ثأر المهيب

part _15_

ثأر المهيب

بقلمي: ساره الحجيمي 🤍

لا تنسون التصويت والتعليق على الفقرات والمتابعة للحساب 🤍

______________

{مهيب}

اوسلين _ منو راح يتزوج ؟؟؟

سمعت صوتها لو اني تكهربت بعد ماعرف شحجي مصطفى اجاه اتصال وشرد بقيت اني وهي كررت سؤالها ..

اوسلين _ مو دا احجي منو راح يتزوج ؟؟؟

مهيب _ هههه حبيبي اني اريد اتزوجج يعني نسوي عرس ..

اوسلين _ ليش احنه مو متزوجين ..

مهيب _ اي حبيبي متزوجين بس اريد اسويلج حفله بس طيبين تمام .

اوسلين _ يعني اني مالبست بدله .

مهيب _ لا حبيبي بس صدگيني بس تصيرين زينه نسوي عرس ماصار مثله اخلي كل العالم تحجي بي تمام ..

اوسلين _ تمام يلا تعال جوعانه اريد اكل ..

مهيب اي حبيبي هسه خلي أصيح مصطفى يجي ويانه..

اوسلين _ تمام ..

راحت اوسلين واني اخذت نفس بقوه واخيرا والله جان راحت من ايدي ..
طلعت وره مصطفى اسمعه يصيح ولعبانه نفسه ويكفر ..

مهيب _ شبيك مصطفى قلقتني ...

مصطفى _ لك احمد مو شرد ..

مهيب _ اخو اوسلين صح اي شرد وين لگيتو احجي ...

مصطفى _ لا بس شايفينه الحمايه قريب من بيتك يمكن جاي يشوف اوسلين ومن شاف الحمايه بطل ..

مهيب بصدمه _ ش شنو يعني جاي لهنا لك هذا الخسيس اخخ إذا الزمه أن*** الخلفوه ابن الكلب اجه يأخذ اوسلين بس يخسه اخلي ياخذها والله اموته ..

مصطفى _ اهدئ شبيك لا تخاف خليت حمايه متخفين حول البيت حتى يأمن ويجي ساعتها نقبض عليه تمام لا ينشغل بالك ..

مهيب _ تمام حبيبي يلا تفضل خلي ناكل اختك خبصتني مخلصتها بس اكل ونوم ..

مصطفى _ هههههه فدوا الها خلي تاكل شعدنا غيرها ..

مهيب _ اممم گدامي يلا..

دخلنه وحضرنا الاكل اني ومصطفى و اوسلين گاعده تتأمر علينه ههههه ..