ابتداءاً من هذا الفصل ستبدأ شخصيات جديده وهامه بالظهور على سطح الاحداث.. وسيبدأ الجزء الثاني من الروايه ..
،
،
،
في بهو الجامعه الكنديه..
البنت اللي صعب تمشي بدون صديقتها وبالاصح تحس بضياع بدونها اليوم داومت علشان البحث اللي اتعبها.. روبين تمشي وتسب لمياء اللي استغلت الفرصه وضلت عند جارتهم ندى( حسبي الله دخت في هالجامعه اثاريني خبله ما اسوى بدون لمياء.. الكل يناظرني وكأني نازله من كوكب ثاني!! أو كله علشاني منقبه!!! )
وسط نظرات الطلبه وبعضهم مستغرب لبسها والبعض عادي عنده..
تعثرت وطاحت وسط ضحكات الطلبه ..وبكت من الاحراج مو من الطيحه.. حست ان شكلها غبي وهي تطيح.. ماقدرت تقووم ..
تفاجأت بيد تمتد لها ..ورفعت راسها وشافت شاب طويل بعيون رماديه وبشره برونزيه فاتحه وشعر اسود.. ملامحه كانت شرقيه عربيه بحته/
الشاب/can i help u?
روبين ما مدت يدها وحاولت تقوم/no thanx
الشاب نزل ياخذ ملزمتها اللي ع الارض ..
روبين سبقته واخذت الملزمه وهي متوتره من الاحراج وصرخت بوجهه وعيونها تلمع دموع/go waay.. I don't need ur help
الشاب ضل يناظر بعيونها اللي تلمع وساكت/..
روبين مشت وتركته.. وسط دهشته..!!
/
/
/
السعوديه_جده..
جالسه على كرسيها المفضل بإسترخاء قبال التلفزيون في بيت اهلها ولكنها سرحانه بالتفكير في موضوع مشغل بالها...
ترددت كثير في هالخطوه.. تمنت ان صديقاتها معها علشان يقدرون يساعدونها.. لأنها مستحيل تطلب من أمها هالطلب..
على حد علمها ان صديقاتها راح يفهمونها اكثر.. وراح يأيدون الشي اللي هي ناويه تسويه...
فكرت من ممكن يساعدها هنا.. ؟!!
قطع عليها صوت أمها/غيري المحطه،مالقيتي غير افلام الاكشن علشان تتابعينها
لوجين انتبهت لأمها ببتسامه/ما يروق لي غيرها
ام لوجين جلست وهي تصب الشاهي/تبين كاسة شاهي
لوجين/ياليت، بس تكون بدون سكر
ام لوجين استغربت وخافت/ليش؟ بسم الله عليك
لوجين وهي تحاول تعدل جلستها بكسل/مادري بس ماعدت احب السكر والحلى
ام لوجين ببتسامه/شكلك بتجيبين لنا ولد
لوجين ما فرحت ابد و ابتسمت مجامله/ماراح اجيب شي
