يوميات اسمر ملتحي
السلام عليكم انا يزن عمري23سنة، ساكن فالخرطوم فى ارقي الاحياء، لله الحمدلله وبعد جهد جهيد قدرت اعمل شركة خاصة بي لتصدير واستيراد احدث انواع السيارات ، ان شاء اللّه لقدام حتتعرفو عليا اكتر ، المهم حاحكي ليكم قصة حياتى وحاخليكم تجربو شعوري ك يزن ،،
يلا كضبت عليكم ،، انتو م تكونو ناس عويرين بتصدق اى حاجة بتنقال
هو اسم الرواية براها تعتبر كزبة اسطورية، اكان علي السمار فلو جا زول اسمر ووقف جنبي حيتبان ابيض عديل والله وكان علي اللحية دي لما كان عمري 19 قامن لي شنبايتين رهااف كدى عجبونى يلا اخوي الكبير احمد ربنا يديهو الصحة والعافية قال لي احلقو واديهو يومين تلاتلة تلقي دقنك دا كلو شعر لكنْ بي شنباياتك الباطلين ديل بت حتحبك ماف، خلاص يلا قمت كدة دا وحلقتم، شهرين تلاتة بقو 5 والوش دا امممملس شعراية بالغلط ما قامت فيو، اخوى التانى حسين بعد ما طلع م̷ـــِْن السجن (بحكي ليكم بعدين السبب الدخلو السجن) بعد ما طلع م̷ـــِْن السجن عمل ليو كم يوم فالبلد وجانا فالبيت، اقول ليكم شي دا زاتو خلو بحكى ليكم بعدين هسي انكمل ليكم تصحيح باقي الاعترافات المزيفة عشان يخوانا نبدا الرواية دى وماف زول كزب علي التانى
يلا بالنسبة للسكن فساكن فى اعماق الحاج يوسف شغال شنو عاطل رمتالي ساي قريت تالتة سقطت حلّفت ابوى عشان يخلينى اعاود اها بعد تلتلت روح واجتماعات مع الاهل ابوى وافق يدفع لي قروش السنة، يلا زولكم امتحن وسقط تانى م̷ـــِْن داك انا زاتى فكرت القراية دى بقت تنشاف لي طشاش طشاش وبقيت زول بيت ساي ،
يلا ما عارف لي الناس بتقول عنى مفتري؟!! المشكلة انا شين، اى والله شين ازرق وشعر مقرقد وطويييل طويييل تحلف تقول عود لمبة
يلا حصل شفتو زول شين ومعترف بشناتو بفتري؟
(غايتو شنا وقوة عين) الجملة دي كان قالتا ليا بت قبل كدة م تستعجلو حاحكي ليكم بعدين بالموقف الحصل بينا،
المهم هسي م̷ـــِْن خلال الرواية احكمو علي ظابط؟
..
