قريب ساعة وانا واقف قدام الباب. متوتر .. خايف .. مرعوب غمضت عيونى ولبست شنطتى بالكتف اليمين ومسكت مقبض الباب وفتحتو طبعا لكم ان تتخيلو فصل الاولاد بيكون جايط كيف فالحصص الفاضية، ،خلاص مع دخلتى دى كلهم وقفو الجوطة واى واحد رجع كنبتو، مشيت خطوة وقلت السلام عليكم خلعونى لمن كلمهم وقفو وردو السلام لمن عاينت ليهم كدااا عرفت انو الجماعة ديل دكسو وافتكرونى استاز. يلا المشكلة انو انا الوحيد فى وسطهم ما عندى شنب ، بعد ما كملت سرحانى عاينت ليهم ورفعت يدينى زى المجرم لمن الشرطة تقبضو وقلت ليهم، اتفضلو اجلسو لكنْ انا م استاز، انا طالب زيي زيكم ، بقيت بعاين فيهم منتظر ردة فعلهم وهم بقو بعاينو لي منتظرنى اقوم ليهم بهظر معاكم، خلاص جا استاز التاريخ وانا مشيت قعدت لي فى كنبة فى نص الفصل وطبعا مع سيقانى الطوال الكنبة ما كانت مريحانى فمشيت شلت لي كرسي من كراسي المعلمين ، منظري مع باقي الفصل كان عامل زى منظر الزرافة لمن تكون وسط الخرفان بالزبط كدة
لْـو الرواية دي عجبتكم اكتبو لي فالتعليقات عشان اتمها ليكم+فالفترة الجاية حاكمل ليكم رواية جمعتنا الصدفة باذن الله انتو بس كترو تعليقاتكم وتصويتكم للاجزاء💕
