فى يوم من ايام السبت يلا هل كلكم زيي بتحسو انو يوم السبت دا يوم كئيب وطويل ومسخن وماليو طعم ولا انا براى؟ ما تشغلو بالكم المهم من الصباااح كدة ملابسي الفي الدولاب والتحت السرير والمعشقين فالباب كلللهم طلعتهم وغسلتهم فالطشت شييت شييت بي همة ونشاط، اكتفيت علي ديل؟ لٱ طبعا، ملابسي الكنت لابسها زاتها طلعتها ما قعدت الا بالداخليات،غسلتهم وصفيتهم وشريتهم مشيت خطوتين لقدام وعاينت لانجازي العظيم غمضت عيونى واتنفست برضا الا اسمع ليك صوت حاجة واقعة، ياا رب يكون دا واحد م̷ـــِْن ناس البيت وقع م̷ـــِْن سريرو. ولا ان شاء اللّـه يكون حرامى تلب بحيطتنا ووقع لكن ملابسي لٱ💔 لا💔 فتحت عيونى وشفت منظر الملابس الجميلة مغطاة بالتراب مع نكهة الطين حاجة فى قمة السعادة♥️ رفعت كتفينى بي عدم اهتمام وكنت فى طريقي للديوان زغت لاوضة ابوي وكويس الكانو نايمين فى الحوش اها شلت لي واحدى م̷ـــِْن جلابياتو سترت بيها نفسي مسافة ما واحدة م̷ـــِْن ملابسي تنشف وبقيت طالع م̷ـــِْن الاوضة وماشي للمطبخ اتسمم باي شي بس تعتيبي لباب المطبخ وقفنى صوت ابوي بقيت بدعيي فى قَلبـي ما يكون لاحظ لجلابيتو البستها والحمدلله حالفنى الحظ لمن قال: اجهز اسبوع وتمشي للمعسكر
سبحن الله دى اول مرة الحظ يحالفنى! يعنى ادعي فى قَلبي بشي وما يحصل لَـگِنْ دقيقة دا شنو المعس.. لحظات استيعاب التفت علي ابوى وختيت يدى فى قلبي وقلت مععسسكككرر ؟؟ ابوى قال لي اى معسكر مالك فى شنو؟ شهرين تلاتة تتعلم فيهم الخشونة اقلاها ترجل حبة وتبقا زي باقي اخوانك هسي شوف احمد دا بعد ما دخل للمعسكر قامن ليو عضلات كيف وهسي ماشاء الله اشتغل ليو فى ورشة وامورو ماشة(احمد اللافي م̷ـــِْن حلة لي حلو وغاشي البنات ولا واحد تانى؟ ) واخوك حسن الاتعلم وكمل تعليمو (نجح بالغش يا ابوي اقسم بالله نجح بالغش)
مااا زيييك ما عندك لٱ هدف ولا طموح قاعد كدة هسي فرقك م̷ـــِْن اخواتك شنو ... الخ هو بيرغي وانا لسع بفكر فى حتتة المعسكر الدار يدخلنى فيها دي
.. يتبع
