رَهِينَة حَمِيّتَه "باللهجة الفلسـ ـطينية🕊️"

✨الرابع والثلاثون✨

ربّاه سلّم أهلها و احمِ المخارج والمداخل
واحفظ بلاد المسلمين عن اليمائن والشمائل
مستضعفين فمن لهم يارب غيرك في النوازل

قراءة ممتعة♥️♥️

~~~~:
اللي ما بقدّر الشي بوقتو بتجازى بفقدو...

إلا بصوت أبوه الصارم واصلو من خلفو:
من متى بنصير القاص والجاني
اتركهم لحالهم هي أول ع أخر امها
وقرار البعد والقرب منها مش منك لا بالشرع ولا بالقانون
كمان
انتبه الخوف عليها ما بسمحلك تصل لهون وتصير سجان وقاضي لإلها ومتحكم بقرارها...

!!!!!!!!!
عفوًا
مين قال هو بدو يمنعها عنها ويستأثر فيها
هو بس بدو يحميها من شرها مو اكتر
لكن مانو سجانها ولا حتى قاضي عليها ومتحكم بقرارها متل ما أبوه مفكر فيه
فطالع بفراغ وهو حاسس حالو هينهار من ظن ابوه فيه وكلامه عليه
مدرك
يا الله
هو قبل بأول النهار بالمستحيل عشانها
وهلأ بنهاية النهار هو عم يعمل بالمستحيلات اللي كان باصم هو ضدهم وما بعملهم بكل حياتو
*******
يا رحيم يا الله
أي ازدواجية عم يحطوه فيها عيلتو وعيلتها وهي من الصبح لحد هلأ
*****
تاركها لإلهم ونازل لتحت بدو يلبس برجلو ليهج من عندهم وهو رافض أي حد يكلمو ولا يقرّب منو من خوفو ليساوي شي لدرجة مدمرة
مين بصدّق هو الحليم الصبور
يصير منفعل غالب الوقت؟؟؟

والأمر هو
كيف يستوعب
اللي كان عندو ضد مبادؤو ما بقرّب منو
لكن هلأ هو عم يدور حولو عابر دائرة الشبهة كرمالها للي هلأ قتلت حالها ع أمها وأهلها
خلص بدو يهج منهم كلها لإلها وريت القاضي راضي
والخانم بايعة العشرة ومو قلقانة بمشاعرو ولا باللي عم يعملو
وفوقها عم تبكي بصوت هلأ وتشهق ع سمعو وسمع اهلو وأمها...

اه مسكينة
شو غلبانة عندو
يا ديلي عليـ.. .
إلا بصوت رجولي مباغت استوقفو من خلف
باب المجلس:
زعيم ممكن نتكلم؟!

لف بسرعة بس وعي هدا صوت اخوها بشار اللعين
هلا والله بارذل الشباب صار بدو يحكي معاه هلأ
هه أصيل وابن عالم وناس
سبحان مغير الأحوال

فبعجلة رمى بسطارو
عابر عليه ليسد وراه الباب بقوة
فبعجلة جت صيادة المصايب والمشاكل بايعة العشرة
بدها تحلقهم للمجلس قبل ما يصير شي
لكن أمو منعتها بمد إيدها بستوب بنص طريقها
مأشرتلها لتعبر مع أمها فجر ع الغرفة اللي تكملوا فيها يوم الصبحة... فسايرتها بهدوء مريب كرمال العيون اللي عليهم ومباشرة بس انطبق الباب وانضوت الغرفة...
بكتلها أمها
مش عارفة شو تقلها
مش مصدقة كيف كانت معاها
ولا مستوعبة هي وين قبل كانت عايشة
كأنها بعالم تاني وبشخصية تانية
لكن الجسم والذاكرة وحدة