طلعت للشارع وانا سرحان وهم الدنيا دا كلو فى راصي سبحن اللّـه جوع الصباح زاتو راح مني!! كويس يا ابوي انت دا ربنا يحفظك لينا بس. بقيت ماشي بخطوات متثاقلة وانا عشان جلابية ابوي كبيييييرة كبييييرة شديد علي فتحة الراس دي كاشفة لي صدري كلو
كل شوية يقع م̷ـــِْن كتفي اقوم ارجعو تانى يقع م̷ـــِْن كتفي تانى ارجعو فالمرة العاشرة فاض بي وفرغت غضبي كللللو فيو قمممت كدة داا ومسسكتو ليييك وجرررييتو ليك جررر روحى زاتها لمن قربت تطلع معاها، كان ماشي علي مسافة منى جارنا سيد الدكان خلاص م̷ـــِْن ما شافنى بادى اعفرت جانى وهو بكبر وبهلل وبقرا اية الكرسي مسكنى وبقا بتفتف فينى وبقرا الايات وانا لسه ماسك الجلابية م̷ـــِْن طرفا وحالف كان اخليها، اها لمن سمعت صوت ززززييييط حتى فكيتها الحمدلله اتشرط وريحنى، ابوى !! ابوى شنو الانا اخاف منو ؟!!! رجعت للبيت ورزعت الباب وراي جيت لقيت العائلة الكريم كلها متلمية وبتشرب فى شاي الصباح، يلا عاينو مش مرات كدة بيحصل ليك حدث او قرار بشع وشييين جدا فى حياتك بتحس انو تانى كان تصرفت اى تصرف مهما كانت عوراتو وتهورو وتخلفو م بيفرق لانو القرار الشين داك كدة كدة حاصل ليك؟ فاهمنى انتو؟ ما تشغلو بالكم انا زاتى مرات ما بفهمنى، المهم ديك كانت حالتى مشيت وقفت قدامهم وجهت اصبعي السبابة قدام ابوى وقلت:...
يتبع
