وبين الطير والغصن صارت قصة عشق.. لو ما اختار كل منهم الثاني..!!
الطير غرد والغصن تمايل طرب.. نسمات ربيع هبت عليهم واسعدتهم ليالي... لكن.. .
لكن هبت هبوب الصيف وانكسر الغصن.. وطاح الطير جريح يشكي أوجاعه..!!
،
،
،
مرت اسابيع على الأحداث السابقه..
قامت من نومها متأخره بعدما أزعجتها رنة تلفونها.. ومدت يدها بكسل للجوال من تحت اللحاف واخذته وردت بصوت كسلان/الووه
ام لوجين بالجوال/السلام عليكم حبيبتي
لوجين وهي تحاول تصحصح/وعليكم السلام..
ام لوجين خافت/لولو ايش فيه صوتك
لوجين اخذت نفس وهي تبتسم لصوت أمها/ما في شي يا أمي كنت نايمه
ام لوجين استنكرت/نااايمه!!.. انتي عارفه كم الساعه دحين
لوجين ناظرت لساعة جوالها/راحت عليّا نومه.. ايش اسوي
ام لوجين/هيّا قومي وافطري.. لا تقعدين كذا
لوجين وهي تتثاوب/حاضر يا أمي
ام لوجين/يلا أنا اسيبك علشان تقومي وتصحصحي..سلام
لوجين سكرت الجوال وتركته على السرير واستقعدت بخمول، حست بدوخه بسيطه بس طنشت ونزلت من السرير.. وأول ما وقفت حست بغثيان خفيف ..واتجهت لدورة المياه.. ،
ناظرت في مراية الحمام وهي تعاتب نفسها/الدوخه هذي اكيد آخرت كثرت النوم وقلة الأكل يا لوجين.. تستاهلين.
رن جوالها مرّه ثانيه وطلعت ترد، شافته مشعل ردت/هلا مشعل
مشعل بالجوال/صبح صبح يا حلو، اخيراً قمتي!!
لوجين ابتسمت وهي تجلس ع طرف السرير/مشعل ليش ما صحيتني، طوولت بنومتي
مشعل/صحيتك بس ماحسيتي علي..
لوجين/اهاا.. طيب ليش متصل علي اللحين... مو انت راجع من الدوام بعد شوي
مشعل/ايووه اتصلت علشان اقولك تجهزي نبي نطلع انا وياك نتغدا برا ونتمشى
لوجين فرحت/من جد!!... وين؟
مشعل/ماحددت مكان معيّن ..المهم تجهزي وبس
لوجين تحمست/اوكي..
/
/
/
/
/
في استراحة "جابر"..
جالس وهو مستغرب من هالآدمي اللي جالس قباله ومحتار كيف يعطيه 100الف بدون ضمانات.استغرب من حقد اخوه علي.. مهما كان ما يستأجر قاتل لأبن عمه.وبين صراع فكري داخل راسه...!
