تفتح باب المكتب وتلقي عليه السلام ليرد عليها السلام وينصدم من الجيش الذي معاها.
آبان بصدمه/ ايه دا؟
ضرار وهو يدخل المكتب ويجلس على كرسي بإرياحيه شديدة/ مفرحتش لما شوفتنا ولا ايه ؟
آبان وهو يستعيد تركيزه/ هو المفروض إني قولتلها لوحدها عايزك في موضوع.
بلقيس وهي تقتحم المكان هي والفتيات/ يعني نسبها لوحدها يا حضرة الظابط يعني يرضيك نسيب اختنا يعني؟
آبان وهو يجلس مكانه/ لأ ميرضنيش طبعاً اتفضلوا.
دخل جميع الشباب والبنات لينفتح الباب فجأة ويدخل منه اميره وحياه وفريدة.
فريده وهي تقتحم ب(حله محشي) وتتوجه لآبان وتضعها على المكتب.
آبان بإستنكار/ ايه دا يا مدام؟
فريده بفرحة/ دا يا حبيبي بشكرك إنك يعني حافظت على البت شادن وخلتهالي سليمه.
اميره/ خدها يا حبيبي متتكسفش.
شادن وهي تقترب منهم بإحراج شديد/ انا اسفه جدا على اللي بيحصل مش عارفه اقولك ايه.
آبان بعد هدوء شديد ثم فجأة ينفجر ضحك وهو يفتح (الحلة)/ مش عارف اقولك ايه بس انا بحب المحشي.
حياه وهي تدخل في الحوار وبفخر شديد/ انا اللي مقطعه وسلقه.
اميره بفخر شديد/ وانا اللي حشيت.
فريده بغيظ/ وانا سويته يا حبيبي متنساش تأكل والدتك.
آبان وهو يتحمل كبت ضحكاته/ عيني هأكلها.
زيدون/ انا حاسس إن في حاجة غلط.
راجحة بإنتباه/ في ايه ؟
زيدون يتذكر/ فين صهيب يكمل القاعدة.
آبان بحسرة/ هي بقت قاعدة.هو على العموم في الطريق.
شادن وهي مازالت محرجه مما يحدث/ عالفكره هما اللي قالولي هنيجي معاكي ومش هنسيبك لوحدك.
آبان وهو يشعر بجلطه/ طبعاً طبعا يعني فعلاً يسيبوكي لوحدك....ودي تيجي؟
مهد وهو يجلس على الأرض بسبب عدم وجود مكان له/ انا والشباب لما عرفنا إنك أنت وصهيب اللي بتحققوا قولنا لازم نيجي نسلم عليكوا.
آبان بهدوء/ تشكر يا مهد والله بس ملقتوش غير الوقت دا يعني؟
آصف وهو يجلس بجانبه/ حسك مضايق يا آبان؟
آبان بإستغراب مصطنع/ اضايق... لأ لأ متقولش كدا الكلام دا.
تولين بحماس/ يالا.
آبان بإستغراب/ يالا ايه؟
تولين بنفس الحماس/ مش هنحقق ونفكر مع بعض.
آبان وهو يحاول أن يهدأ/ هنحقق مع بعض؟
براء وهو يقف بجانبها/ اه والله انا جاي على أساس إني هحقق.
شادن/ قولتلي إنك عايزني في حاجه؟
آبان/ مفيش يا انسه شادن اصلي امبارح عرفت من الشباب إنهم بيقولوا اختنا،فكنت هسألك إزاي أخواتك.
شادن/ هما بيعتبروني اختهم مش اكتر.
آبان بهدوء/ ما انا عرفت خلاص.
شادن/ انا كنت عايزه اقولك حاجه.
آبان/ إتفضلي.
شادن/ السواق اللي كنت معاه.
آبان بإنتباه/ مالوا؟
شادن/ نسيت اقولك اسمه ايه.
آبان / طب قولي اسمه.
شادن/الاوسطه عاطف.
آبان بهدوء/ الآوسطه عاطف؟!
يفتح الباب ليندهش صهيب من الجمع الموجود في المكتب.
صهيب وهو يكاد يقع لينظر تحته ويجد شابان/ في ايه؟
مهد بفرحة/ تعالي تعالي جنب اخوك ....كنا مستنينك.
صهيب وهو ينظر لآبان/ في ايه؟
آبان وهو يفتح ( الحله) / تيجي تاكل ولا متغدي.
ـــــــــــــــــــــــــــــــــــــــــــــــــــــــ
تجلس بجانبه تتذكر ما حدث بعد خروجهم منذ قليل فهي تركتهم وذهبت معه قليلاً.
راجحة وهي تضحك بشدة/ بجد الظابط آبان صعب عليا اوي.
زيدون وهو ينظر لها/ ويصعب عليكي ليه يا راجحة؟
راجحة بإستغراب/ هو ايه راجحة دي.
زيدون/ وهو ايه يصعب عليكي دي؟
راجحة وهي تنظر له/ يعني انت عارف إن في حاجة غلط في راجحة بس...صح؟
زيدون وهو يهز رأسه بغيظ/ اه عشان ليه يصعب عليكي؟
راجحة بعدم فهم/ دي كلمه طلعت مني إنت مكنتش شايف المكتب عامل إزاي...دا كان عامل زي الصاله مش مكتب ومكنش عارف يشوف شغله.
زيدون/ ولو متقوليش صعبان عليا.
راجحة بغيظ/ وانت متقولش راجحة حاف كدا.
زيدون بضحك/ حاضر يا راجحة قلبي.
راجحة وهي تضحك/ طلعت بتغير يا جميل.
زيدون وهو ينظر لها بقوه/ طبعاً هغير عليكي هو لو مغرتش عليكي هغير على مين؟
راجحة بابتسامة جميله/ عندك حق.
ــــــــــــــــــــــــــــــــــــــــــــــــــــــــ
جلسوا جميعا مع بعضهم البعض منهم من يعترض على تصرف تذكار ومنهم من يشجعها بشده.
جليله بضيق/ إنتي صح بس برضو مشاعر الواد حرام عليكي.
جود بعصبية/ حرام عليها ايه يا هبله إنتي يعني ايه حد غريب يكون واقف معاكي.
تولين وهي تأكل بعض التسالي/ بت منك ليها متقرفوناش البت صح وخلاص مش محتاجه نقاش.
بلقيس وهي تقفز لتجلس بجانب تولين وجود/ عارفه يا جليله كان نفسي اجيبك من شعرك بس للأسف إنتي قارعة.
جليله بصدمة/ انا قارعة سوده يا شوله.
بلقيس وهي تقفز/ هوريكي السوده والشوله هتعمل فيكي ايه.
جود وهي تحاول أن تهدأ الوضع وتصرخ في وجوههم/ اسكتوا بقا ايه اللي بتعملوا دا.
تولين وهي مازالت تمسك في التسالي بقوه وتأكلها/ عارفه يا بت يا تذكار بعيداً يعني عن جوز البقر دول إنتي الجميله اللي فيهم والله.
فريده وهي تقتحم المكان بينهم/ يا عيال خبوني حياه بتدور عليا.
بلقيس وهي تترك شعر جليله/ عملتي ايه فوفا اشجيني.
فريده مفيش يا ختي كنا بنتذكر ايام زمان وكنا بنضحك على كرشها وهي صغيره.
بلقيس وهي تعود مرة أخرى تمسك جليله/ لأ ربنا يعينك يا فوفا.
جود وهي تجلس بحسرة/ كان لازم يعني راجحة تشوف قره عنيها دلوقتي.
تذكار وهي تضحك/ خلي البت ترفه عن نفسها.
جود بغيظ/ هي اللي بتلم الاتنين دول.
جليله وهي تقوم من الأرض وشعرها مبعثر بطريقة مضحكة/ لو سمحت احترمي نفسك هو ايه نتلم دي شايفانه مبعترين؟
تولين بعدم اهتمام/ اه.
حياه وهي تدخل بينهم مثل المجنونه/ فين؟ هي فين؟
شادن بإستغراب/ ايه اللي فين يا حياه؟
حياه بغيظ/ أمك يا ختي.
شادن بضحك/ خلاص يا حياه عفا الله عما سلف.
حياه وهي تكاد تنفجر/ خلاص أي يا بت انتي،دي بتتريق على كرشي بتاع زمان بتتريق على عزي يا شادن.
فريده وهي تحاول الخروج من الغرفه وتجري بكل ما أوتيت من قوه الي داخل الحمام لترها حياه وتجري ورائها ولكن كانت أغلقت الباب.
حياه من الخارج/ وحياتك يا فريده لخلي يومك مش معدي إنتي والهبله التانيه.
فريده وهي في الداخل/ خلاص يا حياه احنا كنا بنهزر معاكي.
حياه بغيظ/ بتهزروا معايا على كرشي ليه.
فريده وهي تنظر حولها لتجد اميره بجانبها،
اميره وهي تشير لها بصمت.
فريده وهي تضحك بقوه/ إنتي هنا بتعملي ايه؟
اميره بصوت منخفض/ نفس يا ختي اللي جيتي عشانوا.
حياه تدق الباب بقوة/ سمعتك سمعتك يا اميره الكلب والله ما هحلكوا.
ذهب الجميع لحياة يحاولون تهدئتها.
بلقيس وهي تحاول أن تأخذها من أمام المرحاض/ خلاص يا حياه استهدي بالله مش كرش هيعمل فيكوا كدا.
جود بضحك/ اصبري يا حياه لما يخرجوا وبعدين امسكيهم.
اميره من الداخل/ دا انا اللي همسك فيكي يا جود لما أخرج اصبري عليا بس.
جود بضحك/ لما تخرجي الأول يا امي نبقا نشوف.
ــــــــــــــــــــــــــــــــــــــــــــــــــــــ
بيت صغير مهجور ( هذا ما يقال عنه) بسبب شكله القديم يجلس هو وصديقه يفكرون كيف سيقتلونها فهم يعيشون في خوف والكوابيس لا تتركهم ابدأ.
الاول/ انا شايف إننا نستناها لما تنزل تاني من الفندق دا وناخدها.
الثاني/ بقولك ايه بطل غباء لو اخدناها لما تنزل هيبان إنها إتخطفت واول حاجه هيفكروا فيها المجرمين اللي قتلوا البت وهنزود علينا قضيه تانيه.
الاول / ما هي كدا كدا خربانه.
الثاني/ بما انها خربانه خايف ليه يا غبي.
الاول بتفكير/ يعني هنعمل ايه.
الثاني بخبث/ هقولك هنعمل ايه...اسمع.
ــــــــــــــــــــــــــــــــــــــــــــــــــــــ
يضحكون عليه بشده ومما حدث معه وهو يكاد ينفجر غيظا مما يحدث وهو حقا يندم لأنه تكلم مع هولاء الاوغاد.
ضرار بضحك شديد/ معلش يا مهد ما بصراحه إنت بارد حد قالك تروح تكلمها.
زيدون بضحك/ خلاص يا جدعان حصل خير بس من امتى وانت بتروح تكلم بنت يا مهد.
مهد وهو يزفر/ يا جدعان والله ما اقصد حاجه لما شوفتها قولت بما اني اعرفها اشوف هي عايزه ايه.
براء وهو ينظر له/ وعرفت هي عايزه ايه ولا لأ.
مهد بضيق/ اقسم بالله انا غلطان عشان اتكلمت معاكوا.
آصف بكل هدوء يمتلكه/ إنت معجب بيها يا مهد.
مهد وهو ينظر له قليلاً كأنه يفكر هل هو معجب ام لا/ مش عارف.
براء بإبتسامة/ احنا بنهزر معاك يا مهد متقفيش.
مهد بإبتسامة لطيفه/ عارف يا جدعان بس انا اللي مدايقني مش إنها قالت كدا بالعكس دي كبرت في نظري اوي.
زيدون وهو يعدل جلسته/ أومال ايه اللي مدايقك؟
مهد وهو يحاول أن يشرح لهم/ مدايق عشان خايف تكون فاكره إني مش كويس.
آصف بغيظ/ إنت معجب ولا لأ ياض.
مهد/ قولتلك مش عارف.
براء بإبتسامة/ أومال خايف على شكلك ليه؟
مهد بشرود غريب/ عشان هي انسانه كويسه ومش عايز صورتي تتهز قدامها.
ضرار بعصبية/ ايه اللي انت بتقوله دا؟ايه علاقة إنها كويسه بصورتك.
مهد وهو يزفر/ يوه بقا اه يا جدعان انا مش عايز تفتكرني واحد مش كويس أو إني بجح وبروح اكلم البنات.
آصف بهدوء/ يعني انت عايز ايه.
مهد وهو ينظر له/ إنت غبي يا آصف ولا بتستعبط.
زيدون/ حصل خير وان شاء الله متكونش فهمت غلط يا مهد متكبرش الموضوع.
ـــــــــــــــــــــــــــــــــــــــــــــــــــــــــ
بداخل حي قديم كان يركن سيارته ويقصد هو وصديقه منزل قديم مهترئ ليدق الباب مره واحده ويفتح الباب رجل كبير السن وعلى وجه علامات الهم ليأذن لهم بالدخول و يجلسوا على اريكه مهترئة تكاد أن تقع بهم ويجلس على الكرسي المقابل لها هذا الرجل الذي يكون صاحب المنزل.
صهيب بإبتسامة رسمية/ السلام عليك يا حاج.
الرجل / وعليك السلام.
صهيب/ طبعاً عارف إحنا جايين ليه؟
الرجل/ اه طبعاً ودي حاجه تتنسي.
آبان/ حلو اوي،احنا هنسأل شوية اسئله عن الاستاذه ايات.
الرجل بدموع/ اتفضل يا باشا.
صهيب بهدوء/ الآنسة ايات كان ليها أعداء أو اصدقاء سوء.
الرجل ولم يتمالك دموعه/ لأ بنتي ايات كانت طيبه ومحبوبة وكانت تقيه اوي.
آبان بضيق على الرجل/ أهدى يا حاج حقها هيجي والله.
صهيب/ هو إنت بس اللي عايش معاها.
الرجل وهو يهدأ/ انا وامها واختها.
صهيب/ هي اختها قريبه منها ولا لأ.
الرجل/ نواره قريبها منها كانت روحها فيها هي عندها ١٥ سنه.
آبان بهدوء/ ووالدتها فين...يعني بعيده عنها ولا ايه؟
الرجل ويداه ترتعش بشكل غريب مما أثار انتباه الاثنان.
صهيب/ مال ايدك يا حاج.
الرجل بإبتسامة/ مفيش حاجه ايدي بتتعبني شوية بس.
آبان/ روحت عند دكتور ولا لأ؟
الرجل بهم/ دكتور ايه في الوضع اللي انت شايفه دا يادوب الفلوس بتكفي مصاريف البت نواره.
صهيب/ هي فين نواره والحاجه.
الرجل/ هما جوا تحب اجيبهم؟
آبان/ اه هنتعبك يا حاج احنا محتجانهم.
الرجل بتذكر/ انا اسف والله نسيت خالص تحبوا تشربوا ايه؟
صهيب/ لأ تشكر مش حابين نتعبك.
الرجل/ لأ متقولش الكلام دا.
آبان/ انا بس عايز كوباية مايه.
صهيب/ وانا كمان.
دخل الرجل للمطبخ الذي كان في الوجه مما يجعل الذين يجلسون في البهو يرونه،وبعدما انتهى من سكب الماء في الكوب دخل غرفة وخرج منها.
الرجل وهو يجلس مكانه/ اتفضلوا المايه هما جايين دلوقتي.
جاءت امرأة وفتاة صغيرة كان يظهر على المرأة الشده والغلظه.
آبان بهدوء/ حضرتك والده ايات.
المرأة/ اه يا خويا ام البت ايات.
صهيب/ البقاء لله.
المرأة/ ونعم بالله.
صهيب/ كنتي تعرفي هيا رايحه فين في الليله اللي حصل فيها الجريمة.
المرأة بغيظ ولوي فمها/ اعرف منين دي بت ماشية على حل شعرها ومحدش عارف يشكمها اللي حصلها دا قليل عليها.
صهيب بصدمه/ إنتي امها بجد.
المرأة بغيظ/ لأ نص نص.
الفتاة الصغيرة/ حرام عليكي يا امي متقوليش عليها كدا دي كانت طيبه.
المرأة وهي تنظر لها بتوعد/ اصبري عليا يا مقصوفه الرقبه.
آبان بعصبية اخرست هذه المرأة/ التزمي حدودك وانتي بتتكلمي عن حد ميت الميت ليه حرمته ولو متعاملتيش كويس مع البنت انا هخلي الباقي من عمرك في السجن.
المرأة بغل شديد/ دي حراميه ومقشفه.
ارتفع صوت صهيب بشده مما جعلها تنتفض من مكانها / انا اللي مصبرني عليكي اني في بيتك اقفلي بوقك ومسمعش صوتك غير لما اقولك فهمتي.
انصدمت ووقفت مكانها مثل الصنم ولم تتكلم.
صهيب وهو يحاول أن يهدأ/ قوليلي يا نواره تعرفي هي كانت فين ولا لأ؟
نواره بخوف/ هي مقالتش حاجه انا معرفش حاجه.
لاحظ آبان وصهيب خوفها وهذا بين لهم أنها تعرف شيئا ما.
الرجل بدموع/ احنا اسفين اوي من اللي حصل مش عارف اقولكوا ايه.
آبان/ ولا يهمك يا حج بس احنا هنيجي تاني.
صهيب وهو ينظر ناحية هذه المرأة/ إنتي مش امها صح؟
الرجل/ امها ماتت بقالها سنين وهي مرات ابوها.
صهيب وهو ينظر ناحيتها بحده/ باين زي عين الشمس مش محتاجه توضيح.
خرج الإثنان من المكان.
صهيب بهدوء/لاحظت حاجه.
ــــــــــــــــــــــــــــــــــــــــــــــ
والسلام على قلوبكم 🔥
أنت تقرأ
سبعة × سبعة
De Todoمبادئي هي الشئ الوحيد الذي لا أتخلى عنه ولا سوف أتخلى فلا تحلم ايها العابر فى حياتي وسترحل منها في يوما من الايام أنني سأكسرها لأجلك.
