انت فاكر نفسك عشان ابوى حتقدر تتخز قرار بخصنى؟؟ معسكر شنو وزفتيين شنو (يلا بعد كلمت زفتين دى احمد تلب بالحيطة وجرا وحسين قام لحقو، خايفين م̷ـــِْن ابوى يحليلهم والله، انا زاتى كنت عاوز اتلب والحقهم لَـگِنْ ما عارف حسيت زى وكانو داك ما انا ما عارف كيف زاتو)
انت لو من البداااية شجعتنى واهتميت بقرايتى كنت زى الزمن دا شايل شهادتى وعرفت سيمت نفسي لَـگِنْ انت تعمل كدة؟ انت تخلينى اثق في نفسي واعيش حياتى زى باقي الشباب؟ حياتك كلللها مقضيها لي يا عاطل شوف اخوك يا عاطل شوف فلان وارجل وشد حيلك وكلام كدة دا زاتو ما عارف انت هييي هاا انا ضرتك؟؟( يلا هنا امى قبضت اختى الصغيرة م̷ـــِْن يدها وجرتا وطلعت بيها لوين زاتى ما عارف ههه
كزول وقتى كلو قاعد فالبيت فاكيد حالقط كلمة كلمتين م̷ـــِْن مشاكل الحريم هههخخخ يلا والله والله انا وقتها كنت بقول فشنو زاتى ما عارف فما تبقو علي انتو وابوى)
استمريت وقلت: ديي حياااتى انااا واناا بعرف اعيشا كيف، والتفت ومشيت للشارع ومشيتى دى ما رجعتها الا بعد 5 شهور وجنبي اعمامى وخوالى وهم بصالحونى بي ابوي فالنهاية وبعد شحتفة روح واهانة ودوسان كرامة حتى قال لي مش المعسكر دا؟ خليو ما تخشو لَـگِنْ تقرا تالتة وتمتحن ووتتخرج زى باقي الشباب مش تقعد لي كدة زى المرة، يلا بغض النظر عن الاهانة الانقالت لى دى،، تالتة شنو الاقراها وانا عمري 23؟؟ عمى قال لابوى: بالغت لكن يالعوض ، ولدك دا لمن بقا بي شنبو تالتة شنو اليقراها؟ (يلا هنا كضبت شنباية بالغلط ما عندى)
غااايتو دا كلامى كان دايرنى اسامحو يرجع يقرا، عمي حك دقنو وقال والله خلاص ما مشكلة يرجع ويقرا وعلي كدة قامو ومشو، بس مش انا صاحب القرار؟ مش المفروض انا الاحدد لْـۆ عاوز ولا لٱ !
