرون أن تتكرم عليهم تذكار وتقول لهم ماذا حدث لشادن؟ بما فيهم اميره وحياه.
حياه بغيظ/ متخلصي يا بلوه إنتي وقوليلنا ايه اللي حصل للبت.
تذكار وهي في المطبخ بصوت عالي كي يسمعوها/ يا أمي راجحة قربت توصل وهقولكوا.
اميره وهي تلوي ثغرها/ يختي ولا كأنها هتحكيلنا حدوتة.
بلقيس بدفاع/ يجدعان سيبوا البت كدا كدا في الاخر هتقول في ايه.
حياه وهي تنظر لبلقيس وتستعد لشجار/ إنتي يا بت إنتي فرساني وحساكي كدا مش ناوية تجبيها البر.
جليله بملل/ يجدعان والله ما وقتوا خالص إحنا قاعدين على اعصابنا.
بقت الجلسة عبارة عن شجارات مضحكه ومواضيع مختلفة حتى جاءت راجحة.
راجحة وهي تأخذ أنفاسها/ احكي يا تذكار ايه اللي حصل ؟
تذكار بتردد/ البت شادن موجودة في قسم شرطة الفيوم.
الجميع في نفس واحد/ ايه ؟
تذكار بفزع من رده فعلهم/ اه والله زي ما بقولكوا.
حياه بخوف صادق على شادن/ لازم نعرف اهلها
ونروحلها يعني عليها البت دي.
اميره وهي لم تستوعب بعد/ مين اللي دخلها؟.... اقصد ليه ؟
تذكار بهدوء/ جريمة قتل.
بلقيس بصدمة شديدة/ ايه ؟
راجحة وهي تحاول أن تهدأ/ لازم نروحلها.
جليله/ طبعا لازم نروحلها بس انا شايفه إن نشوف الموضوع  كبير ولا لاء لو الموضوع بإذن الله هتطلع منه سهل بلاش نقول لأهلها ولو بعيد الشر كبير فلازم نقولهم.
جود وهي ما تزال في صدمتها/ انا مع كلام جليله وبؤيده جداً.
راجحة بهدوء/ وانا كمان،بما إننا إتفقنا إننا هنروح فلازم اقول لزيدون الموضوع وأشوف رأيه.
تولين وعيناها مليئة بالدموع/ اه فعلاً لازم اقولوا.
حياه/ خلاص قولي لبراء واكيد هيوافق.
اميره بحزن/ ماشي.
ـــــــــــــــــــــــــــــــــــــــــــ
يدخل المنزل ليجد المنزل معتم ولكن وجد مكان المصلي التي طلبته هي مضئ ليبتسم ويعلم أنها هناك.
زيدون وهو يجلس بجانب راجحة على سجاده الصلاه/ بتدعيلي.
راجحة بإبتسامة/ مش بنساك ابدا في دعايا.
زيدون بهدوء ويسند رأسه على قدمها/ ربنا عوضني بيكي يا راجحة قلبي.
راجحة بحزن/ كنت عايزه اقولك حاجه.
زيدون وهو نائم على قدميها وقد لاحظ حزنها من نبرتها وتعابير وجهها/ في ايه مالك؟
راجحة وهي تمسد على رأسه/ صحبتي شادن واقعه في مشكلة وانا واختي وصحابي عايزين نروحلها الفيوم.
زيدون بإستغراب/ وايه علاقة الفيوم بالمشكلة؟
راجحة بهدوء/ عشان المشكلة في الفيوم حصلت جريمة قتل وهي في القسم.
زيدون بهدوء/ وانتي عايزه تروحي الفيوم.
راجحة وهي تهز رأسها بنعم/ اه بس طبعا بعد إذنك.
زيدون بإبتسامة على تقديرها له/ انا موافق بس هاجي.
ــــــــــــــــــــــــــــــــــــــــــــ
صهيب وهو يحاول تهدئة صديقه/ أهدى والله حقها هيرجع.
آبان وهو يكاد يبكي/ البنت صغيره دي عندها ١٩ سنه ليه يعملوا فيها كدا؟!
صهيب وهو يحاول الهدوء/ والله لخلي أيامهم جحيم.
آبان بعصبية شديدة وعروقه تنفر/ والله لجيب حقها.
شادن وهي تنكمش على نفسها/ لو سمحت هو ايه اللي حصل للبنت مش هي اتخبطت بالعربية بس؟
صهيب وهو ينظر لها ببرود/ مش بس كدا.
شادن بتعجب/ حصلها حاجه تانيه؟
آبان بهدوء غريب/ حرقوها.
شادن بصدمه وارتجاف/ ايه؟
صهيب وهو يكمل كلام صديقه/ قطعوا ايديها قبل ما يحرقوها .
شادن ويدها على فمها بإرتجاف وتدخل في حالة إنهيار شديدة/ ليه... ليه عملوا كدا؟ انا السبب انا اللي سبتها انا السبب.
صهيب وهو يحاول أن يهدئها/ إنتي مش السبب اي حد مكانك كان هيعمل كدا إنتي كمان كنتي في خطر.
شادن بشهقات مرتفعه كلما تتخيل ما حدث للفتاة/ لأ لأ اللي حصل بسبب جُبني.
آبان وقد لاحظ أن وجهها بدأ يتحول للون الأصفر وعيناها حمراء بشده/ إتفضلي يا انسه شادن اوصلك لفندق جنب القسم وهتكوني تحت حمايتنا.
قامت شادن وأخذها آبان، الفندق قريب من القسم والمسافه قصيرة ولكنه اوصلها بالسيارة بسبب ارهاقها الملحوظ بالاضافة لصدمتها الشديدة لما حدث للفتاة.
في السياره كان آبان يسوق وينظر أمامه موجها كلامه لها/ إنتي كويسه يا انسه شادن.
شادن تهز رأسها بمعني نعم.
أوقف السيارة قبل وصولهم للفندق/ ثانيه واحده هجيب حاجه وارجعلك.
غاب لعشر دقائق ليدخل بعدها  السيارة ويجلس.
آبان وهو يدخل/ إتأخرت عليكي؟
لتهز هي رأسها بلا.
آبان وهو يأخذ شئ من حقيبة سوداء كانت في يده عند دخوله السياره/ إتفضلي علبه العصير دي عشان تفوقي.
شادن بهدوء وعيناها حمراء بشده/لأ شكرا.
ليأخذ واحدة أخري من الحقيبة.
آبان وفي يده واحد أخرى/ انا كمان هشرب معاكي يالا خدي.
شادن بإرهاق/ شكرا يا استاذ....
آبان بإبتسامة/ آبان اسمي آبان.
شادن بهدوء/ شكرا يا استاذ آبان.
وصلا عند الفندق وحجز لها غرفة واعطاها المفتاح.
آبان/ بكره الصبح بإذن الله هيكون عند باب اوضتك شرطي ولو احتاجتي حاجه هينفذهالك لحد بس ما نقفل القضية دي وترجعي بيتك.
ذهبت هي لغرفتها وهو خرج من الفندق يركب السيارة ويتصل على صديقه/ ألو يا صهيب.
صهيب من الجانب الآخر/ إنت فين دلوقتي؟
آبان وهو يأخذ نفس طويل/ انا هروح البيت دلوقتي عشان تعبان وهاجي الصبح.
صهيب من الجانب الآخر/ شكرا يا آبان.
آبان بإستغراب/ على ايه؟
صهيب بإبتسامة وامتنان/ عشان معايا في كل حاجه.
آبان بهدوء/ عارف لو سمعت الكلام دا تاني هعمل ايه؟
صهيب وهو يضحك/ هتعمل ايه ؟
آبان/ هزعلك.
صهيب/ انا هاجيلك النهاردة هنام معاك.
آبان بإستفزاز/ لأ متجيش حضرتك تخنت وهتاخد مكان كبير في البيت.
صهيب بعصبية/ انا تخنت يا آبان الكلب طب تصدق هاجي وهعقد على قلبك.
آبان وهو يضحك/ مش هفتحلك.
صهيب/ ابقى وريني.
ـــــــــــــــــــــــــــــــــــــــــــــــــــ
يجلس على الأريكة بملل لا يعلم ماذا يفعل ليدخل المطبخ ويجدها تفعل قهوتها المميزة وتدندن بعض الكلمات بخفوت،وتلاحظ هي وجوده.
تولين بإنشغال/ تحب اعملك قهوة معايا؟
براء وهو يجلس على كرسي في المطبخ/ ياريت.
تولين/ اوكى.
براء وهو يعتدل في جلسته/ النهاردة على صلاة الفجر هقابل الشباب في المسجد.
تولين وهي تسكب القهوه/ ماشي،وانا عايزه اقولك حاجه.
براء بإنتباه/ إتفضلي.
تولين وهي تجلس أمامه على كرسي وتحكي له ما حدث لشادن وأنها تريد الذهاب الى الفيوم لتكون بجانبها.
تولين وهي تنظر له/ ها موافق ولا لأ؟
براء وهو ينظر لها قليلاً ثم قال/ ماشي بس عندي شرط.
تولين يإستغراب/ ايه هو الشرط.
براء/هاجي معاكي.
تولين وهي تأخذ رشفة من القهوة بتلذذ/ماشي موافقة أصلا زيدون جاي عشان راجحة.
براء وهو ينظر لها بإبتسامة/ هو إنتي بتعملي كدا ليه؟
تولين يإستغراب/ بعمل ايه ؟
براء وهو ينظر لها/ يعني رغم أننا مش بنطيق بعض والموضوع اللي حصل بينا رغم كدا بتديني اعتبار في حياتك وبتستأذنيني في خروجك وبتتعاملي عادي.
تولين وهي تنظر له بقوه/ اولا إنت جزء من  حياتي فلازم اعملك اعتبار في حياتي،ثانيا ودا الأهم إحنا متجوزين قدام ربنا وقدام الناس حتى لو احنا مش معتبرين كدا ،ودا واجبي يعني لما ربنا يسألني ليه مقومتيش بالواجبات اللي عليكي؟ هقوله ايه؟هقوله عشان مش معتبراه زوجي لأ طبعا مش هينفع اقول الكلام دا.
براء وبدأ على وجهه ملامح الحزن/ يعني إنتي بتعملي كدا عشان دا واجبك وعشان ربنا بس.
تولين وهي تخرج من المطبخ/ اه وياريت مدخلنيش في مواضيع مش قادره اخوضها دلوقتي.
خرجت من المطبخ وعيناها مليئه بالدموع،وهو في الدخل يجلس على الكرسي ينظر أمامه ولأول مرة عيناه تذرف دموع ندم، بسببه هو هي تقوم بواجبات الزوجة فقط وليس زوجه تقوم بواجباتها بحب هو خسر هذا الشئ وهو الحب.
ــــــــــــــــــــــــــــــــــــــــــــــــــــــ
جود بعصبية/ ياريت تتكلم من غير استفزاز عشان بجد عصبتني.
آصف وهو يضحك من الجانب الآخر/ خلاص يا ستي متزعليش مش انتي عايزه تروحي.
جود وهي تزفر/ للمرة المليون اه عايزه اروح.
آصف وهو يحاول أن يهدئها/ خلاص اهدي هوصلكوا بالعربيه طيب ايه رأيك ؟
جود بإبتسامة/ خلاص هقولهم وأشوف رأيهم.
آصف بهدوء/ رأي مين يا جميل لأ انتوا هتلاقوني بالعربيه تحت البيت اشطا.
جود بضحك/ اشطا.
أغلقت المكالمة وبجانبها بلقيس وجليلة يتنمرون عليها.
بلقيس بضحك/ ايه يا بت الرقه دي؟
جليلة وهي تجاريها في الموضوع/ مش قولنا آصف هيربيها من اول وجديد.
جود بصدمه/ إنتي حوله منك ليها،انا متعصبه على الراجل فين الرقه.
اميره من الخارج/ تعالوا يا بنات الفيلم بدأ.
جليلة/ يالا منك ليها.
ــــــــــــــــــــــــــــــــــــــــــــــ
في المسجد كانوا يصلون ركعتين تحيه للمسجد وبدأوا في صلاة الفجر وعندما انتهوا من الصلاة جلس الشباب كحلقة.
مهد بضحك صادقة/ انا فرحان عشان كلنا اتجمعنا.
زيدون بهدوء/ وانا كمان والله.
آصف وهو يأخذ مصحف من المكتبة الصغيرة/ انا بكره مش هكون معاكوا.
ضرار بإستغراب/ ليه يا آصف؟
آصف بتكبر مصطنع/ انا بكره هوصل أهل خطيبتي الفيوم يا وحيد.
ضرار وهو يضحك ضحكه الاشرار/ وانت فاكر نفسك هتروح لوحدك واخوك معاك.
آصف بعدم اهتمام/ تعالى بس بعربيتك مش هتيجي في عربيتي.
ضرار بغيظ/ وانا هركب عربيتك ليه اصلا.
براء بإنتباه/ انتوا رايحين الفيوم؟
آصف/ اه.
زيدون وهو يضحك/ وانا كمان رايح.
مهد بعصبية/ يا صلاه النبي كلكوا هتروحوا وانا هكون لوحدي؟!
زيدون وهو يضحك ويطبطب على مهد/ ليه هتكون لوحدك يا قلب اخوك؟تعالى معانا في العربيه بتاعت ضرار.
براء بفرحة/ يعني كلنا بكرا هنصلي الفجر في الفيوم؟
آصف بفرحة شديدة/ انا هوصل جود وعيلتها بالعربيه وانتوا اركبوا مع ضرار.
مهد/ اشطا.
جلسوا جميعا يقرأون سوره مريم وبعدما انتهوا قال زيدون وهو يهم بالخروج من المسجد/ ألقاكم يا شباب في الفيوم.
ــــــــــــــــــــــــــــــــــــــــــــــ
ابقوا قولولي ايه اكتر شخصيه حبيتوها.
ـــــــــــــــــــــــــــــــــــــــــــــ
والسلام على قلوبكم 🔥