فواز : يا محمد امسك عدل والله اذا طاح ياويلك مني
محمد : وش شايفني بزر
فواز : والله مسكت دليل انك بزر
محمد عصب وترك عمدا
فواز صرخ : ياحمار
عبدالله مسك فواز
فواز : انت غبي ليه تتركه
محمد ابتسم ب خبث : مو قلت انا بزر ما قدرت امسكه
فواز : والله يامحمد اذا ما سويته وركبته انت رح تشوف مني شي عمرك وحياتك ماشفته
محمد : اتحداك تقدر تمسكني
فواز : تتحدي بعد يابزر
محمد : اذا انت رجال تعال
عبدالله و خالد ماسكين فواز بالغصب عشان ما يهجم على محمد
سعود مسك محمد ودفه: محمد انت وش نيتك
محمد : ما تشوف اخوك بس يغلط على
سعود : حتى ولو تر هو اكبر منك وش ذا كلام الي تقوله
محمد : يخسي والله هذا بنت تبي احترمه
عصب سعود ومسك اصبعه ولواها له ونطحه براسه ونطق : والله انا غلطان جالس اتكلم معك
وانصدم عبدالله و خالد اما فواز افتخر فيه
فواز: كفوو ياخوي
خالد ناظر عبدالله وقال : مو علي اساس قاعد يبعده
عبدالله : مدري عنه
فواز قدر يبعد عبدالله و خالد عنه وهجم مع سعود ضرب ب محمد
وعبدالله مسك سعود اما خالد ما قدر يبعد فواز عن محمد
بهذا لحضه مها سمعت صوت صراخ وركضت لما شاف فواز يضرب محمد ضحكت قالت بينه وبين نفسه اووف واخير في احد رح يأدبه
نطقت مها : ياولد العم تكفى لا تقصر فيه
ناظرو الكل لها وانصدمو من كلامه
اما فواز بدون ما يناظرها : ابشري ما طلبتي شي يابنت العم
اما الكل سمع صراخ وانصدمو من صوت صراخ وطلعو من خيمه انصدمو كل من هواشهم اما مها استانست لانه اكثر واحد تكره محمد لانه عنده نظرات عليه منحرفه اما الكل خايف
ابو عبدالله و ابو فواز جوء وبعدوهم
ابو عبدالله : ما تستحون علي نفسكم قدام جدكم تتهاوشون
ابو فواز : هذا ولد عمكم ليه كذا تتهاوشون معه
سعود : والله اسأله وش يقول علي اخوي
فواز استغرب : ليه هذا وش قال
سعود : قال عليك بنت ما ينسمع كلام
محمد : انا مو غلطان وهذا حقيقه
فواز عصب ورجع مسك محمد و عطاه بوكس قوي وطيحه علي الارض
ابو محمد : فواز وش قاعد تسوي اتركه
عبد الله و خالد مسكو فواز وبعدوه
ابو عبدالله : خلاااص انتم حتى ولو مو فشله قدام جدكم تتهاوشو
فواز : والله ياعمي رح اسكت عنه هالمره عشان جدي بس مره ثانيه ولله ادفنه وهو مكانه ومشي يبي يبعد عن مكان عشان ما ينجن اكثر عليه
ابو عبدالله مسك محمد وتكلم
ابو عبدالله : ثاني مره احترم الي قدامك سكت هالمره عشان ما تكبر سالفه بس اذا شفتك ثاني مره تتمادي علي الاكبر منك وتقول نفس كلام الي سمعته رح اقص لسانك ورح تشوف مني معامله تتمنى ما تشوفه ودفه
ابو محمد ساكت لانه عارف معه حق اخوه
ابو فواز : يا غلا خوذي اخوك
غلا : طيب ياعمي
عبدالله ناظر نظره سريعه علي غلا و شاف خوفه ونزل عيونه عشان محد يلاحظ
اما مها لما سمعت خلود وهي دور علي شنطة الاسعافات قالت بينه وبين نفسه بهذا مناسبه الحلوه لازم اتشكر ولد العم اي بنهايه برد قلبي فيه
نطقت مها : خلود انا رح اخذه له
البنات انصدمو
سعاد : انت تاخذينه غريبه
مها ببتسامه : وش غريب بالموضوع
خلود: الغريب بالموضع اهتمامك ياعمري
رنا: اي والله يعني معروفه اذا شفتي فواز قدامك يموت مارح تتحركي
سعاد و رنا : بسم الله علي اخوي
رنا : مثال يا بنات
مها : لا طولنه يابنات وهي قصيره انا رح اخذ شنطه خلااص وطلعت من غرفه
والبنات ضحكو عليه
———————-
عند فواز
كان معصب و يحاول ما يسوي غلط وهو معصب ولما جاه مكالمه من نوره قفل مكالمه لانه ما يبي الحين يكلم او يسولف مع اي احد وسمع صوت من وراه
ولف يناظر شاف مها باستغراب
مها : ولد العم
فواز : ابدا مالي خلق لك تكفين روحي من هنا
مها : لا لا ما عليك هالمره مارح اتهاوش بالعكس جايه اقول لك تسلم ايدك
فواز با استغراب : وليه ؟
قربت مها عليه وفتحت شنطه الاسعافات تطلع مسحه طبيه ومرهم ولصقه
فواز: وش تسوين
مها : وش شايف اسوي
وبدت تعقم له جرحه وتحط من مرهم
فواز : ليه انتي تكرهين محمد
مها : بس كذا
فواز : مثل كرهك لي
ناظرت مها ل فواز وصارت تناظر له من فوق تحت
فواز عقد حواجبه من نظراته
مها ضحكت : لا طبعا وبعدين يخسي والله انت احسن منه 100مره
فواز ضحك : والله غريبه منك مدح يابنت العم
مها ضحكت : والله صدق غريبه وبعد امدحك انت بس لصدق تستاهل مني هالمره مدح
فواز : والله انا انسان استحق مدح يومياً بس منك ما احتاج صراحه
مها : مغروررر وبعد حاصل لك مها بنت فيصل تمدحك
فواز : ونعم بس اقول لا تكثري كلام وخلصيني
مها : والله انت مو وجه واحد يجي يمدحك و يساعدك
فواز : تو يابنت مدحتي مسرع ما ندمتي
مها : اي خلص وقت مدح بعدين مافيك شي خلاص ارجع ل جدي ينتظرونك
فواز ضحك : حتى مدحك له وقت يابنت العم
مها : اي طبعاً انا مها بنت فيصل
قطع كلامه فواز : يووه ذبحتيني يابنت فيصل
ضحكت مها : اجل يلا خل نمشي للأهل
فواز : انتي امشي قبلي وشوي اجي وراك
مها : وانا غبيه اصدق كلامك يلا قدامي
فواز : اقول سكتنا لك شوي رجع طول لسانك
مها ضحكت : يلا يلا قدامي تر اذا ما قمت ومشيت معي
فواز عقد حواجبه : اي وش رح تسوين
مها : رح اوقف فوق رأسك لين ترجع داخل ومع الاسف
رح يكون اصعب وقت لنا تدري صح
فواز : اذا كذا لا صادقه لازم ادخل احسن من وقفتك علي
مها ضحكت : اي شاطر
فواز : يلا قدامي
مها قبل لا تمشي مسك فواز كتفه وتقدم
مها : ونعم وش تبي
فواز : متأكده مافي شي تبين تقولين لي عن محمد
مها : مثل وش
فواز: ليه تكرهينه بدون سبب
مها فهمت وش مقصده من كلامه بس احتارت تقوله او لا
وهي تعرف جنون فواز وخافت لا يسوي شي فا اخذت نفس
وناظرت فواز
و فواز جالس يناظر لها هو خايف عليه رغم هواشهم الي ما يخلص
بس أبدا ما يرضي احد يقرب لها
مها ببتسامه مزيفه : طبعا مافي شي ولي تفكر فيه ما صار
فواز عرف في شي مخبيته بس ما حب ضغط عليه
فواز : طيب بس تأكدي متى ما احتجتي شي
او تبي تتكلمين مع احد أنا موجود
مها ارتاحت من كلامه بس ما حبت تبين ضعفه
مها ضحكت : اقول انت كأنك اخذت وجه من شفتني ساكته لك
فواز فهم عليه انه ما تبي تبين ضعيفه لهذا سبب سلك لها
فواز: والله انتي لا تأخذين وجه لا تنسين ولد عمك واقف قدامك
مها : مو حنا عارفين انك ولد عم عشان كذا نتكلم بهذا طريقه
فواز ببتسامه :والله
مها ابتسمت : واااالله بعدين يلا خلاص تأخرنا
فواز: يلا قدام
أنت تقرأ
هل بعد الاجبار يأتي الحب ...
Randomتمنيته من كل الناس وتمنيت تكون من حلالي بس ما توقعت يجي يوم بنكسر هذا قلب واتزوج بنت عمي { هل الاجبار رح يكون له مكان بقلبي }
