أسقطتني سقيما فــي فُتونِ عيناهـا ♡
ELYAAKOUBI Ikrame .. ✍︎
نهايـة الفصل 2 : ✧ اغْدَقَتْنِـي صَبْــوَةً ✧
• Corte Suprema di casszione , رومـا •
خرجات من الجلسة كتضحك وهي خارجة معاه هو هاز محفظتو بيد واليد الثانية فجيبو :" عاصي Sei sempre il migliore " - نت الواعر ديما -
وطلعات عينها فيه، رغم طولها والطالون لي لابسة هو طول منها :" عجبتيني فيهم "
باعجاب:" خصوصا ونت كتعطي فالادلة "
عاصي كيلبس نظاراتو الشمسية السوداء :" هادوك سميتهم الجوكر"
أليغرا:" خرجتيني من مشكل كبير.. فلول مكنتيش موافق علاش فجأة شديتي القضية ؟"
عاصي وقف كيشوف من بعيد طوموبيل كتسناه:" متقبليش Partenariat مع بن جلون " (شراكة)
أليغرا باستغراب:" علاش كنا ناويين نتلاقاو الشهر الجاي وقصدت بن جلون حيت دوي خبرة بغيت نبدا فمحال العقار "
عاصي:" الى بغيتينا نتلاقاو فـ Affaire خرى راك عارفة شنو ديري"
أليغرا:" نرفض الصفقة "
مشا وخلاها متبعاه بعينيها غدوب من وراه بغات غير شوفة منو.. تفاصيل جسمو.. عرض كتافو و صلابة ذراعو وهادوك العروق البارزة فيديه.. و طولتو و هذاك الظل لي بين حجرو كيبان شوية من تحت سروال معزول.. صوتو ونبرة العمق لي كينطق بيها ولا عن براعتو وفصاحتو فالكلام والدفاع قدام القاضي.. لي منين شافو عرف القضية لمن غتكون فالاخير.. جميعها تفاصيل كتخليها تتأثر بيه وبشخصيتو الباردة ولكن النبيلة في آن واحد وبسبابو وبسبب مصداقيتو قررتت تختار عائلة بن جلون باش تبدا مشروع جديد بالعقارات ودير الخطوة الاولى مع محترفين.. على امل يجمعها معاه خدمة اخرى ولكن الغريب انه مباغيهاش تتشارك مع شركة عائلتو.. عكس جويرية بن جلون لي كانت تصر دائما على استظافتها وتشجيعها ففكرة المشروع لي غيزيد ببن جلون حيت اليغرا شخصية غنية غنى فاحش.. و معروفة عالميا
ركب داخل سيارة رمادية اللون من فئة ليكسس LS لي كانت على حساب شركة فيرزاتشي هي و الفيلا لي اعطاوه للاقامة ففترة القضيية
عاصي طلع عينو فشيفور من اللور من زاجة سائق:" بوتيك Valentino "
وتوجه السائق لموقع البوتيك هو احد ارقى واشهر البوتيكات فروما.. ملابس نسائية ورجالية و ماركة عطور معروفة والمؤسس Valentino Gravani
التصميم يتميز بفساتين فاخرة وانيقة مع تحديثات عصرية كالمعاطف... وتصاميم رجالية من حقائب وسراويل وقمصان..
أنت تقرأ
أسقطتني سقيما في فتون عيناها
Romanceكانت اكبر مخاوفها ان تقع في حب سيدها ولكن ماذا لو وقع سيدها في شباك عشقها ؟ وهو مصاب بلعنة الكِبر..أسيحبها ام سيطفؤها؟ #أسقطتني_سقيمـأ_فِــي_فُتُون_عيناهـَا ✨🫀 Written by : ELYAAKOUBI Ikrame ✍🏻
