ودايم قصة العاشق .. قديمه !
مثل كل الفصول / اللي على مر الزمن تنعاد!
عزانا .. والدموع جداد بأن ( الشمس وحده )
ويَ كثر المشارق "
،،،،
،،
،
،
لمياء من وراء الباب و بصوت حاد/وش درانا انك صادق... ؟!
روبين تأيدها/ايه وش درانا..
سعود توهق/احلف لكم بالله اني متزوج وزوجتي بالبيت وتعبانه... اظن بتولد.. دقيت ع الاسعاف بس بيتأخرون. انا ابيكم تجون عندها وتساعدونها ع الاقل لين توصل الاسعاف انا ماعندي خبره في هالامور
لمياء بتردد/شوف انا وصديقتي بنروح بس بشرط
سعود وهو مستعجل/وشو هالشرط؟ تكفون استعجلوا
روبين وهي تنغزها/يالهبله من جدك تصدقينه؟!!
لمياء/اسكتي خليني اكلمه.. يا اخ سعود
سعود وهو يناظر ساعته وباين انه مرتبك/سسمي
لمياء/انتا راح تظل بالشارع وما راح تدخل البيت معانا وقبل كذا لازم نسمع ونشوف زوجتك عند الباب علشان نطمن انك ماتكذب علينا
سعود/اوكي.. موافق بس تعالوا
لمياء/لحظات ..نلبس اغطيتنا ونجي
،
دخلت لمياء وهي مستعجله وبدأت تلبس البالطو والحجاب كامل/يلا يا روبي خلصي
روبين لبست وهي تحلطم/يعني لازم نروح في داهيه علشان حضرتك بتنقذي احد..
لمياء/يا روبي الناس للناس.. ولا تنسي احنا في غربه وهذول من ناسنا واهلنا..
روبين وهي خايفه/طيب افرضي انو بيكذب علينا ايش راح نـ...
لمياء سكرت فم روبي وبيدها وقاطعتها/اششش دوشتيني يا بنت اسكتي.. ماراح يصيبنا شي باذن الله ،بس تعالي.. انا شرطت انه ما بيدخل معانا.. وقبل كذا راح نتأكد اذا في البيت زوجه او لا... هيّا تعااالي
روبي راحت معها/الله يستر من هالمشوار
/
/
/
عند باب بيت سعود وقفت لمياء وهي تنادي/يا هوووه فيه احد
صوت انثوي يبدو عليه التعب مع صرخات ألم قويه/ايووه انا هنا تعالي اااا
دخلت لمياء وروبي ضلت عند الباب علشان تتأكد مثلما قالت لها لمياء..
لمياء تفاجأت بوحده حامل و جالسه بنص كنبة الصاله وباين انها حيييل تعبانه، لمياء اتجهت لها مسرعه/الله يولدك بالسلامه انا اختك لمياء
