ريڨـيوهـات ليـل _ لدعـم هـواة الكـتابـة

|نصيحة لـشخص بيكتب|

من وحي خبرتي وإللي هى مش كبيرة أوي كـكاتبة بكتب من صُغري وبقالي 3 سنين بتعلم إزاي أكتب صح من ناحية اللغة وأساسيات الكتابة الصحيحة والقواعد النحوية وبعض المعلومات الأخرىٰ أحب أقول الآتي :-

كـكاتب بيكتب أو كاتبة لا يكفي أبداً موهبتك"فالموهبة بلا عـلم أو معـرفة لا قيـمة لها." لذا عليك أنتَ كـشخص بيكتب إنك تكون شغوف بالكتابة والقراءة معاً، شديد الإطلاع عندك القدرة على السعي والتعلم والبحث والتطوير من لغتك لأن اللغة القوية هى ببساطة ما تجذب القارئ الجيد، عليكَ أن تتعلم حتىٰ يصبح لديكَ الموهبة والمعرفة وبهذا تكون وضعت نفسك على أول طريقك كـشخص يكتب.

.
.

أنصح دايماً الشخص إللي بيكتب أو لسه بادئ فى الكتابة جديد أو حتىٰ شخص بيكتب من زمان لازم على الأقل تكون قرأت حوالي 1000 رواية أو كتاب فى المجال أو النوع إللي بتكتب فيه، وتقرأ عموماً فى كل المجالات وكل الكُتب القراءة تضيف للشخص لا تأخذ منه، ولازم تقرأ ومش أي قراءة لو قدرت تبقىٰ دودة كُتب إعمل كدا فعلاً لأن الكاتب الذي لا يقرأ بيهد نفسه وشخصيته كـكاتب، من الآخر كدا هناك علاقة طردية بين القراءة والكتابة فكلما قرأت أكثر كلما استفدت مما قرأته فى ثقل لغتك ومعرفتك فى كتاباتكَ ورواياتكَ.

.
.

عليكَ كـكاتب أن تضع فى عين الإعتبار أمراً شديد الأهمية والأمر دا هو إنك هتتحاسب على كل حرف بتكتبه مش بس من الناس والقُراء، أنتَ هتتحاسب من ربنا وما أراكَ بقىٰ بحساب ربنا يعني لازم تكون شديد الحرص وأنتَ بتكتب لأن أي حاجة غلط هتكتبها وأي حاجة حرام بتكتبها لو مجيتش قولت فى روايتك أو كتابك بالبُنط العريض يا جماعة دا حرام وغلط وقولت الصح إيه والحلال إيه يبقىٰ أنتَ كدا بتعمل رصيد سيئ لنفسك اسمه السيئة الجارية، عشان كدا لازم تاخد بالك من المواضيع إللي بتناقشها ولو قضايا مهمة وفيها أي حاجة مُنافية مع الأخلاق أو الدين تذكر دا بشكل واضح عشان تكون حاجة تتحسبلك متتحسبش عليك.

.
.

كـشخص بيكتب لازم تحط نفسك مكان الشخصية إللي أنتَ بتكتبها وفى نفس الوقت يكون عندك حيادية فى عرض الشخصية للقارئ، يعني تخلي الشخصية فى الرواية حقيقية حركتها كلامها مشاعرها أسلوبها عُمقها كـإنسان ولو الشخصيات كتير تجنب الوقوع فى غلط تسليط الضوء على شخصيات معينة وتبقىٰ فى شخصيات مهمشة أنا هنا مش بتكلم عن الشخصيات الجانبية أنا بتكلم عن شخصية أساسية مش واخدة حقها من الكاتب.

.
.

نيجي بقىٰ للوصف "الوصف هو أكتر حاجة حرفياً بتضايق القارئ من الرواية" الوصف لازم يكون متوسط لا هو قليل جداً والأحداث سريعة تحسس القارئ إنه عمال يجري فى الرواية من سرعة الأحداث، ولا الوصف يكون بطئ وممل تخلي القارئ يحس بالملل ويسيب الرواية، وتقعد توصف الشجرة والمياة والنملة والحجرة، خلي سردك ووصفك وسط يعني أوصف بطريقة عادية على حسب المشهد، وصف عميق بعض الشئ ولكن ليس لحد الممل الرتابة.