جلسو و هي وصات يعطيوهم احسن بلاصة و سرباولهم الحلوة و اتاي ، و كملو الليلة مع البنات فرحانين تا وصل وقت البوجاخرجات هي لدار جيرانهم حيت مخاصش العروسة تخرج من دارهم فالبوجا، قادوها و ركبوها فالعمارية و داروها فوق العود و كايدورو بيها فالزنقة و يصليو على النبي رسول الله، تحت التعشاق و اغنية داها و داها ولاهيما خلاها و داتو و داتو ولاهيما خلاتو، داتو بفلوسو غدا تصبح تبوسو كملولها الدورة و نزلوها دايخة بقوة الدوران، نزلوها و الدقة المراكشية اللي دارتهم يضربولها دوروها بينهم و بداو يغنيولها تا جا رضوان و علقلهم ثلاثة دالزرقات و هزها بين يديه طلعها للدار و هي كاضحك و تفرطط برجليها العامرين حناني و البقية تابعينهم بالصلاة و السلام
رجعات كملات سهرتها مع البنات، تا شبعو قصارة و دفعولهم الدجاج المحمر فالعشا و صيفطوهم فحالهم فالطناش دالليل
تنهدات بتعب و هي متكية فوق فراشها كتفكر ان هادي آخر ليلة غاتنعسها هنا، شافت الحناني خرجو فيديها حمرين و وسعات ابتسامتها و هي كتخايل حياتها الزوجية مع حبيبها كي غاتكون، صونا عليها فديك اللحضة و تبسمات بخفة، هزات تليفونها و جاوباتو و هي فرحانة و قصرو ديك الليلة فالتليفون تا اذن الفجر، ناضت توضات صلاتو و نعسات و هي كتخايل ليلة عرسها كي غاتكون
___________________________________
نهار العرس و الروينة ديالو، خلاو لالة العروسة تنعس تا شبعات و ناضت تا للجوج دالنهار، مشات دغيا توضات و صلات و خرجات كلات باش تقوت و الدار عامرة بالعائلة، هزات صامصونيط عامرة بحوايجها و تحركو للقاعة اللي كراوها يديرو فيها العرس، طلعات للبيت اللي غاتزين فيه و جات عندها الزيانة اللي غاتصاوبلها، لبسات تكشيطة بيضاء مطرزة و عامرة باللون الاخضر الملكي، مع شربيل ذهبي فرجليها و شعرها طلقاتو و مصاوباتش مكياج ، دارتلها الزيانة ليزار فضي تغطا وجهها بيه و هبطوها لتحت لعند الحضور اللي كانو قلال غير من العائلة و صحاباتها باقا ماعمراتش القاعة كاملة، كايصليو على النبي و هي حادرة عينيها كاتمشى بشوووية تا وصلات للكرسي ديالها، كانو جوج بنات باقي عاد كي بلغو من العائلة، هازين شميعات وقفو فجنابها، وحدة جيهت ليمن و وحدة جيهت الشمال قدامهم كانت طبلة فيه قالب دالسكر و البيض و الشمع و الحنا و شربيل آخر من غير اللي لابساه
العداية هزات الميكرو وسط الصمت و كولشي مترقبهم و بدات كاتعدلها و رقية حادرة راسها كاتصنطلها بدورها و الحضور الجملة اللي قالتها كايرددوها وراها
صليو على محمد صاليييو علييييه و اللي ماذكر محمد لا خير فيه
صليو على محمد صاليييو علييييه و اللي ماذكر محمد لا خير فيه (الحضور)
طول الليالي و طول الدوام سيدنا محمد عليه السلام
صليو على محمد صاليييو علييييه و اللي ماذكر محمد لا خير فيه
طول الليل و ما طوله وفراق يماها وما احرو
صليو على محمد صاليييو علييييه و اللي ماذكر محمد لا خير فيه
ألالة و يا جارتي و ختي ألالة و يا المعمرة بيتي
صليو على محمد صاليييو علييييه و اللي ماذكر محمد لا خير فيه
صبروا باباها و محني الراس كبرا و اعطاها ن ولد الناس
صليو على محمد صاليييو علييييه و اللي ماذكر محمد لا خير فيه
صبروا خاها ف الغارب دمعتو سايحة على الشارب
صليو على محمد صاليييو علييييه و اللي ماذكر محمد لا خير فيه
صبروا ختاها ف الدويرة تبكي و تعيط اختي الحنينة
صليو على محمد صاليييو علييييه و اللي ماذكر محمد لا خير فيه
اضربو الطبل و جيبو الهدية وقولو ن يما ترضى عليا
صليو على محمد صاليييو علييييه و اللي ماذكر محمد لا خير فيه
أنت تقرأ
محني الزين [كاملة]
Romanceحصريا على بار 36 🎬 قصة رمضانية 🌙 كيقولو: الحب ماشي أمنية، الأمنية الحقيقية هي هاد الحب يدوم للأبــــد كيقول هو: أنا كنبغي صبعانك اليوم، و غدا غنبغي فمك، و بعدو غانبغي عينيك، و هكا غانبقى كل مرة نطيح فطريف منك! قلبي صغير بزاف باش يدخل مرا نادرة ، ج...