،
،
هذا الفصل اهداء لـ شموخ الشمري*
.
.
،
هذا فرح والا حزن؟!
شوق طاغي او حبٍ دفين
عشقٍ تنامى او هو عشقٍ قديم؟
والا هي مشاعر تايهه تبي من يلمها!
تبي من يتبناها ويحتضنها..
آه يا غياب السنين
هذا هو اللي يسمونه "حنين"
،.،.،.،
،
.
بعد دقيقه كامله مضت ع الصمت الرهيب..
كحة ايمي ..
الكل التفت على مشعل اللي يضمها ومستمر يربت على ظهرها ..وملتزم الصمت ودموعه تنهمر ..
لوجين بابتسامه مخضبه دموع/مشعل انت تسمعها؟!
مشعل استوعب انها تكح.. ولفها يبي يشوف وجهها ..
لوجين بسرعه مدت يدها/نزل راسها يا مشعل تبي تستفرغ..
مشعل سوا مثلما قالت وكدر ايمي وطلعت كل المويه اللي داخلها..وتنهدت معاد فيها تبكي/ماامااا
لوجين بسعاده اخذت الفوطه من ساندي ومسحت وجهها/ايمي حبيبتي شوفي بابا جاء علشانك
ايمي اللي اصلاً بحضن ابوها ،ناظرت فيه تتأكد مب مصدقه.. تتبسم وعيونها حمراء من المويه ووجهها ضاحك وببراءه/باباا!!!
مشعل رجع يضمها مره ثانيه وهالمره اخذها وراح بها بعيد وقف ومعطيهم ظهره ويبكي بصمت ودموع حارقه وهو يحتضنها بشوف ولهفه..وكأن له سنين ما بكى..!!
ماجد وهدى حسوا بالذنب بهاللحظه وهم حارمينه من عياله كل هالسنين..
لوجين ماتوقعت تكون ردة فعل مشعل بهالشكل،مع انها تعرف انه حنون.. لكن ما ينلام..
نايف ومشعل الصغير واقفين مذهولين ويطالعون..
مشعل الصغير اول مره يشوف ابوه التفت على نايف وهو يهمس ببراءه/ثووف بابا..!!
نايف مسوي نفسه باشا/ادري ثفته من ذماان
ماجد اتجه لمشعل وربت على كتفه/الحمدلله ع سلامتها.. مشعل وانا ابوك خلاص.. اوجعت قلبي..
ايما بادلته الاحضان بسعااده ولفت يدينها حول دقبته/لعاد تثافر ي بابا انا احبك
مشعل ناظر فيها يتأمل ملامحها وعيونه غرقانه دموع،ناعمه وحلوه،شعرها بني نفس شعر اخته زينه، همس لها/وانا بعد احبك يا روح بابا..
ماجد ابتسم بحنان/يلا ادخلوا.. هدى حطي لنا العشا بسرعه..
هدى/ان شاء الله..
