ثأر المهيب

part _17_

ثأر المهيب

بقلمي: ساره الحجيمي 🤍

رجائا لا تنسون التصويت والتعليق على الفقرات والمتابعة للحساب 🤍

____________________

الياس ـ شبيج يمعوده خرب بالك*** ..

ماجاوبته وخرت من المغسله اريد امشي حسيت عيوني غوشن اريد اتوازن ماگدر دفعته اريد امشي اتصل على احمد طلعت من المطبخ وگعدت مغمى عليه وبعد ماحسيت بشي ...

حسيت على اصوات وصريخ بعيده حاولت اتحرك ماكدرت عيوني ثگال ...
فتحت عيوني بعد محاولات بس جان على عيوني غواش ماشفت شي رجعت غمضت مستسلمه لكن جذبني صوت قريب عليه ....

يوسف ـ لك شبيها شسويتلها ..

الياس ـ شبيك هو اني لحگت بس دخلت للبيت وهي فتحت الباب شافتني وراحت تركض دخلت وراها للمطبخ شفتها تتقيئ وبعدها اغمى عليها واني اتصلت على احمد ..

يوسف ـ احمد صحيح هل حجي ...

احمد ـ اي يابه هسه شلون خاف تطلع حامل ..

يوسف ـ شنو حامل لا لا ولك يخرب اتفاقنه إذا طلعت حامل وبعد مياخذها ..

احمد ـ شلون لعد هسه نشوف إذا طلعت حامل نخليها تنزله ..

الياس ـ تره الزعيم اذا دره بيها حامل راح ينزل من المبلغ وانتم الخسرانين ...

يوسف ـ لا لا ماقبل بهل شي اكيد مو حامل اي اي مو حامل وين صارت الدكتوره ..

احمد ـ هسه تجي ..

يوسف ـ خاف تسرب معلومه علينه ..

الياس ـ لا تخاف الزعيم متكفل بهل موضوع ..

احمد ـ هسه غير تگعد لازم ياخذها بهل كم يوم لأن احنه لازم نسافر ...

يوسف ـ لا تخاف كلشي حيكون تمام ناخذ الفلوس وننطيها ونسافر ونخلص ههههه ..

احمد ـ هههه اي طبعا بعد الزعيم متكفل بسفرنا ...

يوسف ـ الياس تره المبلغ كامل مينگطع منه ربع ..

الياس ـ ههههه المبلغ كامل بس نطونه البنيه والكم المبلغ ...

احمد ـ المبلغ *** مليون صح ..

الياس ـ اي عيني اخذو وسافرو ولاتخافون من شي محد يگدر يوصللكم مدام الزعيم بضهركم ...